Sharanahua - 2016 Edition (NT) Non Drama

Sharanahua - 2016 Edition (NT) Drama

<div class="version vid522 iso6393mcd" data-vid="522" data-iso6393="mcd">
 <div class="book bkLUK">
 <div class="chapter ch23" data-usfm="LUK.23">
 <div class="label">23</div><div class="s">Jes&#250;s Pilato ano iyonifo</div><div class="r"> Mt 27.1-2, 11-14; Mr 15.1-5; Jn 18.28-38</div><div class="p"> 1Ascatan Israeli niaifofoan Jes&#250;s aton niaifocoin shinanmaqui iyonifo. Nan Pilato niaifofin Romanonfoan ato niaifo iniquin. 2Ascano niaifofoan Jes&#250;s tsain paranacaquin yoinifo, &#8212;Na nocofunun fasi noco yorafo fucash huaquin ato yoia, &#8220;Romanon niaifoan mato pui yocaiton inanyamacahuun,&#8221; ishon yoifain &#8220;Un Diospan facu un mato niaiforan,&#8221; noco huaran, &#8212;ishon Pilato yoinifo. 3Ascaiton Pilatonun yocani, &#8212;&#191;Minmun Israelifoan niaifo? &#8212;ishon yocaiton.</div><div class="p">Jes&#250;s cumani, &#8212;Nan mian yoiai cuscafin unquin, &#8212;huani</div><div class="p"> 4Ascaino Pilato nocon yorafohuunshon Dios cufimisi niaifofo yafi nanno nia futsafo ato yoini, &#8212;Na nocofununcai ahuara chaca yoima. Ahuashtacai ahuun nuama non iquimanai, &#8212;ishon ato yoini. 5Ascafiaiton fasi curushcain cumanifo, &#8212;Na nocofununfin ato yoiquin Judea maitio fasi ato fucash huafoanfafaini. &#8220;Romanonfoan niaifo non potanon,&#8221; ishon yoiaquin. Tau huaqui Galilea anoafo yoiqui fucash huatan nunorifi man oaran, &#8212;huanifo.</div><div class="s">Jes&#250;s Herodes ano iyonifo</div><div class="p"> 6Ascaifoan nicaquin Pilato afanan ato yocani, &#8212;&#191;Na nocofunumun Galilea anoa? &#8212;ishon ato yocaiton. 7&#8212;Aifain, &#8212;huaifoan. &#8212;Asca un Herodesqui Jes&#250;s nichinonquin. Nan Galilea anoa niaifoquin. Ahuuscamain huaicai afi noco yoinon, &#8212;ishon Pilato yoini. Nantianri Herodes arifi Jerusal&#233;n ano oni.</div><div class="p"> 8Jes&#250;s aqui nocoaiton fuchitan Herodes unimacoinni. Fasi oinpaimisishaquin. &#8212;Ahuamamishti noco ismapainonran, &#8212;ishon ahuun nomuran shinanni. 9Ascashon fasi ahuarafo Jes&#250;s yocapaifiaitocai cumanima. 10Ascaino nocon yorafohuunshon Dios cufimisi niaifofo yafi Mois&#233;s cununi cuscan tapimamisifo Herodesqui fasi chanirianifo chaca huacaquin. 11Ascaino Herodes futan ahuun ranushumuafoanri fasi cashumutsama huaquin roarianifo. Niaifoan sahuuti sahuumatan Pilato ano afanan nichinifo. 12Pilato fu Herodes shara huantananyamafiamisishaquin nantian shara huantanannifo. Jes&#250;s achicanisi raunannifo.</div><div class="s">Niaifoan ato yononi Jes&#250;s rutunonfo</div><div class="r"> Mt 27.15-26; Mr 15.6-15; Jn 18.39&#8211;19.16</div><div class="p"> 13Ascacun Pilato afanan ato cunani. Nocon yorafohuunshon Dios cufimisi niaifofo yafi niaifofo futsafori ichanan huashquin. 