Versets bíblics populars de Johan 16

Comparteix

Nang ce lä Kai hai aesui kha awngneng hethang tähang hini phüng na Kai thui pyng te vi dy. Nang ce lä älawngpre-a mätangca saite na aeting ö vi ai. Tungaila aethaw aela kha awng ö. Kai lä älawngpre tea bäja te vi dy” näkha näpa.

Tungaila Säthaw üng älo mitang phüng mätu saite Muilaw Käcai tyng ea lä, nang ce tea älo mitang angxynlyng phüng na täphawng pa ai mang. Honi Muilaw Käcai lä äma ngai te kätyng-a thui he y. Äma thai saite phüng na ni nang ce tea thui hethang kae. Ämaw mang üng phüng na äni ma nang ce tea thui rüng vi ai.

Vaihi khytä nang ce lä Kai üng ämüng hai-a, äte haetä la mäkai ö y vi rawng. Mäkai ö. Nang ce dang ö ai mang. Tukha nang ce üng anghawtho te cungrü hai pa ai.

Tängai ö, Kai vawi te lä nang ce tähang hawiky te vi. Kai vawi y dylä nang ce tea säbawng saite Kung lä tyng y lyng. Kai ly kha Muilaw Käcai bung nang ce tea mätaw ai mang. Honi Muilaw Käcai cäqa te kätü-a, älawng üng khimi na tea hunghö sa saite phüng täphawng pa ai. Khimi ce lä Säthaw üng cüng saite phüng dawng tämang te na tea täphawng ai. Säthaw ma tärae cei saite phüng na la täphawng pa ai mang.

Hini kätyng-a nang ce lä vaihi bälung mawng üngsüng ö te vi dy. Tungaila Kai lä nang ce hai aeting haile tyng te kätü-a, nang ce lä anghawtho ö vi ai. Nang ce üng anghawtho saite lä ämi khimi ma la, lawngja haw y lyng. “Honi käni-a nang ce lä kai tea äte la mäkai ö y vi ai. Tängai ö. Kai üng ämüng hai-a nang ce mäkai saite angxynlyng na lä Pä-ai ma py ai mang.

“Tängai ö, nang ce lä rawpi te kätü-a älawng üng khimi na lä anghawtho ö vi ai. Nang ce lä bälungsi ngaila, honi bälungsi saite lä bälung anghawtho saite na-a lawng ö vi ai mang.