Versets bíblics populars de John 14

Comparteix

“kitōtātināwāw kita-ayāyēk pēyahtakēyimowin kitēhiwāhk; pēyakwan nīsta pēyahtakēyimowin kā‑ayāyān nitēhihk. namōya kitōtātināwāw kita-ayāyēk ōma pēyāhtakēyimowin pēyakwan ōta askīhk kā‑isi-mēkicik ayisiyiniwak. ēkāya mikoskātēyihtamok ēkāya kostamok ōma kā‑wī-ispayik.

Jesus ōmisi itēw ēsa, “hāw, niya ōma mēskanaw, tāpwēwinihk ē‑itamok, itē ayisiyiniwak pimātisiwin kā‑miyikocik. niya piko mēskanaw kā‑itamok nohtāwiy isi.

“ēkāya mikoskātēyihtamok kitēhiwāhk,” itēw ēsa Jesus. “mamisītotāhk kisē-manitow, ēkwa nīsta mamisītotawik.

ohtāwīmāw kita-pē-isitisahwēw wīcohkamākēw kā‑kanātisiyit ahcāhkwa niwīhowinihk kita-kiskinohamākoyēk kahkiyaw kīkway kita-ohci-kiskisiyēk ōma kā‑wīhtamātakok.

“kīspin awiyak nanahihtahki niwiyasiwēwina ēwako ēsa kā‑sākihit. awiyak sākihici ēwakoni nohtāwiy kita-sākihēw; nīsta nika-sākihāw ēkwa nika-kiskēyihtamōhāw awīna niya.”

nika-kakwēcimāw ohtāwīmāw kita-miyikoyēk kotak wīcohkamākēwa ka‑kisātikoyēk kākikē. ēwako ahcāhk kā‑wāpahtihāt ayisiyiniwa tāpwēwin kisē-manitowa ohci. ayisiyiniwak ōta askīhk namōya kī‑miyo-otinēwak ayisk ēkāya ē‑kī-wāpamācik ahpō ēkāya ē‑kiskēyimācik. māka kiyawāw kikiskēyimāwāw ayisk kikisātikowāw ēkwa kika-wīcēkowāw.

kīkway nitawēyihtamēko niwīhowinihk ohci nika-tōtēn, ēkosi nohtāwiy okistēyihtākosiwin kita-wāpahtihiwēt okosisimāwa ohci. kīspin natotamāyēko kīkway niwīhowinihk ohci nika-tōtēn.”

kīspin kisākihināwāw kika-nanahihtēnāwāw niwiyasiwēwina.

misi-tawāw ita kita-ayāyēk nohtāwiy owāskāhikanihk. niwī-nitawi-kwayācihtān ita kita-ayāyēk. namōya kika-wīhtamātināwāw kīspin ēkāya ēkosi kita-ihkihk.

wiya ē‑wī-nitawi-kwayācihtamātakok ita kita-ayāyēk, kīhtwām mīna nika-pē-takohtān. ēkosi kika-itakimitināwāw kita-wīcēwiyēk, ēkosi kika-ayānāwāw ita kā‑wī-ayāyān.

Thomas ōmisi itēw ēsa, “hāw, namōya nikiskēyihtēnān tānitē ē‑wī-itohtēyan; ēkosi tānisi kita-kī-isi-kiskēyihtamāhk tānima mēskanaw kita-itohtahikoyāhk ēkotē?”