14Ascano ato ichanan huashon ato yoini,</div><div class="p">&#8212;Man uqui na nocofunu ihuua. Man ua yoia naton yorafo tsain chaca yosian Romanonfoan aton niaifo non potanon, icaran ishon man ua yoia. Ascafiacai ascarama. Maton ointaifi un yocafiaitocai man ua yoiai cuscan ua cumaqui chaca huama. 15Herodesricai ahuunoa ahua chaca nicama nan man yoiai cuscan. Ascacun Herodes nocoqui afanan Jes&#250;s nichian. Na nocofununcai ahua chaca huamafinquin naashquin. 16Ascacun un onaintimaiyoi catanon, &#8212;ishon ato yoini.</div><div class="p"> 17-18Ascaino mucainifoannifo. &#8212;Na nocofunu rutuhuu. Barrab&#225;s noco cainmashohuun, &#8212;huaifoan. Fuusititiansi Pilato a cunu muran iquiafo fusti ato caimapaoni. Faritifi nan yorafoan cainmapaiyaifo Pilaton ato cainmashopaoni.</div><div class="p"> 19Nan Barrabasfin yora rutumisi iniquin. Nantori yoini, &#8212;Romanonfoan niaifo non potanon, &#8212;ishon yorafo yoini. Ascaiton cunu muran iquimanifo. 20Ascaifoan afanan Pilatonun ato yoini Jes&#250;s nichipaiquin. 21Ascafiaino afanan mucainifoan yoinifo,</div><div class="p">&#8212;Mastahuun, &#8212;huarianifo.</div><div class="p"> 22Ascaifoan afanan Pilato ato yoini, &#8212;Ahuuscacufin. Ahuacai chaca huamafinquin. Ahuashtacai chaca huatananma napanan. Unfin onaintimashon nichiqui catanon, &#8212;ishon ato yoini.</div><div class="p"> 23Ascafiaino oi ashcafinin, &#8212;Mastahuun, &#8212;huarianifo. Yoiquin unuyamacaiyaifoan Pilato shinantani ascaiton, &#8212;Mafin acahuun. 24Man fasi yoiriaicai asca nan man apaiyai cuscan huacahuun, &#8212;ato huani. 25Nan Barrab&#225;s yora rutufain niaifo potapaifiamisicun nancai cunu murannoa cainmafain Jesusrocon ato inanni nan apaiyaifo cuscan huanonfo.</div><div class="s">Jes&#250;s ihui coyan iquinanqui mastanifo</div><div class="r"> Mt 27.32-44; Mr 15.21-32; Jn 19.17-27</div><div class="p"> 26Jes&#250;s iyocaquin oianfo Sim&#243;n pushurasi patasharinoashu oaiton fuchitan Sim&#243;n Cirene anoa yononifo, &#8212;Ihui coyan iquinan noco foshoicahuun, &#8212;ishon iyamafainifo. Jes&#250;s rucucaino achon iyashon foni.</div><div class="p"> 27Ascaino yorahuanrasifo ya ainfofori achon fonifo. Nan ainfofo uaifonifo aton Ifo manocani. 28Ascaifoan ifiacucahuan Jes&#250;s ato yoini, &#8212;Jerusal&#233;n anoa ainfofoan, uhuunoashu uaiyamacahuun. Mafiri uaicain maton facufohuunoashu uaicahuun. 29Manfin chipo omitsiscaquin yoishquiquin isca huaquin, &#8220;Non facuomafofi shara icuanaquin no fu omitsiscanonfomaran,&#8221; ishon man yoishqui. 30&#8220;Machi nocoqui maocoano non nai futsuafin shara itiroquin. Omitsiscashquima,&#8221; ishon nannori man yoishqui. 31Un ahua chaca huayamafiamisicun ua isca huacani. Ascan tsoan ahuara chaca huaquin unuyamacaiyaifofin fasi finacaicani omitsiscamashcaniquin, &#8212;ishon Jes&#250;s ato yoini. Ascashon Jes&#250;s iyonifo mastaifocaquin. 32Ascashon yomutso rafuri iyonifo Jes&#250;s ya mastaifocaquin</div><div class="p"> 33Ascatan anoshon mastaifoanno noconifo. Nanno ahuun anu mapo shao ini. Nannoshon Jes&#250;s mastanifo. Ascashon nocofunu chaca rafuri ocuma futsa futsafain ocuma futsari futsa mastanifo. 