Versets bíblics populars de Yauhaas 2

Comparteix

Yexus ua thawjzag txujci tseemceeb nuav nyob huv lub zog Kanas kws yog huv xeev Kalilais; Nwg tau nthuav txug Nwg tug tshwjchim, hab Nwg cov thwjtim ntseeg Nwg.

Yexus teb tas, “Tsi taag koj yuav has kuas Kuv ua dlaabtsi le, tseem tsi tau txug Kuv lub sijhawm.”

Yexus has rua cov tubqhe has tas, “Mej moog nqaa dlej lug laub kuas puv cov hub nuav.” Tes puab txawm moog nqaa dlej lug laub puvnkaus rua cov hub ntawd, hab Yexus has rua puab tas, “Mej has mivntsiv dlej nqaa moog rua tug kws saib lub rooj nojhaus nuav.” Puab txawm has mivntsiv dlej nqaa moog rua nwg.

Yexus teb tas, “Muab lub Tuamtsev nuav rhuav povtseg, hab peb nub xwb Kuv yuav rov ua tau dlua ib lub tshab.”

Tes Yexus txawm muab ib cov hlua lug ntswj kag ua ib raab nplawm lawv taagnrho puab tej tsaj, tsi has tej nyuj hab tej yaaj tawm ntawm lub Tuamtsev moog; Nwg muab cov tuabneeg pauv nyaj tej rooj ntxeev pis hlo ua rua puab tej nyaj npib poob dlawb vog; hab Nwg has rua cov tuabneeg muag nquab has tas, “Mej cale nqaa mej tej nquab tawm ntawm nuav moog! Tseg kag tsi xob tuaj muab kuv Txiv lub tsev ua qhov chaw ua laagluam!”