Versets bíblics populars de JUAN 1

Comparteix

Maijanpish paita chasquishpa, paipaj Shutipi crijcunataca tucuicunatami Taita Diospaj huahuacunata rurarca.

Taita Dios imatapish manaraj rurajpimi Rimashca Shutica ña tiyarca. Rimashca Shutica Taita Dioshuanmi carca. Rimashca Shutica Taita Diosllatajmi carca.

Chai luzmi amsataca achijyachin, amsaca chai luztaca mana amsayachi tucunchu.

Taita Diospaj Rimaica, aichayujmi tucurca. Paica ñucanchij chaupipimi causarca. Paitaca Yaya shinallataj sumaj cajtami ricurcanchij. Mana c'uyaipajta c'uyaj canahuan, mana llullahuan jundami carca.

Tucui imalla tiyajcunataca, paihuanmi rurarca. Tucui imatapish paillahuantajmi rurarca. Paipimi causaica tiyarca. Chai causaimi, runacunapaj luz carca.

Chai cayandij punllami Juanca, Jesús paipajman shamucujta ricushpa cashna nirca: –¡Caimari cai pachapi causajcunapaj juchata anchuchij Taita Diospaj malta Ovejaca!

Cai pachataca Taita Diosca Rimai Shutihuan tucushpami rurarca. Cai pachapi causajcunaca pai rurashca cashpapish paitaca mana rijsircacunachu. Paipaj cajcunapajmanmi shamurca. Ashtahuanpish paipaj cajcunaca mana chasquircacunachu.

Tucui gentecunata achijyachijtaj luzca, cai pachapica ñami ricurigrirca.

Mandashcataca Moisesmanmi huillachirca. Ashtahuanpish mana c'uyaipajta c'uyaica, mana llullaca, Jesucristomantami shamurca.