34Ascashon mastaifoan Jes&#250;s Apa cufini,</div><div class="p">&#8212;Upan, ato rau huahuu. Ua isca huaifo cuscan tsoan tapiamaquin. Un min facufiacun tapiafoma, &#8212;ishon Jes&#250;s apa cufini.</div><div class="p">Mastacatan ahuun sahuuti pashcananshcaquin. Aya cashuti ya cashunifo nan finonmanaton ahuun sahuuti fiqui tau huani. 35Nanno yorahuanrasi mapo cashon oinnifo. Ascashon niaifofoanri roaqui futsacaquin yonifo,</div><div class="p">&#8212;Non oinon. Futsafo numamisi cuscamain afiri numaiquin nan Diosin catonni Cristo huashuforan afiri numaicain futsafo numamisi cuscan, &#8212;ishon yoinifo.</div><div class="p"> 36Ascaino ranushumuafo aqui cashupainifo. Fimi unu focashcoin muran mishan pocotan inanpaicaquin.</div><div class="p"> 37Ranushumuafoan yoinifo, &#8212;Minmain Israelifoan niaifoquin mifiri numahuu, &#8212;huanifo.</div><div class="p"> 38Ascashon ahuun mapo manaonri aqui cununifo.</div><div class="qc"> israelifoan niaiforan </div><div class="m">ishon.</div><div class="p"> 39Ascaino afu masta futsan Jesusqui tsain chaca huani.</div><div class="p">&#8212;Minmain Cristoqui mifiri numacain nocori numahuu, &#8212;huaiton.</div><div class="p"> 40A fu masta futsan yoini, &#8212;Asca huayamahuu. &#191;Minmun Diosqui ratuimacai? 41Non chaca huamisicufin noco mastafoquin. Asca Jesuscai ahua chaca huayamafiamisicun mastaforan, &#8212;ishon futsan yoini.</div><div class="p"> 42Ascashon nantori yoini, &#8212;Ifon, Dios niaifo ari nocoshon ua shinanhuun, &#8212;huaiton.</div><div class="p"> 43Jes&#250;s cumani, &#8212;Icon un mia yoi. Na shafatan min ufu ari iquicaiquin. Nanno fasi sharacoin. Min ufu unimacoin sharapacunacaran, &#8212;huani.</div><div class="s">Jes&#250;s nani cuscan</div><div class="r"> Mt 27.45-56; Mr 15.33-41; Jn 19.28-30</div><div class="p"> 44Asca huatanaino fari masafinin racafiashu nan maitio faquishpacucahuani. 45Ascainocai fari chashayonima. Ascashu man fari caino afanan shafani. Ascaino nantianri Dios fu tsainti pushu murannoa Dioshuunoashu panomanhuan pochimua aficoin nushmancayan fashnupacucahuani. 46Ascaino Jes&#250;s Apa cunainifoanni oi ashcafinin,</div><div class="p">&#8212;Upan, miari ua ihuicoinhuun, &#8212;huatan shacaica unufaini naani.</div><div class="p"> 47Ascaiton ranushumua niaifoan yoiquin. &#8212;Icocoinfinquin na nocofununcai ahua chaca huayomisima. Fasi sharacoin. Nan non oian cuscan nantifi Diosin acaran, &#8212;ishon ranushumua niaifoan yoini.</div><div class="p"> 48Ascaiton oincani fasi manocoincani fonifo. 49Ascaiton ahuun yorahuafo yafi nan ainfofo Galilea anoashu afu foafoan chai nishon oinnifo.</div><div class="s">Jes&#250;s mai huani</div><div class="r"> Mt 27.57-61; Mr 15.42-47; Jn 19.38-42</div><div class="p"> 50Nannori nocofunun ahuun anu Jos&#233; Israelifoan aton niaifo ini. Nan nocofununfin Dios tanasharapaicoinniquin. 51Nantoricai niaifo futsafoan shinainfo cuscan shinannima. A niaifofin Arimatea mai anoa iniquin. Arimatea nan pushurasi Judea muran ini. Nantorifi Cristo nan Diosin catoan manapaoni aton niaifo inon.</div><div class="p"> 52Ascashu cashon Jos&#233; Pilato yocani. &#8212;Un Jes&#250;s ahuun caya toquirininhuan quini muran mai huapairan, &#8212;ishon. 53Ascano yocafaini cashon a ihui coyan iquinanqui mastafo fotomapacufoan ahuun yoratishon racoshon toquirininhuan quini muran mai huani. Jes&#250;s naataima quini puhuunifo nan murancai tsoa maiyomisima muran Jes&#250;s mai huani. 54Tunutitian man nococuanaino Jes&#250;s mai huani. Nan shafatan itishara huamisifotian ini.</div><div class="p"> 55Ascaino nan Galilea anoashu ainfofo Jes&#250;s fu fuitafoan Jos&#233; Jes&#250;s mai huaiton oinshcaquin mufainifo. Ahuuscashomain rataicain oinsharanifo. 56Ascashu nan ainfofo afanan aton pushu ano nasofainifo. Ininti shara itishara huai focani. Unupa yafi mutopa inin shara fii focani fonifo. Jes&#250;s ahuun caya camaqui ocashcaquin. Ascafiaino tunutitian nasoyonifoma. Finonyocani. Israelifoan yononi cuscan tunutitian tsoa raqui cayotiroma ini. Ascacun nan nicacoinnifo.</div>
 </div>
 </div>
</div>

Ascatan Israeli niaifofoan Jesús aton niaifocoin shinanmaqui iyonifo. Nan Pilato niaifofin Romanonfoan ato niaifo iniquin. Ascano niaifofoan Jesús tsain paranacaquin yoinifo, —Na nocofunun fasi noco yorafo fucash huaquin ato yoia, “Romanon niaifoan mato pui yocaiton inanyamacahuun,” ishon yoifain “Un Diospan facu un mato niaiforan,” noco huaran, —ishon Pilato yoinifo. Ascaiton Pilatonun yocani, —¿Minmun Israelifoan niaifo? —ishon yocaiton.
Jesús cumani, —Nan mian yoiai cuscafin unquin, —huani
Ascaino Pilato nocon yorafohuunshon Dios cufimisi niaifofo yafi nanno nia futsafo ato yoini, —Na nocofununcai ahuara chaca yoima. Ahuashtacai ahuun nuama non iquimanai, —ishon ato yoini. Ascafiaiton fasi curushcain cumanifo, —Na nocofununfin ato yoiquin Judea maitio fasi ato fucash huafoanfafaini. “Romanonfoan niaifo non potanon,” ishon yoiaquin. Tau huaqui Galilea anoafo yoiqui fucash huatan nunorifi man oaran, —huanifo.

Ascaifoan nicaquin Pilato afanan ato yocani, —¿Na nocofunumun Galilea anoa? —ishon ato yocaiton. —Aifain, —huaifoan. —Asca un Herodesqui Jesús nichinonquin. Nan Galilea anoa niaifoquin. Ahuuscamain huaicai afi noco yoinon, —ishon Pilato yoini. Nantianri Herodes arifi Jerusalén ano oni.
Jesús aqui nocoaiton fuchitan Herodes unimacoinni. Fasi oinpaimisishaquin. —Ahuamamishti noco ismapainonran, —ishon ahuun nomuran shinanni. Ascashon fasi ahuarafo Jesús yocapaifiaitocai cumanima. Ascaino nocon yorafohuunshon Dios cufimisi niaifofo yafi Moisés cununi cuscan tapimamisifo Herodesqui fasi chanirianifo chaca huacaquin. Ascaino Herodes futan ahuun ranushumuafoanri fasi cashumutsama huaquin roarianifo. Niaifoan sahuuti sahuumatan Pilato ano afanan nichinifo. Pilato fu Herodes shara huantananyamafiamisishaquin nantian shara huantanannifo. Jesús achicanisi raunannifo.


