Versets bíblics populars de Juan 16

Comparteix

<<Llapan kaykunatam willayashkaq noqaman creyikamur alli kawayänaykipaq. Kay patsachö kawakuyanqaykiyaqqa sufriyankiraqmi. Peru tsaynö sufrirpis valorakuyay. Noqam kay patsachö llapan mana allikunata vencishkä>>.

Peru rasun kaqta tantiyatsikuq Espíritu Santu shamurmi sïqa Diospa willakuyninta llapanta tantiyatsiyäshunki. Payqa manam kikinpa yarpayllanpitatsu tantiyatsiyäshunki, sinöqa ninqäkunallatam. Tsaynöllam ima päsananpaq kaqkunatapis tantiyatsiyäshunki.

Noqapa shutïchö manam Taytäta imatapis mañakuyankiraqtsu. Kananpitaqa shutïchö mañakuyay. Mañakurqa chaskiyankim. Tsaynöpam alläpa kushikuyanki.

Rasun kaqtam niyaq: Qamkunapaqmi mas alli noqa aywakuptï. Mana aywakuptïqa Yanapakuq Espíritu Santu manam shamunqatsu. Peru aywakurmi sïqa payta kachamushaq. <<Espíritu Santu shamurnam runakunata tantiyatsinqa jutsayuq kayanqanta, Dios Yaya munanqannö kawayänanpaq kanqanta y juzgashqa kayänanpaq kanqanta.

Tsaynöllam qamkunapis kanan llakikurpis yapay tinkuskishqa kushikuyanki. Tsay kushikuytaqa manam pipis qechuyäshunkitsu. Yapay tinkushqaqa mananam imatapis tapuyämankinatsu. <<Rasun kaqtam niyaq: Shutïchö imatapis mañakuyanqaykitam Taytä qarayäshunki.

Rasun kaqtam niyaq: Aywakuptïmi Diosta mana cäsuq runakuna kushikuyanqa. Peru qamkunam sïqa llakikur waqayanki. Tsaynö llakikurpis tsaypitaraqmi kushikuyanki.