Lukɨ 3
3
Jonɨ Bavɨtaazɨya Yadei yavada'galɨjɨwaakake'nesɨ.
(Matɨyui 3:1-12; Maakɨ 1:1-8; Jonɨ 1:19-28)
1Taaivɨrɨyaazai Sizaai yuyaraavɨ maremwaaidɨ'nyɨ kwarame potinɨya (14) wavɨla'daa'nyɨyavɨ Anga Juthɨya sɨmagɨ Podɨyaazai Paailatɨ Ga'maanɨya naangei mwaaidɨ'nyɨ Galɨli saba Erotɨyai maremwaalaka maalɨkei mwaaidɨ'nyɨ Yɨturɨyanajɨ Tɨrakonaaitazɨnajɨ sabanyaai Erotɨyarɨ gya'mwei Pilipɨ maremwaalaka maalɨkei mwaaidɨ'nyɨ Aavɨlinɨ saba Laazanɨyaazai maremwaalaka maalɨkei mwaaidɨ'nyɨ 2nabaai Anaazalyɨ Kaayapaazalyɨ sanyalɨdaai Gotɨyarɨna Mubɨthɨka Yɨra'dita Naangeraai mwaaidakɨlyɨ yɨ dazagaa' a'mwera mamwaalyɨgasaba Jonɨ Sekaraayare gawaalɨvaangei sahwaryawɨ Gotɨyare yagaalya' bi'ma'na. 3Sarevɨdaa'nyɨ sai Aalya Jothanɨyavɨ yunewɨ yuyaba yamaryada “Gotɨyai a'mweihɨre kayaa'nanya marasɨ'nya'na sɨmunya mudɨkebwi yawɨramaa'na kyapɨjɨ bavɨtaazɨya' yɨhide'nanyɨ,” sara wɨdamaryakelyɨ. 4Sare' kɨgaakuna Aazaayarɨ Gotɨyai kujaa' bukuyavɨ pɨkarya yavɨkarinɨkabaaibɨsasɨ. Dara dɨnɨ'
“Wawɨmaayaba pware maanguraaya' jaka yɨmanɨ'
‘Naangerɨne tusa' nayaa yavada'galakɨna jɨlo!
Gamɨre tusangɨ yɨda'na nayaa jamakwilo!
5Taawala yuyangɨ yunebanna nayaa marajɨngɨrapɨjɨ
Mugunya naangejɨ maalɨkejɨ sa dɨthavapɨraalayɨlo!
Tuta kayaa'na naadɨya yɨda'na javada'galyɨlo!
Tutaanya sɨla yaasɨwa'na waramarike dɨmarasɨ'nyɨlo!
6Sarevɨ Gotɨyai padaihasamaaryabwina yuyara wangabɨ'derero.’”
Sara dɨnɨkesɨ.
7A'mwe kwala bwa'naanyara Jonɨmɨre bavɨtaazɨya maarya'nera yɨkabadaapɨjɨ sasarei saraavɨ wɨdɨna “Naawɨnaanyara kave kwaasɨ neyadɨvɨtabaai sarɨmɨ sɨmunya ayabwina kɨnɨnnakeihi bavɨtaazɨya yaasɨwa'na maarya'neihi bɨvanɨgasaihi daa! ‘Gotɨyai kayaa'nanyanna taanga nyɨhɨzaavadɨka! Yaasɨwa'na bavɨtaazɨya maapɨjaihi tewaanna dɨmwaalyideihɨlyɨra,’ kwaasɨ sara aai yɨhɨthɨwaka! 8Sarevɨdaa'nyɨ taanga naange'na sɨmunya mudɨkebwina nayaa yawɨramaa'na jɨla! Sara yapɨjɨ sɨmunya mudɨkebulyɨyaihi yɨsɨla nawɨ'nyabɨta nayaa sara jideihɨlyɨ. Sarɨmɨ saihi dara madɨbɨnera! ‘Evɨraamɨmɨ gyakwalaangeina mwaaiho'na Gotɨyai taanga sa mujaayɨ neyade'nanyɨ.’ Sara myawɨpɨna! Sare' dare'nesɨ. Nayaa yɨhɨthɨma! ‘Sɨla daza Evɨraamɨmɨre kaimɨraaya yɨma'nana!’ Gotɨyai sara wɨdazai yɨ sahwai yɨnɨga wi'na yannelyɨ. ‘Evɨraamɨmɨ gyakwalaangeinera,’ dɨmanɨgasa' naange' daaka! 9Dahaasagaa' Gotɨyai yɨsarɨ kaavɨlyawɨ dapalya'nei gannya saajɨngei mena lɨmwagɨkelyɨ. Sarevɨdaa'nyɨ yɨta gazarazara yɨsɨla tewaanya mi'nyɨ yajara sare sara dapalojɨ dɨkevɨ marasɨ'naderera.”
10Sai sara wɨdadaa'nyɨ yɨ kwala bwa'naanyara yɨdaanganna “We'! Sarevɨdaa'nyɨ nemɨ gara yaadeinaavaka?” 11Sara yɨdaanganna kye' ja'nawɨdɨna “A'mwei baazɨ'ma'nya pɨrɨwaai kɨnɨnnakei a'mwe pwarɨ baazɨ'ma'nya' maayarɨ pɨrɨ' wɨjaavana! A'mwei wapaaya kɨnɨnnakei sai kwalyɨ wapaayanna avaaina sana yɨna yana!” 12Wɨdɨna kya' a'mwe taakɨzɨya maa'dɨvɨta pwarajɨ bavɨtaazɨya maarya'nera gamɨnyɨ wɨdɨna “Nejɨwaakadɨnyaigɨ, nemɨ gara yaadeinaavaka?” 13Wɨdɨna kye' sai wɨdɨna “Ga'maanɨyai yɨhɨthɨvanɨkabaaibɨ'na taakɨzɨya nɨgwia yɨnɨga wi'nanya dɨmaaryideihɨlyɨ. Nɨgwia kwaala pɨnɨjɨ mamwagi'nɨpɨnera!” 14Wɨdɨna kya' nabaai aawɨlata pwarajɨ sahwarɨ yɨdaanganna “Nabaai nemɨ sahwaina gara yaadeinaavaka?” Sara wɨdɨna kye' sai wɨdɨna “Sarɨmɨ a'mweraavɨ kwaasɨ kotɨyajɨ myadɨvɨ' kumɨre nɨgwia mwagi'nya'neihi mipɨna! Nɨgwia mwagi'nya'neihi a'mweraavɨ mala maramamaripɨnera! Sarɨmɨre maremwaaidei nɨgwia yɨhɨzaavanɨka sahɨnɨnna ‘Wikɨra!’ dɨthɨnyɨla! Nɨgwia pɨnɨjɨna mudɨpɨna!”
15A'mwe yuyaraavɨre sɨmunyavɨ Jonɨmɨna dɨragɨnna dara yawɨ'na “Bewalaka? Berɨ'na yadelaka?” Yawɨ'na yadɨvɨ' dara yawɨ'na “Gotɨyai pwarɨ dahɨlakojɨ maryasaabathei Kɨraazɨtɨyai dɨngaka Jonɨ?” 16Sara yawɨ'na yadaapɨjɨ Jonɨ ja'nawɨdɨna “Nɨmɨ sainyɨ aangaalyavɨ bavɨtaazɨya yɨhyadɨnyainyɨ. Dɨvi a'mwe pwai bathei yɨ gamɨre dɨragɨnya' nɨmɨre dɨragɨnyavɨ nyavɨlavɨkelyɨ. Gamɨre mamaayainyɨ nɨmɨ nebulya'nanyainyɨ mɨka! Sahwarɨna nɨmɨ wana maalɨkeinyɨra. Wɨgaimwagya'neinyɨ gamɨre kwaari'masɨvɨlya' galyaa'mune' nɨmɨ a'mwe nawɨ'nyainyɨ mɨ'. Sahwai sarɨmɨnyɨ pwaihɨrɨna Kurya Tewaanyarɨ kusawɨ bavɨtaazɨya yɨhya'nei Kurya Tewaanyarɨ wɨlayɨhɨmwaaihadelyɨ. Nabaai pwaihɨrɨ mu'nya'neihɨrɨ daangevɨ bavɨtaazɨya yɨhya'nei dɨkevɨ wɨlayɨhɨmwaaihadelyɨ. 17Sai gannya saavolɨya parɨnake' gannya asɨrɨ lɨmwada witɨya yɨlamarasɨ'na yɨlamarasɨ'na kyojɨ yagɨnya kɨlaake kurɨvaarɨya yɨhuta bamakuna kyojɨ witɨzɨla gamɨre witɨzɨlangevɨ marakadelyɨ. Gamɨre mɨnyevɨ witɨya kune kwarojɨ kurɨvaarɨya dɨka migaaya'nevɨ mariravadengɨ.” 18Sarevɨdaa'nyɨ Jonɨ sara wɨdɨna yaka nabaai kumɨre sɨmunyarɨ yɨdɨkavɨmwaaihya ya'nei yagaala kwalaalya pɨnɨjɨ dɨna yɨna ya'. Nabaai sasare dazabwi a'mweraavɨ yagaala tewaanya' wɨjɨwaakadevulyɨ.
19Kɨrɨ' sai A'mwe Erotɨyarɨ kumɨre maremwaala maalɨkerɨ maanga wɨdɨna. Erotɨyare gya'mwere a'mwe' Erotɨyaazavɨ kuka maarake'najɨ nabaai kayaa'na yɨwetawakya yuya sara yake'najɨ maanga wɨdɨna. 20Maanga wɨdɨna kya' Erotɨyai kayaa'na yɨwetawakya yaka yuya daza yɨwetawakya pɨrɨsɨ ye'mwanna yakesɨ. Sahwai Jonɨmɨ kalavuzavɨ wɨmwaaihɨna yakelyɨ. Sara yakesɨ.
Jonɨ Jizaazarɨ bavɨtaazɨya yake'nesɨ.
(Matɨyui 3:13-17; Maakɨ 1:9-11)
21Jonɨ tewaanya mwaalakegaa' a'mwe yuyaraavɨ bavɨtaazɨya yakegaa' yɨ Jizaazai kwarɨjɨ bavɨtaazɨya kya' Jizaazai Gotɨyarɨ wɨdadaa'nyɨ, yɨthaa, sɨgunya' mujaangɨna kya' 22Kurya Tewaanyai walaabɨna. Kurya Tewaanyai yuta kwaamɨryaibɨsai sahwaryawɨnnei walaabɨna. Mi'na walaabɨna yaka bwalamwaaina kya' Sɨgunyavɨdaa'nyɨ maanguraaya pɨrɨ' jaka yɨnyɨna “Gɨmɨ nɨmɨre Nyɨbwaalɨvaangeigɨnyɨra. Gɨmɨnyɨna tewaanna nyɨvu'nadeigɨnyɨ. Kurya tewaanya gukadɨnyaigɨnyɨ.”
Jizaazarɨ gyakwalaangeraavɨne yayannesɨ.
(Matɨyui 1:1-17)
23Jizaazai gamɨre wawɨnya aaya mudɨ'na yamaata yakegaa' gamɨre kwarame a'mwere sɨvɨlatɨraalya pware atɨraalya (30) pɨnɨjɨ mena kwavɨlava' kɨrɨ' a'mwera yawɨ'na “Sai Jozepɨyare gawaalɨkɨra.”