Ascacun Pilato afanan ato cunani. Nocon yorafohuunshon Dios cufimisi niaifofo yafi niaifofo futsafori ichanan huashquin. Ascano ato ichanan huashon ato yoini,
—Man uqui na nocofunu ihuua. Man ua yoia naton yorafo tsain chaca yosian Romanonfoan aton niaifo non potanon, icaran ishon man ua yoia. Ascafiacai ascarama. Maton ointaifi un yocafiaitocai man ua yoiai cuscan ua cumaqui chaca huama. Herodesricai ahuunoa ahua chaca nicama nan man yoiai cuscan. Ascacun Herodes nocoqui afanan Jesús nichian. Na nocofununcai ahua chaca huamafinquin naashquin. Ascacun un onaintimaiyoi catanon, —ishon ato yoini.
Ascaino mucainifoannifo. —Na nocofunu rutuhuu. Barrabás noco cainmashohuun, —huaifoan. Fuusititiansi Pilato a cunu muran iquiafo fusti ato caimapaoni. Faritifi nan yorafoan cainmapaiyaifo Pilaton ato cainmashopaoni.
Nan Barrabasfin yora rutumisi iniquin. Nantori yoini, —Romanonfoan niaifo non potanon, —ishon yorafo yoini. Ascaiton cunu muran iquimanifo. Ascaifoan afanan Pilatonun ato yoini Jesús nichipaiquin. Ascafiaino afanan mucainifoan yoinifo,
—Mastahuun, —huarianifo.
Ascaifoan afanan Pilato ato yoini, —Ahuuscacufin. Ahuacai chaca huamafinquin. Ahuashtacai chaca huatananma napanan. Unfin onaintimashon nichiqui catanon, —ishon ato yoini.
Ascafiaino oi ashcafinin, —Mastahuun, —huarianifo. Yoiquin unuyamacaiyaifoan Pilato shinantani ascaiton, —Mafin acahuun. Man fasi yoiriaicai asca nan man apaiyai cuscan huacahuun, —ato huani. Nan Barrabás yora rutufain niaifo potapaifiamisicun nancai cunu murannoa cainmafain Jesusrocon ato inanni nan apaiyaifo cuscan huanonfo.


Jesús iyocaquin oianfo Simón pushurasi patasharinoashu oaiton fuchitan Simón Cirene anoa yononifo, —Ihui coyan iquinan noco foshoicahuun, —ishon iyamafainifo. Jesús rucucaino achon iyashon foni.
Ascaino yorahuanrasifo ya ainfofori achon fonifo. Nan ainfofo uaifonifo aton Ifo manocani. Ascaifoan ifiacucahuan Jesús ato yoini, —Jerusalén anoa ainfofoan, uhuunoashu uaiyamacahuun. Mafiri uaicain maton facufohuunoashu uaicahuun. Manfin chipo omitsiscaquin yoishquiquin isca huaquin, “Non facuomafofi shara icuanaquin no fu omitsiscanonfomaran,” ishon man yoishqui. “Machi nocoqui maocoano non nai futsuafin shara itiroquin. Omitsiscashquima,” ishon nannori man yoishqui. Un ahua chaca huayamafiamisicun ua isca huacani. Ascan tsoan ahuara chaca huaquin unuyamacaiyaifofin fasi finacaicani omitsiscamashcaniquin, —ishon Jesús ato yoini. Ascashon Jesús iyonifo mastaifocaquin. Ascashon yomutso rafuri iyonifo Jesús ya mastaifocaquin
Ascatan anoshon mastaifoanno noconifo. Nanno ahuun anu mapo shao ini. Nannoshon Jesús mastanifo. Ascashon nocofunu chaca rafuri ocuma futsa futsafain ocuma futsari futsa mastanifo. Ascashon mastaifoan Jesús Apa cufini,
—Upan, ato rau huahuu. Ua isca huaifo cuscan tsoan tapiamaquin. Un min facufiacun tapiafoma, —ishon Jesús apa cufini.
