Versets bíblics populars de Mbombo sa Vasungʼhua 5

Comparteix

ɄPeteli na vasungʼhua avange vakamʉla vakati, “Tʉnoghiile kʉkʉmpʉlɨka ʉNgʉlʉve, kukila kʉkʉmpʉlɨka ʉmuunhu!

Neke navakavʉhɨɨla kuvʉlanɨsia na kupʉlɨsia ɨMhola ɨNofu kuuti ʉYesu ghwe Kɨlɨsite. Jaatu vakavombagha isio mʉ nyumba ɨnyɨmɨke ɨja kufunyila na mʉ nyumba isa vɨtɨki.

Neke ʉPeteli akamposia akati, “Anania! Kɨki ʉmwɨtiike ʉSetano akʉlongosie kujova ʉvʉdesi kwa Mhepo ʉMwɨmɨke? Indalama sino ʉkavile, simonga ʉfisile! Ye ʉkyale kughʉsia ʉmʉghʉnda, ghʉkaale ghwako. Nambe ye ʉghʉsisie, indalama sino ghwʉpiile siveele mʉ vʉlamʉsi vwako. Lɨno, kɨki ʉlamwile mʉ mwojo ghwako kuvomba enendɨɨkɨ? Nʉnsyangile muunhu, looli ʉnsyangile ʉNgʉlʉve!” ɄAnania ye apʉliike amasio aghuo, akaghua na kufua pala pala. Avaanhu vooni vano valyapʉliike ɨmhola ɨjio, lʉkavakola ʉlʉdwesi.

Lɨno nɨkʉvavʉʉla kuuti, mʉleke pikʉvahɨgha avaanhu ava, mʉvaleke valʉtaghe. Ʉlwakʉva nave imbombo sino vivomba sihʉmile kwa muunhu, navangafike poonu, looli nave sa Ngʉlʉve namʉngaghele kʉkʉvasigha. Mʉlolaghe vʉnono, ndepoonu muvona mulua nʉ Ngʉlʉve.”