KECHENG 45
45
Joseph Komatma A-ik Atum Aphan Kechethan
1Aban atum angno Joseph aning alam chekhang un-edet-lo, lasi alangli kadokave atum aphan angdeng pen kepadam-etji aphan hukumpilo. Joseph komatma a-ik atum aphan lam kechethan ahut baduta ave.#Akam 7.13 2Alangli lapu-an ase kethepen chirulo, Ijip aso atum anta arjulong-et-lo, lapen laso abirta rechohem anta palerok-lo. 3Joseph ke a-ik atum aphan pulo, “Ne helo Joseph lo. Nepo reng-et-langma? Bonta a-ik atum laso alam arjulongsi latum lapu-an pherelo, latum thakdun-thekthe det-lo. 4Anke latum aphan Joseph pulo, ‘Kanghonpen nedung nangpateboktha.’ Latum patebok lo, lapen alangli pulo, ‘Neke nangtum akorte Joseph lo, nangtum Ijip adet kejordundet abang-lo. 5Non nephan ladak nekejordet apot nangtum methang aphuthak ning chepa-oi mate adai chetin rinon. Rat atum aphan kepajokjisi nangtum aphrang Arnam si nephan ladak nangtoilo. 6Lake det adang akhim kethur hini aningkan chot-lang; non ningkan pho haikebai-longle lapen kerot-longle dojilang. 7Nangtum aphan lason manghumeme kepajokjisi lapen nangtum lapen nangso-nangsu atum aphan kepareng longvekjisi nangtum aphrang nephan Arnam netoilo. 8Lasi nangtumle nephan ladak nangketoi kali, bonta Arnam si Alangli nephan recho kethenei aban nebat-lo. Ne si alangli det kelang ahemphulo; ne si Ijip adang an kepangri abang-lo.’ ”
9Epo along damseraknon lapen asopo Joseph si kepulo pura alangphan thannon: “Ijip adang bithe kepangri abang nephan Arnamsi nebat-lo; paderdepin pen nelong vangnon.#Akam 7.14 10Nangtum Goshen alongri nedungle donon-nangtum, nangsomar atum, nangso-nangsu atum, nang biresak atum, nangbi, nangchainong, lapen nangtum kopima kedo ason an. 11Nangtum jongsi Goshen along dolote, ne nangtum aphan nang langthekpo. Non ningkan pho akhim thurjilang; lapen nang, nanghemtun isi, lapen nang mar api an kangchirnang nening hanghe.”
12Joseph ningjebomlo, “Non nangtum kedo-an lapen nang Benjamin ta chinilorlo ne Joseph lo. 13Ne Ijip adet ko-an jakongkethepik loma nepo aphan thannon, lapen nangtum kethek-long an asontin alam alangphan than-etnon. Lapen damserak-ra laphan ladak vandet-non.”
14Alangli alangli amu Benjamin aphan bamhetsi chiru pangcheng lo; Benjamin ta bamhetsi chirulo. 15Anke latum lahin lahin chebamsi lapen korte hijan chingjup seroilo. Laso aphi akorte atum alangli pen chingki pangcheng-lo.
16Joseph akorte atum nanglelo pu abirta rechohem lelo, recho lapen asaihemphu atum aning ingsampik-lo. 17Alangli Joseph aphan pulo, “Nang ik atum aphan thannon, halatum api anghor pacharthangra Kanaan adet pachedamnon. 18Latum apo lapen halatum ahemtun pachevanra ladak pavang-etnon. Latum aphan ne Ijip adet alongle kemenei pipo, lapen latum kerengji aphan dorphlup longpo. 19Halatum apiso atum lapen osomar atum aphan lapen apo kevangjile Ijip adet hem-kong-long-heihei latum kepaponjile latum aphan thannon. 20Latum amar-atar aphi ke-otekang-nang apot latum thangnat ta matha nangnelo; Ijip adet akemenei latum amar plangpo.”
21Latum aphan kepu ateng Jakob asomar atum klemlo. Recho hukum kepi ateng latum aphan hemkonglong-heihei lapen tovar aphan anbor Joseph pidunlo. 22Latum abangphutin aphan pe-ri asele alangli pidunlo, bonta Benjamin aphan alangli rup dum 300 lapen pe-ri chorpho pilo. 23Alangli apo aphan jonkep agadha anghor Ijip adet angbong akemenei amar lapen tovar kevangji ahut kechoji aphan gadha jonkep anghor asok, ahim, lapen akaprek ason lodunlo. 24Akorte atum aphan alangli toilo lapen latum aphan pulo, “Tovar chebohongri.”
25Latum Ijip adet osi Kanaan adet halatum apo Jakob along ahem chevoilo. 26“Joseph ke thithelang!” Jakob ke mongthing-lo, lapen latum aphan kroithekthe det-lo.
27Bonta Joseph latum aphan kethan alam an alangliphan kethan ahut, lapen alangliphan Joseph Ijip adet keponji pura nangkelodun hem-kong-long-heihei alangli thek-longsi, alangli kemanghuhak pen melo. 28“Nesopo Joseph nonta reng-et-lang” alangli pulo. “Lahelo ne karjuji-an nening kehang! Ne thithe ako dam si alangphan langdamvekji.”
Currently Selected:
KECHENG 45: KARBIBSI
Highlight
Share
Copy
Want to have your highlights saved across all your devices? Sign up or sign in
Karbi Holy Bible © Bible Society of India, 2010.
