Gyung So 13
13
Hkanan Mau Lé Jó Ê Wú É Hkyô
1Haû Yhûmsîng Garai gi, Mosheq lé, 2“Haû Isira-elaq byu pé lé Ngò byî tô é Hkanan mau lé jó ê wú râ matú, yhángmòq é a-myû up ra-up mâ é ushuq rayùq yùq kut nhang kat àq.” ga taî ri.
3Haû mù, Mosheq gi, Yhûmsîng Garaî é hkunmó eq rajung za, Paran Yòso mai yhángmòq lé jó ê wú nhang kat bê nghut ri. Yhángmòq bànshoq bang gi, Isira-elaq é ushuq pé nghut akô. 4Yhángmòq é myìng pé gi, a-ô mâ é eq rajung za nghut ri.
Rubin a-myû up mâ é Zahkura é yhang zo Shamu-a;
5Sime-on a-myû up mâ é Hori é yhang zo Shahpat;
6Yudaq a-myû up mâ é Yehpuna é yhang zo Hkalep;
7Yisahka a-myû up mâ é Yosep é yhang zo Igala;
8Ehprim a-myû koq mâ é Nun é yhang zo Hoshe-a;
9Ben-yamin a-myû up mâ é Rahpu é yhang zo Palati;
10Zebulun a-myû up mâ é Sodi é yhang zo Gadi-ela;
11Yosep a-myû up mâ é, Manase koq mâ é Susi é yhang zo Gatdi;
12Dan a-myû up mâ é Gemali é yhang zo Ami-ela;
13Asheri a-myû up mâ é Mihka-elaq é yhang zo Sehtura;
14Naphtali a-myû up mâ é Wopsi é yhang zo Nabi;
15Gat a-myû up mâ é Maki é yhang zo Gu-ela pé nghut akô.
16Shî gi, Hkanan mau má jó ê wú râ matú Mosheq èq nhang kat bâng é myìng nghut ri. Mosheq gi, Nun é yhang zo Hoshe-a lé Yoshuq ga myìng myhíng byî ri.
17Mosheq gi, Hkanan mau má jó ê wú râ matú yhángmòq lé nhang kat é hkûn, “Ahkuî, núngmòq, Maupyî Mau mai laî dòq ló mù, bum mau shut dòq e ló keq. 18Maumyî haû hkâsu nghut é hkyô lé le, haú má nyì bang wúm bo lhê lùq, wum nyhôm lhê lùq nghu é lé le, byù myô lhê lùq, shaû lhê lùq nghut é lé le, 19yhángmòq nyi é maumyî ge lhê lùq, a ge é lùq, yhángmòq é wà mó pé a wam tô é lùq, gingtîng lhê lùq, 20maumyî haú má myìhpún bo lhê lùq, a bo é lùq, haú má sikgâm pé yùq lhê lùq, a yùq é lùq, nghu é lé ê wú mù, haú mau mâ é shi ra-tsuí lé le a gyùq a wàm yu lò wú keq.” ga taî kat ri. (Haú ayòq abun gi, tsibyiq asik myhîng lo é ahkyíng nghut ri.)
21Haû mù, yhángmòq gi, Zin Yòso mai Lebo Hamat wà shut ló é hkyô mâ é Rehoba wà jé shoq, haú mau má jó ê wú akô nghut ri. 22Yhángmòq gi, Maupyî Mau mai laî dòq ló kômù, Anak é awùt ashín pé nghut é Ahiman, Sheshai eq Talamai pé nyi é, Hebron wà má jé akô nghut ri. (Hebron wà gi, Egutuq ming má Zo-an wà a xuq shî é hí nyhit zân má xuq to bê nghut ri.) 23Yhángmòq gi, Eshihkola Langhkaû má jé kô é hkûn, tsibyiq shi rapaû zuî tô é akoq lé zân yù mù, akoq haú má gán-yang chyoî luî, í yùq wàq akô nghut ri; lungshi pé eq hkohúm-shi pé lé le yhángmòq yu lò akô nghut ri. 24Jowò haú má Isira-elaq byu pé shipaû haú lé zân yu é yánmai, jowò haú lé Eshihkola Langhkaû ga myhîng akô nghut ri. 25Yhángmòq gi, buìnyì myi xê nyí nghut jáng, maumyî haú lé jó ê wú é mai taû lò bekô nghut ri.
Jó Ê Wú Lo É Lé Shit Kyô É Hkyô
26Yhángmòq gi, Paran Yòso mâ é Kadesha gâ é jowò má nyi tô é Mosheq, Arun eq Isira-elaq byù hpúng gón pê chyáng taû jé lô kômù, jó ê wú é hkyô yhángmòq lé shit kyo kôluî, haú mau mâ é shi lé le tûn shit akô nghut ri. 27Haû mù, yhángmòq gi, Mosheq lé, “Nàng, ngá-mòq lé nhang kat é mau má ngá-mòq ê jé bê nghut lhê; gè gè yhang, haú mau gi, no-naú eq byo-î yui é mau yhang nghut ri! Shî gi, haú mau mâ é shi nghut lhê. 28Nghut kôlhang, haú má nyi é byu pé gi, wum-o a-tsam bo é htoq agó, wà mó pé le gingtíng luî, gyai kô lam é chyat nghut ri. Anak é awùt ashîn pé lé lháng ngá-mòq haú má ê myang ri. 29Haû Amalek byu pé gi, Maupyî Mau má nyi ri; Hiti byu pé, Yebusi byu pé eq Amori byu pé gi, bum mau má nyi bum ri; Hkanan byu pé gi, wuìshuq lung-aû yàm eq Yodan làng yàm cháng luî nyi bum ri.” ga taî kyô akô nghut ri.
30Haú hkûn, Hkalep gi, Mosheq é hí má shiwa byu pé lé zim nhâng luî, “Ngá-nhúng gi, ahkuî yhang dòq ê luî, haú mau lé ê sing yù sháng; ngá-nhúng wó ung yù râ za nghut lhê.” ga taî ri.
31Nghut kôlhang, yhang eq rahá dòq e é bang gi, “Byù haú bang lé ngá-nhúng ê wó htim râ a nghut; yhángmòq gi, ngá-nhûng htoq wum je htan akô nghut ri.” ga taî akô. 32Hau htoq agó, yhángmòq gi, jó ê wú lô bê maumyî eq séng luî, Isira-elaq byu pê chyáng, “Ngá-mòq jó ê wú é maumyî haû gi, haú má nyì bang lé myhui pyâm é mau nghut ri. Ngá-mòq myang é haú má nyi é bang bànshoq gi, ga-í ga-myháng myhâng é chyat nghut ri. 33Ngá-mòq gi, Anak é awùt ashîn pê é achyûng Nehpilim pé lé myang ri. Ngá-mòq gi, yhûmsing gùng lé nhâm hkyik hkotón nyuî su wú ngam é eq rajung za, yhángmòq le, ngá-mòq lé haú dông za byu myàng kôrâ nghut lhê.” ga a ge é hkyáng lo shit akô nghut ri.
Currently Selected:
Gyung So 13: znot
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc.