Versets bíblics populars de KADADIAN 6

Comparteix

menassanmi tu PUANG, belanna mangka umpadadi tolino untongkonni kuli’na padang sia iamoto tu umpatu’pe penaanNa.

Natiro PUANG tu kakadakeanna tolino lendu’ tongan kapuana, sia tontong bang kelok tu karangan inaanna

Apa iatu Nuh dikamasei dio mai oloNa PUANG.

Iamote tu ulelean diona Nuh. Iatu Nuh misa’ to malambu’ penaanna sia tae’ sayuanna dio mintu’na tau attu iato, na iatu Nuh la’ka’ bang lako Puang Matua.

Ma’kadami tu PUANG kumua: la Kusabu’i lan mai lino tu tolino mangka Kupadadi, la tolino la patuoan sia olo’-olo’ mendonglo’, sia manuk-manuk dao lu langi’ belanna menassanMo’ mangka ungkombongi tu mintu’iannato.

Iatonna sakerangngan-rangngannamo tu bilanganna tolino lan telino sia budamo pia baine nadadian, natiromi anak Puang Matua tu baine bati’ tolino, kumua melo tu pantarisanna, anna pobainei minda-minda tu naala penaanna. Ma’kadami tu PUANG: Iatu PenaangKu tae’ na la tontong bang lan kale tolino, belanna patengkan sia inang pa’kalean siamo; la saratu’ duangpulomora taunna tempona tu tolino! Attu iato den tu tau lan lino kalando kapua naundinnato, tonna rampeimi anak Puang Matua tu baine bati’ tolino, napadadiammi bati’: iamote tu lalong sia kalelean tu sanganna tonna lino dolo.

Napogau’mi Nuh tu mintu’ apa Napasan Puang Matua lako kalena, susimoto napogau’.

Iamoto anNa ma’kada tu Puang Matua lako Nuh kumua: Nalambi’mo tu ma’katampakanna mintu’ tolino situru’ pangra’ta’Ku, belanna ia te lino naponnoimo kamasa’garan. Tonganna la Kusabu’i tu tau iato mai sola te lino!

Garagako misa’ lembang kayu gopiri; la musapa’-sapa’ sia la mupi’da’ tu lanna lu sia salianna.

Natiromi Puang Matua te lino, tonganna kadake liumo, belanna mintu’ kepenaanna umbala’-bala’mo lalanna lan te lino.

Iatu mintu’ kepenaanna iamotu mintu’ angge menono’ sida’dua, misa’ laki na misa’ birang la mupatama lembang la dikarimmanni tu sunga’na sola iko.