Versets bíblics populars de Luka 6

Comparteix

Kokkee, ɗum hokkay'on e poondirgel kewngel tiɗɗaangel dimbaangel boɗɗum, ɗum waylanay'on nder tummuɗe mooɗon, ngam poondirgel ngel poondirɗon, e maagel ɗum foondiranta'on.”

Neɗɗo mo ngikku boɗɗum e wurtina fii boɗɗum daga nder ko woni nder ɓernde muuɗum. Non maa neɗɗo kalluɗo e wurtina halleende daga nder ɓernde muuɗum, ngam honduko neɗɗo e meta ko woni nder ɓernde muuɗum.”

Ammaa ngiɗee ganyooɓe mooɗon, ngaɗaneeɓe boɗɗum, kokkeeɓe nyamaande, to' on kammoo hokkiteeki. To on ngaɗii non, on keɓay barka ɗuɗɗum, on ngartay ɓiɓɓe Allah Joomu Mangu. Ngam Allah e yurminana ɓe ngettataa e kalluɓe.

Njurminanee yimɓe non no Nyaako mooɗon Mo Dow yurmirta.

“To' on kiito woɓɓe, on kiitataake. To' on metu kalluka dow goɗɗo, ɗum metataa kalluka dow mooɗon. Njaafee, ɗum yaafanto'on.

“Ammaa e mi wi'a'on onon nanooɓe ko mbi'aymi: Ngiɗee ganyooɓe mooɗon, ngaɗanee wanyuɓe'on ko wooɗi, mbarkiɗinee laanooɓe'on, ngaɗanee torrooɓe'on do'aare.

Ngaɗanee woɓɓe ko ngiɗɗon ɓe ngaɗana'on.

To goɗɗo fiyiima to wolo, waylitanmo wo'oto ngon maa. To goɗɗo jaɓii cuddaari maaɗa, taa' haɗumo toggoore maaɗa. Toriiɗoma goɗɗum fuu, hokkumo. Teetanɗoma goɗɗum, taa' wi'imo o hokkutumaa.

“Lekki boɗki rimataa ɓikkoy koy mbooɗaa, non maa lekki ki wooɗaa rimataa ɓikkoy mboɗkoy.

Ngam koo kiye lekki e andiree ɓikkoy maaki. Ɗum teɓɓitataa ibbe to lekki kooraaje, non to gi'ehi ɗum teɓɓitataa ɓikkoy bummeeje.