Versets bíblics populars de Sant Jan 11

Comparteix

Ié diguè Jèsu: Iéu siéu la resurreicioun e la vido. Qu crèi en iéu, mort que mort, viéura; E tout ome que viéu e crèi en iéu, noun mourira eternamen. Lou creses acò?

Ié venguè Jèsu: T'ai pas di que, se creses, veiras la glòri de Diéu.

E Jèsu plourè.

En ausènt acò, Jèsu diguè: Aquelo malautié d'aqui es pas pèr la mort; mai es pèr la glòri de Diéu, sus l'estiganço que lou Fiéu de l'Ome n'en siegue englouria.

Dicho aquéli paraulo, éu d'uno voues forto cridè: Lazàri, vène deforo. A la segoundo sourtiguè lou mort, li pèd e li man estaca 'mé debendeleto, e la caro agouloupado d'un susàri. Jèsu diguè i gènt: Destacas-lou, e leissas-lou s'enana.

Adounc Jèsu, tourna-mai fernissènt dins soun dintre, venguè au toumbèu. Èro uno baumo, e i'avien bouta 'no pèiro pèr davans.

Ansin parlè, em'acò pièi à-n-éli diguè: Lazàri noste ami dor, mai lou vau leva de sa som.