Versets bíblics populars de Luka 5

Comparteix

Nde o heenyi ko o wi'ata, o wi'i Siiman, “Turta komiwal ngal yaaki ton to luggi, ngaɗaa nangirɗum liƴƴi maaɗa nder ndiyam ngam nanguki liƴƴi.”

Siiman Biiturus wi'i, “Moodibbo, min kuwii jemmaare fuu, min nangaayi goɗɗum. Ammaa daga a wi'i non, mi waɗay nangirɗum liƴƴi nder ndiyam.” Nde ɓe ngaɗi non, ɓe nangi liƴƴi ɗuɗɗi haa nangirɗum ɗum fuɗɗi seekuki.

Ammaa no Yeesu woowi e yaha wigeere nder ladde waɗa do'aare.

Mi waroyaayi ngam nodduki nyumooɓe ɓe aadili'en, ammaa mi waroyi ngam nodduki anduɓe ɓe gaɗooɓe hakke ɓe tuuba.”

Nde Siiman yi'i non, o diccii yeeso Yeesu, o wi'i, “Moodibbo, woɗɗitayam, mi neɗɗo gooduɗo hakke!”

Yeesu wi'iɓe, “Naa' yamɓe ngiɗi nyawndoowo, sey ni nyawɓe.

Ɓe mburtini komiije maɓɓe daga nder ndiyam, ɓe ali koo ɗume, ɓe tokki Yeesu.

Wonde nyalnde Yeesu e nder wondi gariiri, goɗɗo waroyi gooduɗo nyawu nyaamoojum laral fuu ɓandu maako. Nde o yi'i Yeesu, o diccii, o torii Yeesu, o wi'i, “Moodibbo, taa jaɓii, a waaway njamɗitinaayam.” Sey Yeesu forti jungo muuɗum, meemimo, wi'i, “Mi jaɓii. Yamɗutu!” Ɗon e ɗon o yamɗiti, nyawu ngun alimo.

Ammaa koo nde Yeesu haɗiimo wi'ukika, habaru ɗum woɗɗinii, yimɓe ɗuɗɓe ngari ngam nanuki ekkitinol maako e yamɗitineeki daga nyawuuji mu''en.