KECHENG 44
44
Kangbo Aharlung
1Ahem aban atum ahemphu aphan Joseph hukumpilo, “Laso amonit atum athoila latum kepon-un-an asok thapdunnon, lapen abangphutin atangka latum athoila arlo athaksi along bidunkok non. 2Lapen ke ne harlung ke la akebisi athoila arlo le bidunnon, atangka penpen.” Laphan kepu ateng la klemlo. 3Adapprang a-ik atum aphan agadha pen pen atovar pachedamtoilo. 4Rongsopi pen latum damchot anvet-lang, ahem kelang aban aphan Joseph pulo, “Halaso amonit atum aphi dunseraktha. Latum kethek-long pen arjunon, ‘Akeme alar kopi apotsi nanglitum kehingno keklemloma? 5Kopi athesi nanglitum nehemphu arup aharlung#Nang kopi athesi nehemphu aharlung nang kechonghulo; Ibri pen klardakde kechonghu pondet-loma? La pensi alangli kejunchot, la pen si alangli sang-kelang-i. Nanglitum isi adaithedung akam klemlo!’ ”
6Aban abang latum aphan chephodunsi, laso alam alangli pu lemdet-lo. 7Laphan latum thak-lo, “Lason alam keningje ke, akehai, kopi aphansi kepulo? Nelitum semetang-lo, lason akam nelitum klemkle. 8Nangli chini, nelitum athoila arlo Kanaan adet along kelong atangka nelitum nangliridengsi tangka nangvoidet-lo. Tangte kopisi nelitum nangli hemphu ahem pen rup mate ser chonghu jilangma? 9Akehai, nelitum angbong jongsi mane abang along lason long-lok-lo pulote, laphan pathilotnon, lapen nelitum kedo-an ke nanglitum aban plangpo.”
10Alangli pulo, “Neli nang chedon-dunlo, bonta harlung kepon abangsi neban plangchotji, lapen akaprek atum an ke damlongji.” 11Lasi latum athoila longle arum pasunserak-lo, lapen abangphutin ta amethang athoila chepurlo. 12Joseph aban abang aklengsi pen ha akebisi an angton pen ripamelo, lapen Benjamin athoila arlo si harlung long-lok-lo. 13Aningduk si a-ik atum ape chingsek-lo, latum agadha charthang lo, lapen rongsopi anat nang chevoithulo.
14Judah lapen akorte atum Joseph ahem nangkele ahut, alangli hadaksi dolang. Alangli angno latum angphun patongki lo, 15lapen pulo, “Nangtum kopisi keklemloma? Ne ason amonit sekelang pen ajok nangtum aphan nanglong un pu nangtum chininelangma?”
16“Nangliphan nelitum kopisi kepujilangma, akehai?” Judah thak-lo. “Nelitum kopusonsi lam chedanthek poma? Nelitum kosonsi chepajokthek poma? Nelitum adai Arnam si hek-ang-lo. Nelitum kedo-an ta non ke nangliban lo, harlung kelong abangphu chot kali.”
17Joseph pulo, “Oh, kali! Ne la klemkle! Harlung kedo abangphusi neban plangchotji. Kadokave atum nangpo along chedamlong pame unji.”
Benjamin Aphan Judah Kechoningripi
18Joseph along Judah damsi pulo, “Kanghonpen, akehai, nanglipen neliphan pachingkilongtha. Neliphan ningthi ik-ri; nangli ke recho amethang asonthakthak-lo. 19Akehai, nangli nelitum aphan arjulo, ‘Nangtum apo lapen akaprek akorte dolangma?’ 20Nelitum nanglithak-lo ‘Nelitum apo, dolang, sar-olo, lapen korte akebisi do, alangli kesar abotor ahutsi mahangthekpilo. Laso a-oso a-ik ke thi-et-lo, lapen la helo apei epumpet kerenglang asolo; apo laphan chinghonpik.’ 21Akehai, laphan ladak kevandetji aphan nangli nelitum aphan nepulo, anke laphan nangli lang longpo, 22lapen nelitum nangliphan thak-lo, la apo aphan che-o-un-e; la jongsi la klemlote apo abang thilotpo. 23Anke nangli pulo, ‘Nangtum along jongsi nangtum akorte akebisi nangdunde tangte nangtum aphan nelong pavanglongle.’”
