Gyung So 2
2
A-myû Up É Wàp Xuq É Hkyô
1Haû Yhûmsîng Garai gi, Mosheq eq Arun lé, 2“Isira-elaq byu pé gi, yhûmsing é yhûmhtû é donghkôn èq masàt to jang má, zùphpong zúm shut hû mù, haû eq ra-tsuí wê é lhînghkyùq má wàp xuq ra kôrâ nghut lhê.” ga taî ri.
3Buìhtoq hkyam shut mâ é maumyî má gi, Yudaq é gyè hpúng pé mâ é bang, yhángmòq é donghkón ô má wàp xuq kôrâ nghut lhê. Yudaq byu pê é ushuq gi, Aminadap é yhang zo Nashon nghut ri. 4Yhâng é gyè hpúng mâ é byù du gi, 74600 yùq bo ri.
5Wàp haû eq xoq xoq má gi, Yisahka up bang wàp xuq râ nghut lhê. Yisahka byu pê é ushuq gi, Zu-a é yhang zo Nehtanela nghut ri. 6Yhâng é gyè hpúng mâ é byù du gi, 54400 yùq bo ri.
7Wàp haû eq xoq xoq má gi, Zebulun up bang wàp xuq râ nghut lhê. Zebulun byu pê é ushuq gi, Helon é yhang zo Eli-ap nghut ri. 8Yhâng é gyè hpúng mâ é byù du gi, 57400 yùq bo ri.
9Haû mù, Yudaq wàp eq sêng é, yhángmòq é gyè hpúng má cháng mù nghap é byù du bànshoq gi, 186400 yùq bo ri. Yhángmòq gi, hî htoq râ bang nghut lhê.
10Maupyî hkyam shut gi, Rubin é gyè hpúng pé mâ é bang, yhángmòq é donghkón ô má wàp xuq kôrâ nghut lhê. Rubin byu pê é ushuq gi, Shedura é yhang zo Elizura nghut ri. 11Yhâng é gyè hpúng mâ é byù du gi, 46500 yùq bo ri.
12Wàp hau é xoq xoq má gi, Sime-on up bang wàp xuq râ nghut lhê. Sime-on byu pê é ushuq gi, Zurishadai é yhang zo Shelumila nghut ri. 13Yhâng é gyè hpúng mâ é byù du gi, 59300 yùq bo ri.
14Wàp haû eq xoq xoq má gi, Gat up bang wàp xuq râ nghut lhê. Gat byu pê é ushuq gi, Du-ela é yhang zo Eli-asap nghut ri. 15Yhâng é gyè hpúng mâ é byù du gi, 45650 yùq bo ri.
16Haû mù, Rubin wàp eq sêng é, yhángmòq é gyè hpúng má cháng mù nghap é byù du bànshoq gi, 151450 yùq bo ri. Yhángmòq gi, hî htoq bâng é htâng má cháng râ bang nghut lhê.
17Haú hkûn, zùphpong zúm eq Lewiq wàp bang gi, í wàp é gyoro má châng htoq luî, wàp xuq é hkun lhê é su, yhûmsing donghkón ô mâ é yhûmsing é jowò má châng htoq e ló râ nghut lhê.
18Buìwàng hkyam shut gi, Ehprim é gyè hpúng mâ é bang, yhángmòq é donghkón ô má wàp xuq kôrâ nghut lhê. Ehprim byu pê é ushuq gi, Amihut é yhang zo Elishama nghut ri. 19Yhâng é gyè hpúng mâ é byù du gi, 40500 yùq bo ri.
20Wàp haû eq xoq xoq má gi, Manase up bang wàp xuq râ nghut lhê. Manase byu pê é ushuq gi, Pedazura é yhang zo Gamalela nghut ri. 21Yhâng é gyè hpúng mâ é byù du gi, 32200 yùq bo ri.
22Wàp haû eq xoq xoq má gi, Ben-yamin up bang wàp xuq râ nghut lhê. Ben-yamin byu pê é ushuq gi, Gidoni é yhang zo Abidan nghut ri. 23Yhâng é gyè hpúng mâ é byù du gi, 35400 yùq bo ri.
24Haû mù, Ehprim wàp eq sêng é, yhángmòq é gyè hpúng má cháng mù nghap é byù du bànshoq gi, 108100 yùq bo ri. Yhángmòq gi, sum hpúng nghû ra má cháng htoq râ bang nghut ri.
25Mautsûng hkyam shut gi, Dan é gyè hpúng mâ é bang, yhángmòq é donghkón ô má wàp xuq kôrâ nghut lhê. Dan byu pê é ushuq gi, Amishadai é yhang zo Ahiza nghut ri. 26Yhâng é gyè hpúng mâ é byù du gi, 62700 yùq bo ri.
27Wàp haû eq xoq xoq má gi, Asheri up bang wàp xuq râ nghut lhê. Asheri byu pê é ushuq gi, Ohkran é yhang zo Pagila nghut ri. 28Yhâng é gyè hpúng mâ é byù du gi, 41500 yùq bo ri.
29Wàp haû eq xoq xoq má gi, Naphtali up bang wàp xuq râ nghut lhê. Naphtali byu pê é ushuq gi, Enan é yhang zo Ahira nghut ri. 30Yhâng é gyè hpúng mâ é byù du gi, 53400 yùq bo ri.
31Haû mù, Dan wàp eq sêng é, yhángmòq é gyè hpúng má cháng mù nghap é byù du bànshoq gi, 157600 yùq bo ri. Yhángmòq gi, ló htáng má, yhángmòq é donghkón eq rahá châng htoq râ bang nghut ri.
32Haû mù, shí pé gi, yhángmòq é yhûmhtu má cháng luî nghap é Isira-elaq byu pé nghut mù, yhángmòq é gyè hpúng má cháng luî xuq tô é wàp má nyi é byù du bànshoq gi, 603550 yùq bo ri. 33Nghut kôle, haû Yhûmsîng Garai mai Mosheq lé hkunmó hkyô tô é eq rajung za, Lewiq byu pé lé gi, gótû Isira-elaq byu pé eq rahá a nghap lhóm nghut ri.
34Haû mù, Isira-elaq byu pé gi, yhángmòq é donghkón ô má wàp xuq kô é hkyô lé le, yhángmòq é a-myû koq eq yhûmhtu má cháng luî yán htoq e ló kô é hkyô lé le, haû Yhûmsîng Garai mai Mosheq lé hkunmó hkyô é eq rajung za, jung hkangmó kut bekô nghut ri.
Currently Selected:
Gyung So 2: znot
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc.
