Versets bíblics populars de लूका 8

Comparteix

दिलेया छ्याँबै सर तेबै प्‍लु चुन् ग: खाबइ परमेश्‍वरए ताँ थेसि छेनाले खोंर थेंमुँ। धै चए फिर तोइ तखलेया सैदिसि ल्हें रोमैं रोम्।”

छलेन पुजु मुँबै क्‍ल्‍ह्‍योर तेबै प्‍लु चुन् ग: खाबइ परमेश्‍वरए ताँ थेमुँ। दिलेया लिउँइँ चु छ्ह खैले थोब् ङ्‍हे बिसि न्‍हुँ लमुँ धै सम्‍पति खैले योंब् ङ्‍हे बिसि ह्‍युलर्बै सैमैंर सैं ह्‍यासि चमैंए बिश्‍वास म्‍हयाम्। छतमा चमैं भोंसि आत।

झाइले गेगरर तेबै प्‍लु चुन् ग: खाबइ परमेश्‍वरए ताँ थेसि सैं तों-तोंइ क्‍वेंम्। दिलेया चमैंए जरा आत। छतसि चमैंइ तिस्याँदे मत्‍त्रे च ताँ क्वेंम्, तलेबिस्याँ ह्रोंसए फिर दुःखमैं तमा बिब् धों आतमा चमैंइ पिवाम्।

झाइले येशूजी खीए चेलामैंने बिइ, “क्‍हेमैंए बिश्‍वास खनि ह्‍याइ?” चमैं ङ्हिंसि प्लेटोयाइ धै खें-खेंमैं न्होंर “चु म्हि खाब् मुँगे? नाँ खैं नेरो क्युए भेल्गालाज्यै या खीजी च्याँ तयाद् बिमा चमैंज्यै या खीजी बिब ङिंब!” बिबर होंइ।

घ्‍याँर तेबै प्‍लु चुन् ग: परमेश्‍वरए ताँ थेब्मैंइ आक्वेंरिगे धै चमैं जोगेल् आयोंरिगे बिसि दुष्‍ट बिबै सै खसि चमैंइ थेबै ताँ ताँन् युनन् म्‍लेल् लवाम् धै क्वेंल् आपिं।

तो सै या लोइरि थेंल् आँखाँ, लोथेंइरि आम्रोंबै सै तोइ आरे। छलेन लोथेंबै ताँमैं तो मुँलेया लिउँइँ खन्तोंदोंन् थेनेसि ताँनइ सेम्।

च्हौ तसेरो तारे लोइ टिरिब आतमना बिब् सेसि च च्हमिरि ङ्हिंसि त्हारदै खीए ओंसों पत्खु तइ। चइ येशूलाइ तले छुइ, धै छुइबै तोदोंन् खी खैले सइ बिबै तोन्दोंरि ताँ म्‍हिमैंए उँइँर बिइ। येशूजी च च्हमिरिने बिइ, “ओ च्हमिच्‍यों, क्‍हिए बिश्‍वासइ लमा क्हि सयाइमुँ, छतसि छिं ङ्हाँन्ले ह्‍याद्।”

झाइले चेलामैं येशू ङाँर खसि “ओ गुरु, ङ्योम् क्युर प्ल्हुँसि सिबर होंइ,” बिदै खीलाइ छोरवाइ। छबिमा येशू रेसि नाँ खैं नेरो क्‍युए भेल्‍गा हौदिइ। छले हौदिमा नाँ खैं नेरो क्युए भेल्गा च्याँ तयाइ।