Gyung So 1
1
Byù Jihpán Gùq É Hkyô
1Haû Yhûmsîng Garai gi, Isira-elaq byu pé Egutuq ming mai htoq lo é htâng í zan zàn lha-mó í hkyap hkyap lhôxân nyí má, Sinaq Yòso mâ é zùphpong zúm má Mosheq lé dáng nyo ri. Yhang taî é gi, 2-3“Arun eq nàng, Isira-elaq byù hpûng gón mâ é, chyungxe zànwut í xê zàn lai mù, gyè wó zan bê é yùqgè wuì bànshoq lé, yhángmòq é a-myû koq mai yhûmhtu jé shoq rayùq htâng rayùq myìng du htau luî jihpán gùq mù, ahpúng hpúng nghap gam to keq. 4A-myû up hkangmó mâ é yhûmhtu ushuq kut sû gi, núngnhik lé garúm ra râ nghut lhê. 5Núngnhik lé htuqbáng râ é byù myìng gi, a-ô mâ é eq rajung za nghut lhê;
Rubin up mâ é Shedura é yhang zo Elizura;
6Sime-on up mâ é Zurishadai é yhang zo Shelumila;
7Yudaq up mâ é Aminadap é yhang zo Nashon;
8Yisahka up mâ é Zu-a é yhang zo Nehtanela;
9Zebulun up mâ é Helon é yhang zo Eli-ap;
10Yosep yhang zô nhik mai,
Ehprim koq mâ é Amihut é yhang zo Elishama;
Manase koq mâ é Pedazura é yhang zo Gamalela;
11Ben-yamin up mâ é Gidoni é yhang zo Abidan;
12Dan up mâ é Amishadai é yhang zo Ahiza;
13Asheri up mâ é Ohkran é yhang zo Pagila;
14Gat up mâ é Du-ela é yhang zo Eli-asap;
15Naphtali up mâ é Enan é yhang zo Ahira pé nghut akô.” gâ ri.
16Shí bang gi, yhángmòq é shiwa hpúng má hkyin masàt tô é, yhángmòq é a-myû up mâ é ushuq pé nghut akô. Yhángmòq gi, Isira-elaq a-myû koq mâ é gyè hpúng lé ùp é zau wuî nghut akô.
17Mosheq eq Arun gi, haû myìng byî to bê bang lé shuî yù mù, 18í hkyap hkyap lhôxân nyí má shiwa byù hpúng gón lé tsîng yù luî, yhángmòq é a-myû koq mai yhûmhtu jé shoq í xê zàn lai bê é yùqgè wuì lé, rayùq htâng rayùq myìng du htau luî jihpán gùq yu akô. 19Haû gi, Yhûmsîng Garai mai Mosheq lé hkunmó hkyô é eq rajung za nghut ri. Haú dông, Mosheq gi, Sinaq Yòso má yhángmòq lé nghap yu ri.
20Isira-elaq é yhang zo zo-mún Rubin é awùt ashín pé mâ é, chyungxe zànwut í xê zàn lai mù, gyè wó zan bê é yùqgè wuì bànshoq lé, yhángmòq é a-myû koq mai yhûmhtu jé shoq má kâ xûm tô é eq rajung za, rayùq htâng rayùq myìng du htau luî jihpán gùq akô. 21Rubin up mâ é byù du gi, 46500 yùq bo ri.
22Sime-on é awùt ashín mâ é, chyungxe zànwut í xê zàn lai mù, gyè wó zan bê é yùqgè wuì bànshoq lé, yhángmòq é a-myû koq mai yhûmhtu jé shoq má kâ xûm tô é eq rajung za, rayùq htâng rayùq myìng du htau luî jihpán gùq akô. 23Sime-on up mâ é byù du gi, 59300 yùq bo ri.
24Gat é awùt ashín mâ é, chyungxe zànwut í xê zàn lai mù, gyè wó zan bê é yùqgè wuì bànshoq lé, yhángmòq é a-myû koq mai yhûmhtu jé shoq má kâ xûm tô é eq rajung za, myìng du htau luî jihpán gùq akô. 25Gat up mâ é byù du gi, 45650 yùq bo ri.
26Yudaq é awùt ashín mâ é, chyungxe zànwut í xê zàn lai mù, gyè wó zan bê é yùqgè wuì bànshoq lé, yhángmòq é a-myû koq mai yhûmhtu jé shoq má kâ xûm tô é eq rajung za, myìng du htau luî jihpán gùq akô. 27Yudaq up mâ é byù du gi, 74600 yùq bo ri.
28Yisahka é awùt ashín mâ é, chyungxe zànwut í xê zàn lai mù, gyè wó zan bê é yùqgè wuì bànshoq lé, yhángmòq é a-myû koq mai yhûmhtu jé shoq má kâ xûm tô é eq rajung za, myìng du htau luî jihpán gùq akô. 29Yisahka up mâ é byù du gi, 54400 yùq bo ri.
30Zebulun é awùt ashín mâ é, chyungxe zànwut í xê zàn lai mù, gyè wó zan bê é yùqgè wuì bànshoq lé, yhángmòq é a-myû koq mai yhûmhtu jé shoq má kâ xûm tô é eq rajung za, myìng du htau luî jihpán gùq akô. 31Zebulun up mâ é byù du gi, 57400 yùq bo ri.
