Versets bíblics populars de Matayo 23

Comparteix

Hama a bing'we ū ntaale wing'we h'ūyo akūbiza ntūmami wing'we.

Ose-ose ū wa kwigūngūhya wei ng'wenekīlī, akūdohelejiwa, alīyo ū wa kwidohya, ū ng'wene akūgūngūhiwa.”

“Mulī mu kwihīga a bing'we a balangi ba shilagīlo na Bafalisayo bibeeleja, nguno mukafunyaga īmò ya ng'wikūmi ya shikolo shido-do-do, gītī shisanjo sha mu shilīwa; alīyo ī mihayo mitaale ī ya mu malange, gītī kūlamula mu būtūngīlīja, na kūchīla shigongo, na kūzunya; ī yene mukīlekaga. Shing'wigeleelilwe kwīshikīlīja ī yenīyī, kwike nī yīngī īyo yaya ū kwīleka.

Mulī mu kwihīga a bing'we balangi ba shilagīlo na Bafalisayo bibeeleja, nguno mukiyoogelelejaga higūlya-gūlya gītī kooja shikombe na mabakuli, alīyo ū mu gatī ng'okalile wibi na kwikūmva kwabūbi.

“Yelusalemu, Yelusalemu, mūlagi o bahangi; bebe ūyo ūkabapondaga mawe abo ūkatūmīlagwa. Nashishaga nghangala jinga nakūmanagūgema kūbakuminga a baana bako, gīt'ūmo ngoko īkakumingīlaga zwiyū jayo yajibandīla mu manana gayo; alīyo ūtatogilwe!

H'ūmo mukabonekanīlaga ū kū banhū; a higūlya mulī batūngīlīja, alīyo ū mu gatī ng'okalile wibeeleja na būgomi!”