Sahwai Yɨlaarelyɨ. 24Sahwai Maatatɨmɨrelyɨ.
Sahwai Livaayarelyɨ. Sahwai Melɨkaarelyɨ.
Sahwai Janaarelyɨ. Sahwai Jozepɨyarelyɨ.
25Sahwai Matataayazarelyɨ. Sahwai Emozɨmɨrelyɨ.
Sahwai Nayaamɨmɨrelyɨ. Sahwai Ezɨlaarelyɨ.
Sahwai Nahaarelyɨ. 26Sahwai Mayaatɨmɨrelyɨ.
Sahwai Matataayazarelyɨ. Sahwai Semenɨmɨrelyɨ.
Sahwai Jozekɨmɨrelyɨ. Sahwai Jotharelyɨ.
27Sahwai Jowaananɨmɨrelyɨ. Sahwai Rezarelyɨ.
Sahwai Seravaavelɨmɨrelyɨ. Sahwai Sɨyalɨtiyalɨmɨrelyɨ.
Sahwai Neraarelyɨ. 28Sahwai Melɨkaarelyɨ.
Sahwai Ethaarelyɨ. Sahwai Kozaamɨmɨrelyɨ.
Sahwai Elɨmathaamɨmɨrelyɨ. Sahwai Erɨmɨrelyɨ.
29Sahwai Jozuwaakɨrelyɨ. Sahwai Elɨyazarelyɨ.
Sahwai Jorimɨmɨrelyɨ. Sahwai Maatatɨmɨrelyɨ.
Sahwai Livaayarelyɨ. 30Sahwai Sɨmɨyonɨmɨrelyɨ.
Sahwai Jutharelyɨ. Sahwai Jozepɨyarelyɨ.
Sahwai Jonaanɨmɨrelyɨ. Sahwai Elaayakimɨmɨrelyɨ.
31Sahwai Melɨyarelyɨ. Sahwai Mennaamɨrelyɨ.
Sahwai Matatarelyɨ. Sahwai Netaanɨmɨrelyɨ.
Sahwai Devitɨmɨrelyɨ. 32Sahwai Jeziyarelyɨ.
Sahwai Wovetɨmɨrelyɨ. Sahwai Bowaazarelyɨ.
Sahwai Saalɨmonɨmɨrelyɨ. Sahwai Naazonɨmɨrelyɨ.
33Sahwai Aminɨthapɨmɨrelyɨ. Sahwai Athɨminɨmɨrelyɨ.
Sahwai Anaarelyɨ. Sahwai Ezɨronɨmɨrelyɨ.
Sahwai Perezarelyɨ. Sahwai Jutharelyɨ.
34Sahwai Jaikopɨmɨrelyɨ. Sahwai Aazakɨmɨrelyɨ.
Sahwai Evɨraamɨmɨrelyɨ. Sahwai Teraamɨrelyɨ.
Sahwai Naaworelyɨ. 35Sahwai Seruhɨmɨrelyɨ.
Sahwai Rewɨmɨrelyɨ. Sahwai Pelehɨmɨrelyɨ.
Sahwai Evemɨrelyɨ. Sahwai Selaamɨrelyɨ.
36Sahwai Kainaanɨmɨrelyɨ. Sahwai Aapakɨzathɨmɨrelyɨ.
Sahwai Samɨmɨrelyɨ. Sahwai Nowaarelyɨ.
Sahwai Lamekɨmɨrelyɨ. 37Sahwai Metuzalaamɨrelyɨ.
Sahwai Yɨnokɨmɨrelyɨ. Sahwai Jaaretharelyɨ.
Sahwai Maalalelɨmɨrelyɨ. Sahwai Kainaanɨmɨrelyɨ.
38Sahwai Yɨnozarelyɨ. Sahwai Satarelyɨ.
Sahwai Aataamɨmɨrelyɨ. Sahwai Gotɨyarelyɨ.