32Yosep é yhang zô nhik mai, Ehprim é awùt ashín mâ é, chyungxe zànwut í xê zàn lai mù, gyè wó zan bê é yùqgè wuì bànshoq lé, yhángmòq é a-myû koq mai yhûmhtu jé shoq má kâ xûm tô é eq rajung za, myìng du htau luî jihpán gùq akô. 33Ehprim koq mâ é byù du gi, 40500 yùq bo ri.
34Manase é awùt ashín mâ é, chyungxe zànwut í xê zàn lai mù, gyè wó zan bê é yùqgè wuì bànshoq lé, yhángmòq é a-myû koq mai yhûmhtu jé shoq má kâ xûm tô é eq rajung za, myìng du htau luî jihpán gùq akô. 35Manase koq mâ é byù du gi, 32200 yùq bo ri.
36Ben-yamin é awùt ashín mâ é, chyungxe zànwut í xê zàn lai mù, gyè wó zan bê é yùqgè wuì bànshoq lé, yhángmòq é a-myû koq mai yhûmhtu jé shoq má kâ xûm tô é eq rajung za, myìng du htau luî jihpán gùq akô. 37Ben-yamin up mâ é byù du gi, 35400 yùq bo ri.
38Dan é awùt ashín mâ é, chyungxe zànwut í xê zàn lai mù, gyè wó zan bê é yùqgè wuì bànshoq lé, yhángmòq é a-myû koq mai yhûmhtu jé shoq má kâ xûm tô é eq rajung za, myìng du htau luî jihpán gùq akô. 39Dan up mâ é byù du gi, 62700 yùq bo ri.
40Asheri é awùt ashín mâ é, chyungxe zànwut í xê zàn lai mù, gyè wó zan bê é yùqgè wuì bànshoq lé, yhángmòq é a-myû koq mai yhûmhtu jé shoq má kâ xûm tô é eq rajung za, myìng du htau luî jihpán gùq akô. 41Asheri up mâ é byù du gi, 41500 yùq bo ri.
42Naphtali é awùt ashín mâ é, chyungxe zànwut í xê zàn lai mù, gyè wó zan bê é yùqgè wuì bànshoq lé, yhángmòq é a-myû koq mai yhûmhtu jé shoq má kâ xûm tô é eq rajung za, myìng du htau luî jihpán gùq akô. 43Naphtali up mâ é byù du gi, 53400 yùq bo ri.
44Shí pé gi, Mosheq, Arun eq yhûmsing é a-myû up é gùnglik nghut é Isira-elaq ushuq raxe í yùq mai nghap tô é jihpán nghut ri. 45Haú dông, chyungxe zànwut í xê zàn lai mù, gyè wó zan bê é Isira-elaq yùqgè wuì bànshoq bang lé, yhángmòq é yhûmhtu má cháng mù, nghap tô akô nghut ri. 46Byù du bànshoq gi, 603550 yùq bo ri.
47Nghut kôle, Lewiq up mâ é yhûmhtu pé lé gi, góbang eq rahá a bo nghap lhóm kó nghut ri. 48Hkâsu mù gâ le, haû Yhûmsîng Garai, Mosheq lé, 49“Nàng gi, Lewiq up lé a ge nghap râ nghut é htoq agó, gótû Isira-elaq byu pê é jihpán má le ge bo lhóm râ a nghut. 50Lewiq byu pé lé gi, sàksé dò tô é sàksé zúm, haú mâ é chûngzè bànshoq eq haû eq sêng é lhúnglháng lé wú gon râ wò byi aq. Yhángmòq gi, sàksé zúm eq haú mâ é chûngzè bànshoq lé wàq mù, haû eq sêng é mú bànshoq lé zui saí luî, hau é lhînghkyùq má wàp xuq nyî ra kôrâ nghut lhê. 51Sàksé zúm haû huî htòt hkangmó Lewiq byu pé hpyoq râ nghut mù, haú lé saî shap hkangmó Lewiq byu pé saí râ nghut lhê. Gótû byù mâ é haú má chyâng htèp e é sû gi, sat pyâm é hui râ nghut lhê. 52Gótû Isira-elaq a-myû up bang wàp xuq kô é hkûn, ó le ô é gam tô é hpúng má cháng luî, yhûmsîng eq sêng é donghkón ô má zúm saí ra râ nghut lhê. 53Nghut kôle, Lewiq byu pé gi, Isira-elaq shiwa byù hpûng gón má Ngá é nhikmó-yo hkyô a jé râ matú, sàksé dò tô é sàksé zúm lhînghkyùq má zúm saî nyì ra kôrâ nghut lhê. Lewiq byu pé gi, sàksé dò tô é sàksé zúm eq sêng é wò yù ra râ nghut lhê.” ga taî tô yánmai nghut lhê.
54Isira-elaq byu pé gi, haû Yhûmsîng Garai mai Mosheq lé hkunmó hkyô tô é eq rajung za, haú pé bànshoq lé kut bekô nghut ri.
Currently Selected:
Gyung So 1: znot
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc.