Versets bíblics populars de JUAN 2

Comparteix

Jesusca Galileapi caj Caná pueblopimi, milagrota ruranataca callarirca. Paica tucuita rurai tucuj cashcata chaipi ricuchijpimi, paipaj yachacujcunaca paita crircacuna.

Jesusca: –Mama, ¿ima nishpataj chashnaca ningui? Ñuca ruranata callarina horasca manaraj chayamushcachu– nirca.

Jesusca servijcunataca: –Cai p'unducunapi yacuta jundachichij– nijpimi, paicunaca jundachircacuna. Ña jundachijpimi Jesusca servijcunataca: –Cunanca ashata huishishpa, alhuajanoman cugrichij– nijpimi paicunaca cugrircacuna.

Jesusca: –Cai Taita Diospaj huasita urmachichij. Q'uimsa punllapica shayachishallami– nirca.

Taita Diospaj huasi ucupi chaita ricushpaca, huascata azotinata rurashpami azotishpa tucuicunata ovejacunandij, huagracunandij canllaman llujshichirca. Cullquita cambiajcunapaj mizacunatapish t'angashpa shitashpami, tucui paicunapaj cullquitapish pambaman tsirapashpa shitarca. Palomacunata c'atujcunataca: –¡Caicunata caimanta anchuchichij! ¡Ñuca Yayapaj huasitaca ama c'atuna, randina huasita ruraichijchu!– nircami.