Mekɛ mɔɔ akee menli bɔle ɔ bo kɛ bɛso dɔɔnwo wɔ azɛlɛ ye azo, na bɛwole mralɛ mraalɛ la, anwomanyunlu menli bie nwunle kɛ menli amra mraalɛ ne mɔ anwo yɛ fɛ; yemɔti bɛvale mɔɔ bɛdabɛ bɛkulo la bɛgyale bɛ. Na Ɛdɛnkɛma zele kɛ, “Menrɛmaa sonla ɛnrɛdɛnla aze dahuu, ɔluakɛ ɔle nwonane. Ɔvi ɛnɛ mɔɔ kɔ la sonla ɛnrɛli ɛvolɛ mɔɔ bo ɛya ko abulanwiɔ la.” Mekɛ zɔhane anu, yɛɛ nzinlii bɔbɔ, anwomanyunlu menli zɔhane nee mralɛ mraalɛ ne mɔ wole mralɛ. Na bɛmɛ bɛ mra a le menli kakanyinlima ne mɔ mɔɔ mɔmoane ne bɛliele duma la.