Versets bíblics populars de Matayo 24

Comparteix

Būtogwa bo banhū bingī būkūpola kūlwa nguno ya būgomi kongeja kūkwīla. Alīyo ūyo wiyūmīlīja kūshisha kū ngelelo, akūpīla.

Nīyo ī Nghūlū ja būtemi jenīji shiigelile jilomeelwe pye a hose ū mu sī, wilonge būkaanīji kū mahanga gose; hūna lūūlū ī ngelelo īkūshika.”

Hama mukwandya kūyigwa mabūlūgū na nghūlū ja mabūlūgū. Alīyo yaya ū kūfung'wa ngholó, ī yenīyo shiigelile ībize ho; kwike ī ngelelo īkūbiza ītaalī ū kūshika.

Nguno būkūbiza ho wiyūbūkīji ha gatī y'ihanga n'ihanga, na būtemi kū būtemi. Jikūyūdinghima nyahīnga, na kwilonga nzala mu mapandī mingī. Kwike pyī ī yenīyī īlī gītī wandījo wa kūlung'wa būsūngū dūhū.”

Ī ligūlū nī sī shikūbīta, alīyo ī mihayo yane ītīko kūjimīīla na hado yaya!”

Nguno bingī bakūyiza mu lina lyane, balīhaya gīkī, ‘Ū nene hū nalī Kilisto!’ Nīyo bakūhūbya banhū bingī.

“Na mukūyūlodeelwa ng'wayūluhiwa na kūbūlagwa. Nīyo pye a mahanga gakūmukolwa kūlwa nguno ya lina lyane. Hama bingī bakwipama, na bakūyilodeela kūlwa nguno ya kwikolwa benekīlī na benekīlī. Na bahangi bingī balomolomo bakwilonga, bayūbenheleja banhū bingī kwīnga ū mu nghana.

Ū Yesu ūshosha ūbawīla gīkī, “Ilanghanagi, munhū ose-ose atizūmulemba-lemba.

Nose lūūlū na a bing'we shing'wigeleelilwe kwikala nzūgūlū-matū, nguno ū Ng'wana wa Munhū akwiza ng'wikanza īlo mutūliganikīlaga.”

Na lūūlū ikalagi nzūgūlū-matū, nguno mutamanile ū Seeba wing'we akwiza lūshikū kī.

“Kwike atīho ūyo alūmanile ū lūshikū lwenūlo nī likanza; nūūlū a bamalaika ba ng'wigūlū batamanile, pyī nū Ng'wana; ūlū atī Baba wike.

Nguno bakwilonga bakilisto balomolomo, na bahangi balomolomo; nīyo bakūyoolecha maleeba mataale na mihayo ya kūkamaaja, gīkī ūlū yūdūlīkana babahūmbūūle na a basolwa.

Nguno ū kwiza kwa Ng'wana wa Munhū kūkūbiza gīt'ūmo īkajīla mu shikū ja ng'wa Noa. Ū mu shikū jenījo aho lyalī lītaalī kwiza ī lihūūma, balyaga na kūng'wa; hangī batoolaga na kūtoolwa, kūshisha mu lūshikū ūlo Noa akingīla mu ngalaba. Batachagūkile nose lyūbasanganīja ī lihūūma, lyūbapyagūla pye a bose. H'ūmo kūkūbizīla nū kwiza kwa Ng'wana wa Munhū!