Versets bíblics populars de Jọn 21

Comparteix

Ọke rẹ ayen vwọ re emu nu, Jesu da ta kẹ Saimọn Pita, Saimọn, ọmọ ri Jọn, wọ guọnọ ovwẹ nọ enana? Ọ da ta kẹ, E, Ọrovwohwo; Wọ riẹnre nẹ me guọnọ owẹ. Ọ da ta kẹ, Ghẹrẹ imigegede mẹ. O da ta kẹ obọ rivẹ, Saimọn, ọmọ ri Jọn, wọ guọnọ ovwẹ? Ọ da ta kẹ, E, Ọrovwohwo; wọ riẹnre nẹ me guọnọ owẹ. Ọ da ta kẹ, Sẹro rẹ igegede mẹ. Ọ da ta kẹ obọ rerha, Saimọn, ọmọ ri Jọn, wọ guọnọ ovwẹ? Ophu de mu Pita rọ vwọ nọ asiarha gbagba nẹ, Wọ guọnọ ovwẹ? Ọ da ta kẹ, Ọrovwohwo, wọ riẹn emu ejobi re; wọ riẹnre nẹ me guọnọ owẹ. Jesu da ta kẹ, Ghẹrẹ igegede mẹ.

Uyota, uyota, me ta kẹ wẹ, ru wẹ vwẹ hẹ ọmọha, wẹ ọvo ri rhuo oma wẹn wo mi kpo asan ro je we; ẹkẹvuọvo wọ da rha ghworo, ku wọ riẹn abọ wẹn, ohwo ọfa ko rhuo we kọ ghwa wẹ kpo asan wọ guọnọ ra-a.

Ọ da ta kẹ ayen, Fa ariri na phihọ obọrhe rẹ okọ na, ku we hwe emevo. Ọtiọye na ayen da fa phihọ, asakiephana ayen gbe sa ghwiẹ reyọ-ọ, kidie iyeri buebu muro.

Saimọn Pita da ta kẹ ayen, Mi kpo okọn rẹ iyeri. Ayen da ta kẹ, Avwanre vẹ owẹ ra. Ayen da yanran ra ro okọ na; ẹkẹvuọvo ason yena ayen hwe emuọvo-o.