Versets bíblics populars de यूहन्‍ना 16

Comparteix

आव पाँ भरी जे ङास लिद जेयुँ होलाँ ओताक लिद ङ़ादा ज़ है दाद ङानैचिए। जे आव मानुवात दुखर वाज़ दैन्‍या जेले। हितावत ब जेयुँर तासतेच्‍यो, ङा आव मानुवालाई हारैद ङानै,” है यादोक्‍यो।

नो छैंव पुरूस उहुवत वाज़ नोए ज़ साचो पाँर थ·रैव परींद पैचिरिज़्‍याव। नोए ओल उयुँ स्‍यानी सिर्जैसिउ पाँर पाँन्‍या माले, ओथैव वाज़ पाँन्‍या ले। नोए ज़ हुन्‍या पाँर ब सतैंद्यान्‍या ले।

आःपै ते जे ङामिननी काता ज़ जेमाऩिताए। अबकिन ते ऩिचिकेदा दैन्‍या जेले। हो ताकिन ची जेरेंत ब सयो·द्यान्‍या ले।”

खाली ङा साचो ज़ है ङादाचिज़्‍या, ङा आनी बान्‍या जेलाई पाथ लिज़्‍या। ङा आनी ङामाबाकिन जेलाई सघैन्‍या छैंव पुरूस हुन्‍या माले। ङा ङाबावत वाज़ नोलाई परींद ङायाचिरिज़्‍या। नो उहुवत आव मानुवाताव मिँरालाई यापाप सतैंद्याद, परमेस्‍वरए ओन्‍याय स़ोनो ओसजा आव ज़ लिद थ·रैद याएरिज़्‍याव।

हिताव ज़ जे मनी छ्यावा पै वाज़ सोगो दान्‍या जेले। फरी जेस ङादैसिउत जेयुँर होलाँ ताद रेंन्‍या जेले। नो जेरेंत सुए ज़ जेनी नैद लाँधुन्‍या मालेर। नो बेला उहुवत जे ङालाई सुधिउ परिन्‍या माले। ङा जेलाई साचो है ङादाचिज़्‍या, ङामिननी जो जेऩिदी ब ङाबाबुए नो याचिरिज़्‍याव।

नोए जूँनी साचो ज़ है ङादाचिज़्‍या, आव पाँत जे ते जेसोगोए चिर्लनी बिर्ल घर्न्‍या जेले, मानुवाताव मिँर ते बनै रेंन्‍या लेर। खाली नो जेसोगो रेंतल त़ोसिरिज़्‍या।