Currently Selected:
Lukɨ 3: byr
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
Lukɨ 3
3
Jonɨ Bavɨtaazɨya Yadei yavada'galɨjɨwaakake'nesɨ.
(Matɨyui 3:1-12; Maakɨ 1:1-8; Jonɨ 1:19-28)
1Taaivɨrɨyaazai Sizaai yuyaraavɨ maremwaaidɨ'nyɨ kwarame potinɨya (14) wavɨla'daa'nyɨyavɨ Anga Juthɨya sɨmagɨ Podɨyaazai Paailatɨ Ga'maanɨya naangei mwaaidɨ'nyɨ Galɨli saba Erotɨyai maremwaalaka maalɨkei mwaaidɨ'nyɨ Yɨturɨyanajɨ Tɨrakonaaitazɨnajɨ sabanyaai Erotɨyarɨ gya'mwei Pilipɨ maremwaalaka maalɨkei mwaaidɨ'nyɨ Aavɨlinɨ saba Laazanɨyaazai maremwaalaka maalɨkei mwaaidɨ'nyɨ 2nabaai Anaazalyɨ Kaayapaazalyɨ sanyalɨdaai Gotɨyarɨna Mubɨthɨka Yɨra'dita Naangeraai mwaaidakɨlyɨ yɨ dazagaa' a'mwera mamwaalyɨgasaba Jonɨ Sekaraayare gawaalɨvaangei sahwaryawɨ Gotɨyare yagaalya' bi'ma'na. 3Sarevɨdaa'nyɨ sai Aalya Jothanɨyavɨ yunewɨ yuyaba yamaryada “Gotɨyai a'mweihɨre kayaa'nanya marasɨ'nya'na sɨmunya mudɨkebwi yawɨramaa'na kyapɨjɨ bavɨtaazɨya' yɨhide'nanyɨ,” sara wɨdamaryakelyɨ. 4Sare' kɨgaakuna Aazaayarɨ Gotɨyai kujaa' bukuyavɨ pɨkarya yavɨkarinɨkabaaibɨsasɨ. Dara dɨnɨ'
“Wawɨmaayaba pware maanguraaya' jaka yɨmanɨ'
‘Naangerɨne tusa' nayaa yavada'galakɨna jɨlo!
Gamɨre tusangɨ yɨda'na nayaa jamakwilo!
5Taawala yuyangɨ yunebanna nayaa marajɨngɨrapɨjɨ
Mugunya naangejɨ maalɨkejɨ sa dɨthavapɨraalayɨlo!
Tuta kayaa'na naadɨya yɨda'na javada'galyɨlo!
Tutaanya sɨla yaasɨwa'na waramarike dɨmarasɨ'nyɨlo!
6Sarevɨ Gotɨyai padaihasamaaryabwina yuyara wangabɨ'derero.’”
Sara dɨnɨkesɨ.
7A'mwe kwala bwa'naanyara Jonɨmɨre bavɨtaazɨya maarya'nera yɨkabadaapɨjɨ sasarei saraavɨ wɨdɨna “Naawɨnaanyara kave kwaasɨ neyadɨvɨtabaai sarɨmɨ sɨmunya ayabwina kɨnɨnnakeihi bavɨtaazɨya yaasɨwa'na maarya'neihi bɨvanɨgasaihi daa! ‘Gotɨyai kayaa'nanyanna taanga nyɨhɨzaavadɨka! Yaasɨwa'na bavɨtaazɨya maapɨjaihi tewaanna dɨmwaalyideihɨlyɨra,’ kwaasɨ sara aai yɨhɨthɨwaka! 8Sarevɨdaa'nyɨ taanga naange'na sɨmunya mudɨkebwina nayaa yawɨramaa'na jɨla! Sara yapɨjɨ sɨmunya mudɨkebulyɨyaihi yɨsɨla nawɨ'nyabɨta nayaa sara jideihɨlyɨ. Sarɨmɨ saihi dara madɨbɨnera! ‘Evɨraamɨmɨ gyakwalaangeina mwaaiho'na Gotɨyai taanga sa mujaayɨ neyade'nanyɨ.’ Sara myawɨpɨna! Sare' dare'nesɨ. Nayaa yɨhɨthɨma! ‘Sɨla daza Evɨraamɨmɨre kaimɨraaya yɨma'nana!’ Gotɨyai sara wɨdazai yɨ sahwai yɨnɨga wi'na yannelyɨ. ‘Evɨraamɨmɨ gyakwalaangeinera,’ dɨmanɨgasa' naange' daaka! 9Dahaasagaa' Gotɨyai yɨsarɨ kaavɨlyawɨ dapalya'nei gannya saajɨngei mena lɨmwagɨkelyɨ. Sarevɨdaa'nyɨ yɨta gazarazara yɨsɨla tewaanya mi'nyɨ yajara sare sara dapalojɨ dɨkevɨ marasɨ'naderera.”
