Versets bíblics populars de ATÜTSAR 6

Comparteix

Jükenüh Saküüwuowa nüh anyiri sanü azhih vü küsa ma luoveh mümhie nüh sa, küpakenühnyunü ma luoveh sakümsü küm kenüh.

Azhih vü anyiri khuke kümsü jisheh küm Saküüwuowa nüh ngura, thi mari luoveh lovü zanyokümshe aveh tü mükütuo wiethuoh nüh kümsü mpa müshe.

Thitü Noah tü Saküüwuowa tüvü külo ngura.

Hamari tü Noah küshukürari. Noah tü künyitsari küsü, ma küshuküra vü ma müshekümsü münyie; Noah tü Saküüwuowa sie nü rho.

Jükenüh VüWA nüh, “Azhih nyieh vü hi nüh saküsa anyiri vijam naveh, anyiri nga satü, asa nga satü, zhukütseri nga satü thi amürhü vü prükütse müwari nga aveh zoriem naveh, küpakenühnyunü hi nüh mari saküsa eh luoveh mümhiethuoh,” ti küza.

Nyiri tü azhih nyieh vü zhiteru ünü atsa nyimzari wuo nü mari vü tsü, Tülü vü kürho atsa nyimpari tü anyiri atsa nyimzari no nü aküzü ngura, jükenüh mari nüh kürüka kümjie vünüh mari za kheh. Thinü VüWA nüh, “Eh Sietse tü anyiri vü küsuokürho mküpehrathuoh, küpakenühnyunü ma tü asatsa küsa kenüh, thitü mari kürhora mahvi müzake nü mükeke mpa küüsanaveh,” ti küza. Jüma tsotho vü azhih vü anyiri tü kürajirasuo mpa rho, jüsevü nga VüWA atsa nyimpari tü anyira tsa nyimzari vile nü atsa wuo mari tsühü. Mari tü khana vü khrasheh nü rhoküruri, thi anyi jümari tü mari kütholah pehshe küruri.

Saküüwuowa nüh azhü momowa Noah vü tsü nüh ma nüh jümari aveh sakheh.

Jüti küsa vü Saküüwuowa nüh Noah vü, “Akürho aveh zoriekhenti müshemthuoh; küpakenühnyunü mari vünüh azhihwa tü küüjakünya küzhile kenüh, halie, hi nüh mazhihri zoriem nathuoh.

Athso kümhie nüh juhie küsü saluo; küshothuo hozake saluo, alovü nga alie vü nga anyi nüh zhetem luo.

Thinü Saküüwuowa nüh azhihwa no nü, “Halie, jüma tü kütsaküsüh kümsa; küpakenühnyunü azhih nyiehvü mari lehkhuji aveh tü kütsaküsüh küm kenüh,” ti küza

Thi asa ta küsa aveh akürho sieru juhie lovü sanaveh.