Mastacatan ahuun sahuuti pashcananshcaquin. Aya cashuti ya cashunifo nan finonmanaton ahuun sahuuti fiqui tau huani. Nanno yorahuanrasi mapo cashon oinnifo. Ascashon niaifofoanri roaqui futsacaquin yonifo,
—Non oinon. Futsafo numamisi cuscamain afiri numaiquin nan Diosin catonni Cristo huashuforan afiri numaicain futsafo numamisi cuscan, —ishon yoinifo.
Ascaino ranushumuafo aqui cashupainifo. Fimi unu focashcoin muran mishan pocotan inanpaicaquin.
Ranushumuafoan yoinifo, —Minmain Israelifoan niaifoquin mifiri numahuu, —huanifo.
Ascashon ahuun mapo manaonri aqui cununifo.
ISRAELIFOAN NIAIFORAN
ishon.
Ascaino afu masta futsan Jesusqui tsain chaca huani.
—Minmain Cristoqui mifiri numacain nocori numahuu, —huaiton.
A fu masta futsan yoini, —Asca huayamahuu. ¿Minmun Diosqui ratuimacai? Non chaca huamisicufin noco mastafoquin. Asca Jesuscai ahua chaca huayamafiamisicun mastaforan, —ishon futsan yoini.
Ascashon nantori yoini, —Ifon, Dios niaifo ari nocoshon ua shinanhuun, —huaiton.
Jesús cumani, —Icon un mia yoi. Na shafatan min ufu ari iquicaiquin. Nanno fasi sharacoin. Min ufu unimacoin sharapacunacaran, —huani.


Asca huatanaino fari masafinin racafiashu nan maitio faquishpacucahuani. Ascainocai fari chashayonima. Ascashu man fari caino afanan shafani. Ascaino nantianri Dios fu tsainti pushu murannoa Dioshuunoashu panomanhuan pochimua aficoin nushmancayan fashnupacucahuani. Ascaino Jesús Apa cunainifoanni oi ashcafinin,
—Upan, miari ua ihuicoinhuun, —huatan shacaica unufaini naani.
Ascaiton ranushumua niaifoan yoiquin. —Icocoinfinquin na nocofununcai ahua chaca huayomisima. Fasi sharacoin. Nan non oian cuscan nantifi Diosin acaran, —ishon ranushumua niaifoan yoini.
Ascaiton oincani fasi manocoincani fonifo. Ascaiton ahuun yorahuafo yafi nan ainfofo Galilea anoashu afu foafoan chai nishon oinnifo.


Nannori nocofunun ahuun anu José Israelifoan aton niaifo ini. Nan nocofununfin Dios tanasharapaicoinniquin. Nantoricai niaifo futsafoan shinainfo cuscan shinannima. A niaifofin Arimatea mai anoa iniquin. Arimatea nan pushurasi Judea muran ini. Nantorifi Cristo nan Diosin catoan manapaoni aton niaifo inon.
Ascashu cashon José Pilato yocani. —Un Jesús ahuun caya toquirininhuan quini muran mai huapairan, —ishon. Ascano yocafaini cashon a ihui coyan iquinanqui mastafo fotomapacufoan ahuun yoratishon racoshon toquirininhuan quini muran mai huani. Jesús naataima quini puhuunifo nan murancai tsoa maiyomisima muran Jesús mai huani. Tunutitian man nococuanaino Jesús mai huani. Nan shafatan itishara huamisifotian ini.
Ascaino nan Galilea anoashu ainfofo Jesús fu fuitafoan José Jesús mai huaiton oinshcaquin mufainifo. Ahuuscashomain rataicain oinsharanifo. Ascashu nan ainfofo afanan aton pushu ano nasofainifo. Ininti shara itishara huai focani. Unupa yafi mutopa inin shara fii focani fonifo. Jesús ahuun caya camaqui ocashcaquin. Ascafiaino tunutitian nasoyonifoma. Finonyocani. Israelifoan yononi cuscan tunutitian tsoa raqui cayotiroma ini. Ascacun nan nicacoinnifo.

Escolta Lucas 23