Versets bíblics populars de युहुन्‍ना 16

Comparteix

इङ्‌गाॽओ खिनिॽ सनारुङ् के़घोसुम्‍लरो फाॽआङ् कन् के़रे़क् पाःन्‍हाॽ मे़त्‍निङ्‌ङाङ् वाॽआरो॥ कन् इक्‍सादिङ् खाम्‍बेःक्‍मो यरिक् इनोगे़न् तुक्‍खेहाॽ के़दुमुम्‍लो॥ कर हाङ्‌हाङ् लॽरे़म्‍मे़ॽओ, थेआङ्‌भे़ल्‍ले़ इङ्‌गाॽ कन् इक्‍सादिङ् खाम्‍बेःक्‍मान् नाःन्‍दुङ्‌ङाङ् वाॽआरो॥”

कर से़क्‍खाओ लाम्‍गे़लोबा सेसेमाङ्‌ङिन् युआङ् काक् से़क्‍खाओ लाम्‍गे़लोसिॽ हे़क्‍क्‍याङ् खुने़ॽग आबाङे कुबाःन्‍हाॽ थेआङ् मे़बाःत्तुन्‍लो, कर खे़प्‍सुबा पाःन्‍हाॽरक् खिनिॽ के़मे़त्तिॽ हे़क्‍क्‍याङ् ताःन्‍दि के़बोङ्‌बा पाःन्‍हाॽ के़मे़त्तिॽरो॥

आल्‍लो थारिक् अक्‍खेलॽरिक् आमिङ्‌ङो थेआङ् मे़न्‍नाःक्‍के के़वयिॽरो॥ खिनिॽ नाःक्‍ते़म्‍मे़ॽ हे़क्‍क्‍याङ् के़घोसुम्‍माङ् के़सःत्तिॽरो॥

कर इङ्‌गाॽ से़क्‍खान् मे़त्‍निङ्, इङ्‌गाॽग पेःक्‍काबान्‍ने खिनिॽ लागि नुबा पोङ्‌लो, थेआङ्‌भे़ल्‍ले़ इङ्‌गाॽ मे़बेःक्‍कान्‍ने़ फाॽग्र कुभाॽ के़बिबा सेसेमाङ्‌ङिन् खिनिॽओ मे़युने़न्‍लो, कर इङ्‌गाॽ पेःक्‍काआङ् खुने़ॽ खिनिॽओ पाङ्‌घुङ् युःसुङ्‌लो॥ खुने़ॽ युःआङ् इक्‍सादिङ् खाम्‍बेःक्‍मोबा मे़न्‍छाम्‍गे़न् याप्‍मिहाॽरे़ खुनिॽ लायोरे़ कुयाःम्‍बेओ, निङ्‌वाॽफुमाङ्‌ङिल्‍ले़ कुसाम्‌योनिमान् हे़क्‍क्‍याङ् कुघासे़न्‍निल्‍ले़ कुयाःम्‍बेओ पिर्बेःन् मे़इःत्तुबा पाःन्‍निन् ओसेःन्‍धाक्‍तुसिॽरो॥

खिनिॽ लागिआङ् बाहे़क्‍के पोङ्—आल्‍लोग मे़रिङ् के़धक्‍तिॽ, कर इङ्‌गाॽ याम्‍मो खिनिॽ तुम्‍से़ ताआल्‍ले़ खिनिॽ के़सःत्तिॽरो हे़क्‍क्‍याङ् आत्तिल्‍ले़आङ् खिनिॽ सःप्‍मान् नाप्‍माआङ् तेॽमा के़न्‍छुक्‍तिन्‍लो॥ खे़न् ये़न्‍नो खिनिॽ थेआङ् याप्‍मि सेःन्‍गे़न्‍दोसिन्‍लो॥ इङ्‌गाॽ से़क्‍खाए मे़त्‍निङ्, आमिङ्‌ङो थे के़नाःक्‍तुम्‍साङ् पानुदिङ् आम्‍बारे़ के़बिरिॽरो॥

इङ्‌गाॽ से़क्‍खाए मे़त्‍निङ्, खिनिॽ के़हाबिॽ, मे़रिङ् के़धक्‍तिॽ, कर इक्‍सादिङ् खाम्‍बेःक्‍मोबाहाॽग मे़सःत्‍लो॥ खिनिॽ मे़रिङ् के़धक्‍तिॽ, कर खिनिॽ मे़रिङ् थक्‍माङ्‌ग सःप्‍माओ ले़ङ्‌लो॥