10Sai sara wɨdadaa'nyɨ yɨ kwala bwa'naanyara yɨdaanganna “We'! Sarevɨdaa'nyɨ nemɨ gara yaadeinaavaka?” 11Sara yɨdaanganna kye' ja'nawɨdɨna “A'mwei baazɨ'ma'nya pɨrɨwaai kɨnɨnnakei a'mwe pwarɨ baazɨ'ma'nya' maayarɨ pɨrɨ' wɨjaavana! A'mwei wapaaya kɨnɨnnakei sai kwalyɨ wapaayanna avaaina sana yɨna yana!” 12Wɨdɨna kya' a'mwe taakɨzɨya maa'dɨvɨta pwarajɨ bavɨtaazɨya maarya'nera gamɨnyɨ wɨdɨna “Nejɨwaakadɨnyaigɨ, nemɨ gara yaadeinaavaka?” 13Wɨdɨna kye' sai wɨdɨna “Ga'maanɨyai yɨhɨthɨvanɨkabaaibɨ'na taakɨzɨya nɨgwia yɨnɨga wi'nanya dɨmaaryideihɨlyɨ. Nɨgwia kwaala pɨnɨjɨ mamwagi'nɨpɨnera!” 14Wɨdɨna kya' nabaai aawɨlata pwarajɨ sahwarɨ yɨdaanganna “Nabaai nemɨ sahwaina gara yaadeinaavaka?” Sara wɨdɨna kye' sai wɨdɨna “Sarɨmɨ a'mweraavɨ kwaasɨ kotɨyajɨ myadɨvɨ' kumɨre nɨgwia mwagi'nya'neihi mipɨna! Nɨgwia mwagi'nya'neihi a'mweraavɨ mala maramamaripɨnera! Sarɨmɨre maremwaaidei nɨgwia yɨhɨzaavanɨka sahɨnɨnna ‘Wikɨra!’ dɨthɨnyɨla! Nɨgwia pɨnɨjɨna mudɨpɨna!”
