Versets bíblics populars de Gen 28

Comparteix

Une timbe namwe, tinamcinjilicisyeje kulikose kutimjawule, nipo tinjimwucisya soni ku cilambo acino. Ngasinimleka mpaka ndili nayitesile yindu yosope yimbeceteyi.”

AMBUJE* ŵajimi pambali pa jwalakwe ni ŵamsalile kuti, “Une ndili AMBUJE, Mlungu jwa acinangolo ŵenu Abulahamu ni Isaki. Cilambo cimgonileci tinjicipeleka kwa m'mwejo pamo ni yisukulu yenu.

Yakobo piŵajimwice ŵatite, “Nditu AMBUJE ali apano, nambo une nganimanyililaga.”

Kaneko Yakobo ŵalumbile kwa Mlungu kuti, “Naga akutama ni une ni kunjinjilicisya pa ulendo wanguwu ni kuja kusunga kungwawulaku, ni soni kumba yakulya ni yakuwala, ni kumbucisya cenene ku nyumba ja baba ŵangu mwamtendele, AMBUJE timciŵa Mlungu jwangu. Liganga lya cikumbukumbu linalijimice apanoli, tiliciŵa nyumba jenu, une tinjipeleka kwa ŵalakwe mbuwa ja ca likumi pa yindu yiliyose yitacimba uneji.”

Yisukulu yenuyo tiyiciŵa yejinji mpela luwundu lwa pa cilambo capasi, ticikusya malile ga yilambo yawo mbali syosope, kutandila kungopoko lyuŵa, kungapilo lyuŵa, kumpoto ni kum'mwela. Nipo tinape upile ŵandu ŵa mitundu josope kupitila mwa m'mwejo ni yisukulu yenu.

Nipo Malo gala ŵagapele lina lyakuti Beteli, nambo pandanda lina lya msindawo lyaliji Lusi.