Versets bíblics populars de Soane 11

Comparteix

Na pati loa Sesu kiate ia : Ko au ko le toe tuuake mo le mauli. Ko leia e tui kiate au e mauli loa a ia, tatau aifai pe mate a ia ; ti ko leia e mauli mo tui kiate au e leaise toe mate loa a ia. Pe ke tui ki ai ?

Na pati loa Sesu kiate ia : Pe na leaise kau pati atu kiate koe, kapau e ke tui, ti e ke tio loa ki le kololia o le Atua ?

Na tagi loa Sesu.

I lana logo ki le nea lena, na pati loa Sesu : E leaise sikuga le masaki lena ki le mate, kae ki le kololia o le Atua, o tupu ke fakasa ai le kololia o le Alo o le Atua.

I le oki o lana pati lena, na kalaga loa a ia o leo lasi : Lasalo, au ki fafo ! Ti na au loa le mate ki fafo, kua saisai ona vae mo ona lima ki ni kie, ti kua takatakai ona mata ki se tupenu. Na pati loa Sesu kia latou : Kotou veteki ona sai, ti kotou tuku a ia ke ano.

Na toe tukumanava loa Sesu i lona loto, ti na ano loa a ia ki le tanuma. Ko se ana a ia, ti na tapono a ia ki se fatu.

I le oki o folafola ana, na pati loa a ia kia latou : Ko lotatou kaukau nea ko Lasalo e moe ; kae kau ano nei o fafagu a ia.