15A'mwe yuyaraavɨre sɨmunyavɨ Jonɨmɨna dɨragɨnna dara yawɨ'na “Bewalaka? Berɨ'na yadelaka?” Yawɨ'na yadɨvɨ' dara yawɨ'na “Gotɨyai pwarɨ dahɨlakojɨ maryasaabathei Kɨraazɨtɨyai dɨngaka Jonɨ?” 16Sara yawɨ'na yadaapɨjɨ Jonɨ ja'nawɨdɨna “Nɨmɨ sainyɨ aangaalyavɨ bavɨtaazɨya yɨhyadɨnyainyɨ. Dɨvi a'mwe pwai bathei yɨ gamɨre dɨragɨnya' nɨmɨre dɨragɨnyavɨ nyavɨlavɨkelyɨ. Gamɨre mamaayainyɨ nɨmɨ nebulya'nanyainyɨ mɨka! Sahwarɨna nɨmɨ wana maalɨkeinyɨra. Wɨgaimwagya'neinyɨ gamɨre kwaari'masɨvɨlya' galyaa'mune' nɨmɨ a'mwe nawɨ'nyainyɨ mɨ'. Sahwai sarɨmɨnyɨ pwaihɨrɨna Kurya Tewaanyarɨ kusawɨ bavɨtaazɨya yɨhya'nei Kurya Tewaanyarɨ wɨlayɨhɨmwaaihadelyɨ. Nabaai pwaihɨrɨ mu'nya'neihɨrɨ daangevɨ bavɨtaazɨya yɨhya'nei dɨkevɨ wɨlayɨhɨmwaaihadelyɨ. 17Sai gannya saavolɨya parɨnake' gannya asɨrɨ lɨmwada witɨya yɨlamarasɨ'na yɨlamarasɨ'na kyojɨ yagɨnya kɨlaake kurɨvaarɨya yɨhuta bamakuna kyojɨ witɨzɨla gamɨre witɨzɨlangevɨ marakadelyɨ. Gamɨre mɨnyevɨ witɨya kune kwarojɨ kurɨvaarɨya dɨka migaaya'nevɨ mariravadengɨ.” 18Sarevɨdaa'nyɨ Jonɨ sara wɨdɨna yaka nabaai kumɨre sɨmunyarɨ yɨdɨkavɨmwaaihya ya'nei yagaala kwalaalya pɨnɨjɨ dɨna yɨna ya'. Nabaai sasare dazabwi a'mweraavɨ yagaala tewaanya' wɨjɨwaakadevulyɨ.
19Kɨrɨ' sai A'mwe Erotɨyarɨ kumɨre maremwaala maalɨkerɨ maanga wɨdɨna. Erotɨyare gya'mwere a'mwe' Erotɨyaazavɨ kuka maarake'najɨ nabaai kayaa'na yɨwetawakya yuya sara yake'najɨ maanga wɨdɨna. 20Maanga wɨdɨna kya' Erotɨyai kayaa'na yɨwetawakya yaka yuya daza yɨwetawakya pɨrɨsɨ ye'mwanna yakesɨ. Sahwai Jonɨmɨ kalavuzavɨ wɨmwaaihɨna yakelyɨ. Sara yakesɨ.
Jonɨ Jizaazarɨ bavɨtaazɨya yake'nesɨ.
(Matɨyui 3:13-17; Maakɨ 1:9-11)
21Jonɨ tewaanya mwaalakegaa' a'mwe yuyaraavɨ bavɨtaazɨya yakegaa' yɨ Jizaazai kwarɨjɨ bavɨtaazɨya kya' Jizaazai Gotɨyarɨ wɨdadaa'nyɨ, yɨthaa, sɨgunya' mujaangɨna kya' 22Kurya Tewaanyai walaabɨna. Kurya Tewaanyai yuta kwaamɨryaibɨsai sahwaryawɨnnei walaabɨna. Mi'na walaabɨna yaka bwalamwaaina kya' Sɨgunyavɨdaa'nyɨ maanguraaya pɨrɨ' jaka yɨnyɨna “Gɨmɨ nɨmɨre Nyɨbwaalɨvaangeigɨnyɨra. Gɨmɨnyɨna tewaanna nyɨvu'nadeigɨnyɨ. Kurya tewaanya gukadɨnyaigɨnyɨ.”
Jizaazarɨ gyakwalaangeraavɨne yayannesɨ.
(Matɨyui 1:1-17)
23Jizaazai gamɨre wawɨnya aaya mudɨ'na yamaata yakegaa' gamɨre kwarame a'mwere sɨvɨlatɨraalya pware atɨraalya (30) pɨnɨjɨ mena kwavɨlava' kɨrɨ' a'mwera yawɨ'na “Sai Jozepɨyare gawaalɨkɨra.”
