Versets bíblics populars de Jọn 16

Comparteix

Me ta ọnana kẹ ovwan nẹ, vwẹ oma mẹ ovwan ki vwo ufuoma. Vwẹ akpọ na ovwan mrẹ ukpokpogho; ẹkẹvuọvo ghọghọ, mi phi akpọ na kpare obọ nure.

Ọke rẹ Erhi rẹ uyota na da rhe, ko che sun ovwan vwọ riẹn uyota na ejobi; kidie ọ cha vwẹ ogangan rẹ obọ rọye ta ota-a, ẹkẹvuọvo kemu kemu ro nyori ọye ọ cha ta, o che dje imu re cha vwobọ kẹ ovwan.

Rhi te ọke nana ovwan je nọ emuọvo vwẹ odẹ mẹ-ẹ; nọ, kẹ ovwan mrẹ reyọ, rere aghọghọ rẹ ovwan vwọ vọn.

Dede na uyota na me ta kẹ ovwan: oyovwi kẹ ovwan nẹ me yanran, kidie me gbe yanran, Obruche na gbi bru ovwan rhe-e; ẹkẹvuọvo me da yanran, ki mi jo bru ovwan rhe. Ọke rọ da rhe, kọ cha nẹrhẹ umwemwu kugbe ọvwata kugbe ẹdjọeguo mu akpọ na ẹro.

Ọtiọye na ovwan ke mrẹ odjadja vwẹ asakiephana, ẹkẹvuọvo me cha rhoma mrẹ ovwan udu rẹ ovwan kọ ghọghọ, ohwo ọvnovo gbi se mie ovwan aghọghọ yena-a. Vwẹ ẹdẹ yena ovwan gbe cha nọ vwẹ enanọ-ọ. Uyota, uyota, me ta kẹ ovwan, ovwan da nọ kemu kemu vwẹ obọ rẹ Ọsẹ na, kọ vwọ kẹ ovwan vwẹ odẹ mẹ.

Uyota, uyota, me ta kẹ ovwan, ovwan cha viẹ ovwan che vwere oma, ẹkẹvuọvo akpọ na cha ghọghọ; ọ cha da ovwan gangan, ẹkẹvuọvo ọdavwẹ rẹ ovwan che hirhe phihọ aghọghọ.