24Nelitum apo along nelitum kechevoi ahut, nangli kepu alam an alangliphan nelitum than-lo. 25Anke alangli nelitum aphan asap-bak asok kenamji aphan pulo. 26Nelitum thak-lo, “Netum damde; netum along jongsi netum akorte akebisi nang-lodunde pulote bangpo along netum damlongle. Netum along netum akorte akebisi abang nangdun lote lasi bangpo along damlongji.” 27Nelitum apo nelitum aphan nepulo, “Nangtum chinilo, nepiso Rachel nephan pinso oso banghinisi mahangpathek chot. 28Inut abang ke ne-otekangbub-lo. Laphan ingnam api atum ingsek-i-lo tahai, pima la ke-o arni pen ne laphan thek-longledet-lo. 29Nangtum jongsi laphanta pondet-lo lapen laphan pine cheplangdet-lo pulote, nangtum keklem nekepasung aningduk si nekesar ahut nepathipo.”
30Lapen Akehai, Judah pubom-lo, “Laso a-oso non neli ponpepin pen nelipo along chedamlote, nelilong oso avedet kethek-longpen amat alangli thilotpo. 31Alangli chetheke oso achethe pensi cherap-het asonlo, lapen alangli lapu-an kesarlo, laso alam pen kematha chepasungsi thilot tahaipo. 32Kopisi dolang, oso alar nelipo aphan nelichethe si chechak tekangdet-lo. Alangliphan neli pulo, neli jongsi oso alangli long ponpipe pulote, kedo-an adai apot nelikai isi nelisi chechak lunpo. 33Lasi akehai, non, oso alar nelisi nangliban ason nangdodun po, la ke a-ik atum along padunlonang. 34Oso jongsi nelilong nang dunde pulote kosonsi nelipo along neli chevoi poma? Laso akevir neli po aphuthak kevang langdunding-un-e.”
Currently Selected:
KECHENG 44: KARBIBSI
Highlight
Share
Copy
Want to have your highlights saved across all your devices? Sign up or sign in
Karbi Holy Bible © Bible Society of India, 2010.
Used by permission. All rights reserved worldwide.
KECHENG 44
44
Kangbo Aharlung
1Ahem aban atum ahemphu aphan Joseph hukumpilo, “Laso amonit atum athoila latum kepon-un-an asok thapdunnon, lapen abangphutin atangka latum athoila arlo athaksi along bidunkok non. 2Lapen ke ne harlung ke la akebisi athoila arlo le bidunnon, atangka penpen.” Laphan kepu ateng la klemlo. 3Adapprang a-ik atum aphan agadha pen pen atovar pachedamtoilo. 4Rongsopi pen latum damchot anvet-lang, ahem kelang aban aphan Joseph pulo, “Halaso amonit atum aphi dunseraktha. Latum kethek-long pen arjunon, ‘Akeme alar kopi apotsi nanglitum kehingno keklemloma? 5Kopi athesi nanglitum nehemphu arup aharlung#Nang kopi athesi nehemphu aharlung nang kechonghulo; Ibri pen klardakde kechonghu pondet-loma? La pensi alangli kejunchot, la pen si alangli sang-kelang-i. Nanglitum isi adaithedung akam klemlo!’ ”
6Aban abang latum aphan chephodunsi, laso alam alangli pu lemdet-lo. 7Laphan latum thak-lo, “Lason alam keningje ke, akehai, kopi aphansi kepulo? Nelitum semetang-lo, lason akam nelitum klemkle. 8Nangli chini, nelitum athoila arlo Kanaan adet along kelong atangka nelitum nangliridengsi tangka nangvoidet-lo. Tangte kopisi nelitum nangli hemphu ahem pen rup mate ser chonghu jilangma? 9Akehai, nelitum angbong jongsi mane abang along lason long-lok-lo pulote, laphan pathilotnon, lapen nelitum kedo-an ke nanglitum aban plangpo.”