Sahwai Yɨlaarelyɨ. 24Sahwai Maatatɨmɨrelyɨ.
Sahwai Livaayarelyɨ. Sahwai Melɨkaarelyɨ.
Sahwai Janaarelyɨ. Sahwai Jozepɨyarelyɨ.
25Sahwai Matataayazarelyɨ. Sahwai Emozɨmɨrelyɨ.
Sahwai Nayaamɨmɨrelyɨ. Sahwai Ezɨlaarelyɨ.
Sahwai Nahaarelyɨ. 26Sahwai Mayaatɨmɨrelyɨ.
Sahwai Matataayazarelyɨ. Sahwai Semenɨmɨrelyɨ.
Sahwai Jozekɨmɨrelyɨ. Sahwai Jotharelyɨ.
27Sahwai Jowaananɨmɨrelyɨ. Sahwai Rezarelyɨ.
Sahwai Seravaavelɨmɨrelyɨ. Sahwai Sɨyalɨtiyalɨmɨrelyɨ.
Sahwai Neraarelyɨ. 28Sahwai Melɨkaarelyɨ.
Sahwai Ethaarelyɨ. Sahwai Kozaamɨmɨrelyɨ.
Sahwai Elɨmathaamɨmɨrelyɨ. Sahwai Erɨmɨrelyɨ.
29Sahwai Jozuwaakɨrelyɨ. Sahwai Elɨyazarelyɨ.
Sahwai Jorimɨmɨrelyɨ. Sahwai Maatatɨmɨrelyɨ.
Sahwai Livaayarelyɨ. 30Sahwai Sɨmɨyonɨmɨrelyɨ.
Sahwai Jutharelyɨ. Sahwai Jozepɨyarelyɨ.
Sahwai Jonaanɨmɨrelyɨ. Sahwai Elaayakimɨmɨrelyɨ.
31Sahwai Melɨyarelyɨ. Sahwai Mennaamɨrelyɨ.
Sahwai Matatarelyɨ. Sahwai Netaanɨmɨrelyɨ.
Sahwai Devitɨmɨrelyɨ. 32Sahwai Jeziyarelyɨ.
Sahwai Wovetɨmɨrelyɨ. Sahwai Bowaazarelyɨ.
Sahwai Saalɨmonɨmɨrelyɨ. Sahwai Naazonɨmɨrelyɨ.
33Sahwai Aminɨthapɨmɨrelyɨ. Sahwai Athɨminɨmɨrelyɨ.
Sahwai Anaarelyɨ. Sahwai Ezɨronɨmɨrelyɨ.
Sahwai Perezarelyɨ. Sahwai Jutharelyɨ.
34Sahwai Jaikopɨmɨrelyɨ. Sahwai Aazakɨmɨrelyɨ.
Sahwai Evɨraamɨmɨrelyɨ. Sahwai Teraamɨrelyɨ.
Sahwai Naaworelyɨ. 35Sahwai Seruhɨmɨrelyɨ.
Sahwai Rewɨmɨrelyɨ. Sahwai Pelehɨmɨrelyɨ.
Sahwai Evemɨrelyɨ. Sahwai Selaamɨrelyɨ.
36Sahwai Kainaanɨmɨrelyɨ. Sahwai Aapakɨzathɨmɨrelyɨ.
Sahwai Samɨmɨrelyɨ. Sahwai Nowaarelyɨ.
Sahwai Lamekɨmɨrelyɨ. 37Sahwai Metuzalaamɨrelyɨ.
Sahwai Yɨnokɨmɨrelyɨ. Sahwai Jaaretharelyɨ.
Sahwai Maalalelɨmɨrelyɨ. Sahwai Kainaanɨmɨrelyɨ.
38Sahwai Yɨnozarelyɨ. Sahwai Satarelyɨ.
Sahwai Aataamɨmɨrelyɨ. Sahwai Gotɨyarelyɨ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.