Versets bíblics populars de Iruo rẹ Iyinkọn na 1

Comparteix

Ẹkẹvuọvo ovwan che vwo ẹgba siẹ rẹ Ẹrhi Ọfuanfon na de bru ovwan rhe nu; ovwan ke cha dia iseri mẹ vwi Jerusalẹm, vwi Judia, vẹ Sameria, rhiri re te oba rẹ akpọ na.

Ọ da ta kẹ ayen nẹ, O fori rẹ ovwan vwọ riẹn ẹdẹ na-a eyẹ ọke na-a jokpa rẹ Ọsẹ na ọvo rọ vwẹ ogangan yena kẹ oma rọye.

Re ayen rhi vwo koko asan ọvo re ọ da ta kẹ ayen nẹ ayen jowọ nẹ Jerusalẹm na-a ẹkẹvuọvo ayen gba hẹrhẹ ive rẹ Ọsẹ na, rọ tare, rẹ ovwan nyo mie vwe na. Fikiridie Jọn ghine vwẹ ame kẹ ihwo ẹkẹvuọvo o rhe kri tavwe rọ ke cha vwẹ Erhi Ọfuanfon họ ovwa-an.

O da vwẹ oma rọye phia kẹ ayen kere ẹdẹ ujuvẹ, o de dje kẹ ayen emu buebu rọ reoja kẹ rere ovwo se mu ayen ẹro, ode yono ayen emu buebu kpahe uvie rẹ Ọghẹnẹ.

Rọ vwọ ta eta nana nu, rẹ ayen vwọ tẹrovio a da reyọ kpenu, egho na de rhurho.

Rẹ ayen vwo no rọ vwọ yanran kpenu, na, nighe, ihwo ivẹ vẹ emwa efuanfon de mudia kẹrẹ ayen. Ayen da ta, Ihwo ri Galili, die ovwan vwo ni obenu? Jesu ọvuọvo nana, ro kpo obo odjuvwu na, ọ je rhoma cha kirobo rẹ ovwan mrẹrẹ rọ vwọ yanran kpo odjuvwu na.