10Alangli pulo, “Neli nang chedon-dunlo, bonta harlung kepon abangsi neban plangchotji, lapen akaprek atum an ke damlongji.” 11Lasi latum athoila longle arum pasunserak-lo, lapen abangphutin ta amethang athoila chepurlo. 12Joseph aban abang aklengsi pen ha akebisi an angton pen ripamelo, lapen Benjamin athoila arlo si harlung long-lok-lo. 13Aningduk si a-ik atum ape chingsek-lo, latum agadha charthang lo, lapen rongsopi anat nang chevoithulo.
14Judah lapen akorte atum Joseph ahem nangkele ahut, alangli hadaksi dolang. Alangli angno latum angphun patongki lo, 15lapen pulo, “Nangtum kopisi keklemloma? Ne ason amonit sekelang pen ajok nangtum aphan nanglong un pu nangtum chininelangma?”
16“Nangliphan nelitum kopisi kepujilangma, akehai?” Judah thak-lo. “Nelitum kopusonsi lam chedanthek poma? Nelitum kosonsi chepajokthek poma? Nelitum adai Arnam si hek-ang-lo. Nelitum kedo-an ta non ke nangliban lo, harlung kelong abangphu chot kali.”
17Joseph pulo, “Oh, kali! Ne la klemkle! Harlung kedo abangphusi neban plangchotji. Kadokave atum nangpo along chedamlong pame unji.”
Benjamin Aphan Judah Kechoningripi
18Joseph along Judah damsi pulo, “Kanghonpen, akehai, nanglipen neliphan pachingkilongtha. Neliphan ningthi ik-ri; nangli ke recho amethang asonthakthak-lo. 19Akehai, nangli nelitum aphan arjulo, ‘Nangtum apo lapen akaprek akorte dolangma?’ 20Nelitum nanglithak-lo ‘Nelitum apo, dolang, sar-olo, lapen korte akebisi do, alangli kesar abotor ahutsi mahangthekpilo. Laso a-oso a-ik ke thi-et-lo, lapen la helo apei epumpet kerenglang asolo; apo laphan chinghonpik.’ 21Akehai, laphan ladak kevandetji aphan nangli nelitum aphan nepulo, anke laphan nangli lang longpo, 22lapen nelitum nangliphan thak-lo, la apo aphan che-o-un-e; la jongsi la klemlote apo abang thilotpo. 23Anke nangli pulo, ‘Nangtum along jongsi nangtum akorte akebisi nangdunde tangte nangtum aphan nelong pavanglongle.’”
24Nelitum apo along nelitum kechevoi ahut, nangli kepu alam an alangliphan nelitum than-lo. 25Anke alangli nelitum aphan asap-bak asok kenamji aphan pulo. 26Nelitum thak-lo, “Netum damde; netum along jongsi netum akorte akebisi nang-lodunde pulote bangpo along netum damlongle. Netum along netum akorte akebisi abang nangdun lote lasi bangpo along damlongji.” 27Nelitum apo nelitum aphan nepulo, “Nangtum chinilo, nepiso Rachel nephan pinso oso banghinisi mahangpathek chot. 28Inut abang ke ne-otekangbub-lo. Laphan ingnam api atum ingsek-i-lo tahai, pima la ke-o arni pen ne laphan thek-longledet-lo. 29Nangtum jongsi laphanta pondet-lo lapen laphan pine cheplangdet-lo pulote, nangtum keklem nekepasung aningduk si nekesar ahut nepathipo.”
30Lapen Akehai, Judah pubom-lo, “Laso a-oso non neli ponpepin pen nelipo along chedamlote, nelilong oso avedet kethek-longpen amat alangli thilotpo. 31Alangli chetheke oso achethe pensi cherap-het asonlo, lapen alangli lapu-an kesarlo, laso alam pen kematha chepasungsi thilot tahaipo. 32Kopisi dolang, oso alar nelipo aphan nelichethe si chechak tekangdet-lo. Alangliphan neli pulo, neli jongsi oso alangli long ponpipe pulote, kedo-an adai apot nelikai isi nelisi chechak lunpo. 33Lasi akehai, non, oso alar nelisi nangliban ason nangdodun po, la ke a-ik atum along padunlonang. 34Oso jongsi nelilong nang dunde pulote kosonsi nelipo along neli chevoi poma? Laso akevir neli po aphuthak kevang langdunding-un-e.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Karbi Holy Bible © Bible Society of India, 2010.
Used by permission. All rights reserved worldwide.