Used by permission. All rights reserved worldwide.
KECHENG 45
45
Joseph Komatma A-ik Atum Aphan Kechethan
1Aban atum angno Joseph aning alam chekhang un-edet-lo, lasi alangli kadokave atum aphan angdeng pen kepadam-etji aphan hukumpilo. Joseph komatma a-ik atum aphan lam kechethan ahut baduta ave.#Akam 7.13 2Alangli lapu-an ase kethepen chirulo, Ijip aso atum anta arjulong-et-lo, lapen laso abirta rechohem anta palerok-lo. 3Joseph ke a-ik atum aphan pulo, “Ne helo Joseph lo. Nepo reng-et-langma? Bonta a-ik atum laso alam arjulongsi latum lapu-an pherelo, latum thakdun-thekthe det-lo. 4Anke latum aphan Joseph pulo, ‘Kanghonpen nedung nangpateboktha.’ Latum patebok lo, lapen alangli pulo, ‘Neke nangtum akorte Joseph lo, nangtum Ijip adet kejordundet abang-lo. 5Non nephan ladak nekejordet apot nangtum methang aphuthak ning chepa-oi mate adai chetin rinon. Rat atum aphan kepajokjisi nangtum aphrang Arnam si nephan ladak nangtoilo. 6Lake det adang akhim kethur hini aningkan chot-lang; non ningkan pho haikebai-longle lapen kerot-longle dojilang. 7Nangtum aphan lason manghumeme kepajokjisi lapen nangtum lapen nangso-nangsu atum aphan kepareng longvekjisi nangtum aphrang nephan Arnam netoilo. 8Lasi nangtumle nephan ladak nangketoi kali, bonta Arnam si Alangli nephan recho kethenei aban nebat-lo. Ne si alangli det kelang ahemphulo; ne si Ijip adang an kepangri abang-lo.’ ”
9Epo along damseraknon lapen asopo Joseph si kepulo pura alangphan thannon: “Ijip adang bithe kepangri abang nephan Arnamsi nebat-lo; paderdepin pen nelong vangnon.#Akam 7.14 10Nangtum Goshen alongri nedungle donon-nangtum, nangsomar atum, nangso-nangsu atum, nang biresak atum, nangbi, nangchainong, lapen nangtum kopima kedo ason an. 11Nangtum jongsi Goshen along dolote, ne nangtum aphan nang langthekpo. Non ningkan pho akhim thurjilang; lapen nang, nanghemtun isi, lapen nang mar api an kangchirnang nening hanghe.”
12Joseph ningjebomlo, “Non nangtum kedo-an lapen nang Benjamin ta chinilorlo ne Joseph lo. 13Ne Ijip adet ko-an jakongkethepik loma nepo aphan thannon, lapen nangtum kethek-long an asontin alam alangphan than-etnon. Lapen damserak-ra laphan ladak vandet-non.”
14Alangli alangli amu Benjamin aphan bamhetsi chiru pangcheng lo; Benjamin ta bamhetsi chirulo. 15Anke latum lahin lahin chebamsi lapen korte hijan chingjup seroilo. Laso aphi akorte atum alangli pen chingki pangcheng-lo.
16Joseph akorte atum nanglelo pu abirta rechohem lelo, recho lapen asaihemphu atum aning ingsampik-lo. 17Alangli Joseph aphan pulo, “Nang ik atum aphan thannon, halatum api anghor pacharthangra Kanaan adet pachedamnon. 18Latum apo lapen halatum ahemtun pachevanra ladak pavang-etnon. Latum aphan ne Ijip adet alongle kemenei pipo, lapen latum kerengji aphan dorphlup longpo. 19Halatum apiso atum lapen osomar atum aphan lapen apo kevangjile Ijip adet hem-kong-long-heihei latum kepaponjile latum aphan thannon. 20Latum amar-atar aphi ke-otekang-nang apot latum thangnat ta matha nangnelo; Ijip adet akemenei latum amar plangpo.”
21Latum aphan kepu ateng Jakob asomar atum klemlo. Recho hukum kepi ateng latum aphan hemkonglong-heihei lapen tovar aphan anbor Joseph pidunlo. 22Latum abangphutin aphan pe-ri asele alangli pidunlo, bonta Benjamin aphan alangli rup dum 300 lapen pe-ri chorpho pilo. 23Alangli apo aphan jonkep agadha anghor Ijip adet angbong akemenei amar lapen tovar kevangji ahut kechoji aphan gadha jonkep anghor asok, ahim, lapen akaprek ason lodunlo. 24Akorte atum aphan alangli toilo lapen latum aphan pulo, “Tovar chebohongri.”
25Latum Ijip adet osi Kanaan adet halatum apo Jakob along ahem chevoilo. 26“Joseph ke thithelang!” Jakob ke mongthing-lo, lapen latum aphan kroithekthe det-lo.
27Bonta Joseph latum aphan kethan alam an alangliphan kethan ahut, lapen alangliphan Joseph Ijip adet keponji pura nangkelodun hem-kong-long-heihei alangli thek-longsi, alangli kemanghuhak pen melo. 28“Nesopo Joseph nonta reng-et-lang” alangli pulo. “Lahelo ne karjuji-an nening kehang! Ne thithe ako dam si alangphan langdamvekji.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Karbi Holy Bible © Bible Society of India, 2010.
Used by permission. All rights reserved worldwide.