Versets bíblics populars de Yaolhaq 16

Comparteix

Ngaq nail lavqkhoel bhai nul juq nee sal ovq nail phaq ya nia dai, nul juq bhai niail hai ge bhiq nail ngaol. Miltsaq kovtavq bhai, khoeq nail jiovq nail phaq bhai, nul juq ya daq nail ngaol. Thail hai ngaol-aoq, teevq peivq ail thaq gee sil. Miltsaq niil niai ngal gaq lai-aoq nail ngaol” dai, ge bhiq-a nail ngaol.

Thail hai ngaol-aoq, mal dil tsaq nail phaq phao daiq lavq nail gaq pevq nail Aqhaqlal Miqyail lee-u phao, tsaq nail daol nail yaoq phaq yaoq-ao nee, nul juq heeq nia lal dai, aivq hevq daiq lavq nail ngaol. Khul khi mail dai ngal-aq neq, aivq nail nee noeq neelov nee maq ge mail, Aqbhu Miqyail-i mail khal ge bhiq thaq nail phaq, nul juq bhai ge lavq khi, yaqhao pevq lal nail ganl juq bhai iqsanl, phao daiq lavq nail ngaol.

Yaq n n-gaol kev dai, ngaq nail aqmil nail lavqkhoel nee, nul juq teevq phaq iqsanl maq hal haq-al. Nul juq lavqkhiq tsail nail phaq teevq bhee teevq lovq ya dai, hal yaoq. Hal haq neq, ya nail ngaol” dai, ge bhiq-a nail ngaol.

Ngal nul juq bhai mal dil dai, ge lavq bhel. Ngal kovq lai nail neq, nul juq nail haqbhoil meeq jaiq nail ngaol. Khul khi mail dai ngal-aq neq, ngal maq kovq lai haq neq, Tsao jao-ai nail gaq nul juq jaol nail bha maq lee-ail. Ngal kovq lai haq neq, Tsao jao-ai nail gaq nul juq jaol nail bha khoel-ai leevq naol. Aivq kev lee-u phao, oeqbal nail ganl maqkhaiq, tsaq nail daol nail ganl maqkhaiq, yalkhaq dal nail ganl maqkhaiq, aivq miltsaq yaq bhai phao daiq bhiq nail ngaol.

Nul juq iqsanl, al hai dul nail ngaol. Niil aq-il nul juq ya noeq haq nail ngaol. Thail hai ngaol-aoq, ngal nul juq bhai gaoq moel-u phao, nul juq lavqkhiq tsail dee dee nail ngaol. Aq-u phao, nul juq nail lavqkhiq tsail nail phaq bhai, teevq gaq iqsanl, maq luv dov nia-ail. Aqn al n kev lee haq neq, nul juq ngaq bhai teevq phaq iqsanl, maq nal daiq lal yaoq-aol. Ngal nul juq bhai mal dil dai, ge lavq bhel. Ngaq nail aqmil lavqkhoel nee nul juq khal hal nail phaq, Aqbhu Miqyail bivq lavq nail ngaol.

Ngal nul juq bhai mal dil dai, ge lavq bhel. Nul juq ya nioil nail nee ovqtavq, nioil khaoq iqsanl ya khaoq nail ngaol. Thail hai ngaol-aoq, milkhaoq yaq juq lavqkhiq tsail nail ngaol. Nul juq neema haq aoq ya nl nail ngaol. Thail hai ngaol-aoq, nul juq-i mail noeq haq-a nail al, lavqkhiq tsail nail phaq pevq lal nail ngaol.