Versets bíblics populars de Yauhas 11

Comparteix

Yexus hais rau Mathas hais tias, “Kuv yog txojkev sawv hauv qhov tuag rov qab los thiab yog txojsia. Tus uas ntseeg kuv, txawm yog nws tuag lawm los nws yeej yuav muaj txojsia; tus uas muaj sia nyob thiab ntseeg kuv, tus ntawd yuav tsis tuag ib zaug li. Koj puas ntseeg kuv tej lus no?”

Yexus hais rau Mathas hais tias, “Kuv puas tau hais rau koj tias yog koj ntseeg koj yeej yuav pom Vajtswv lub hwjchim xwb no?”

Yexus txawm quaj.

Thaum Yexus hnov li ntawd, nws hais tias, “Laxalus tus mob no yuav tsis ua rau Laxalus tuag, tiamsis Laxalus tus mob yuav ua rau Vajtswv tau koob meej thiab yuav ua rau Vajtswv tus Tub tau koob meej.”

Thaum Yexus hais li ntawd tas, nws txawm hu nrov nrov hais tias, “Laxalus, koj cia li tawm los!” Laxalus txawm tawm los, tej ntaub tseem qhwv nws tes taw thiab muaj ib daim ntaub npog nws lub ntsejmuag. Yexus hais rau lawv hais tias, “Nej cia li daws tej ntaub uas qhwv nws ntawd thiab cia nws mus.”

Yexus rov nyuaj siab kawg li, Yexus mus rau tom lub qhov ntxa uas luag txaug rau ntawm ib phab pobzeb thiab muaj ib daim txiag zeb npog lub rooj ntxas.

Tom qab uas Yexus hais li no tas lawm, nws rov hais tias, “Peb tus phoojywg Laxalus twb tsaug zog lawm, tiamsis kuv yuav mus tsa nws sawv.”