Versets bíblics populars de John 10

Comparteix

Chimutisk takushinuu mikw chechii kachemutit maak chechii nipahiiwet maak chechii waanachihiiwet. Niya maak wii nichii takushin chechii miiweyaan an pimaatisiiwin anit ekaa wiiskaat nuuhtepayihch chekwaan.”

“Niya eukw maanishchaanishuiinuu kaa miyu kanuweyimaat umaanishchaanishimh. An awen kaa miyu kanuweyimaat umaanishchaanishimh chika pachishtinam upimaatisiiwin aniyuu umaanishchaanishimh chechii uhchi pimaachihuyich.

Nituhtamuch nipehtaakusuwiniyuu nimaanishchaanishimach. Kaye maak nichischeyimaauch, ekw maak piyechi nuushuushkuutwaau.

Nimiyaauch kaachiche pimaatisiiwiniyuu, namui maak wiiskaat chika uhchi nisuunaatisiyuuch. Kaye maak namui awen nika chii miskamukw e tahkunamach.

Niya eukw ishkwaahtem. An awen niya e ihtaauch kaa uhchi piihchet chika pimaachihuu. Taapwe chika wiihkuchihuu an awen kaye taapwe chika miyeyimuu.

Niya eukw maanishchaanishuiinuu kaa miyu kanuweyimaat umaanishchaanishimh. Nichischeyimaauch nimaanishchaanishimach anichii kaa tipiyeusiyaan kaye maak wiyawaau nichischeyimakuch

Nuuhtaawii, an kaa pechi miit uyuu maanishchaanisha, eukw maauch chesteyihtaakusit. Namui maak aweyuuh ihtaayuuh chechii miskamikut uyuuh maanishchaanisha e tahkunaat. Niya ekw maak Nuuhtaawii nipeyakunaan.”

mwehch e ishi chischeyimit Uhtaawiimaau kaye maak niya e ishi chischeyimak. Mitun maak nititeyihtamihiikuwaan chechii pachishtinisuuch chechii nipahiikuuch wiyawaau uhchi anichii nimaanishchaanishimach.

Namui awen nika chii nipahiikw chiishpin eshkw ekaa utihchipayiyiche taanit che pachishteyimisuuch chechii nipahiikuuch. Nichii miikuun suuhkaatisiiwin chechii pachishteyimisuyaan chechii nipahiikuyaan kaye nichii miikuun suuhkaatisiiwin miin chechii pimaatisiyaan. Nuuhtaawii uyuu kaa itashumit chechii ihtuuch.”

Ekw maak Jesus miin kaa itaat, “Kuiskw chiwiihtamaatinaawaau, niya eukw ishkwaahtem anite wehchi piihchetwaau kaye anite wehchi wiiwiitwaau anichii maanishchaanishach.

Ekw an mikw kaa utaaskunaakanuut chechii kanuweyimaat aniyuu maanishchaanisha ekaa maak chihchiwe maanishchaanishuiinuut, ekaa tipiyeusiit aniyuu maanishchaanishah ushimuu iskutak wiyaapamaach mahiihkan e takushiniyich. Ekw aniyuuh mahiihkanh kuywaaskuhtutawaayich peyakw aniyuuh maanishchaanisha ekw e paahpiwepahiituyich e ushimuyich aniyuuh kutak maanishchaanisha.

“Kuiskw chiwiihtamaatinaawaau, awen e chimutiskuut namui anite e ishkwaahtemuuniyich maanishchaanishikamikuyuu uhchi piihcheu. Aahchiiuh anite uhchi paastaahtawiyuu e wii piihchet.