Versets bíblics populars de Luka 13

Comparteix

Kotou faiga ke kotou ulu i le matapa lau ikiiki. Talie e kau pati atu kia koutou, e toka api latou ala e fefai loa ke ulu, kae e leaise lotou mafai loa.

Ti ko leinei, na i ai se fafine leia na ulu tino ai se laumalie veli leia na fakamasaki ia a ia talu mei fetuu e kau agafulu tupu valu ; na tua piko a ia, ti na leaise mafai ke toe tuu fakasako a ia. I le tio a Sesu ki le fafine, na kalagai loa e ia a ia, o pati kiate ia : Fafine kua fakamauli a koe i lou maimoa.

Ti na teki loa e ia ona lima ki le fafine. I le temi fai lena na tuu fakasako loa le fafine, o fakafetai ki le Atua.

Ti ko leinei, e i ai loa ni mulimuli e liliu loa ko ni muamua, ti mo ni muamua e liliu loa ko ni mulimuli.

Ka tuu loa le pule o le fale, o tapono le matapa, ti ko koutou, ala e tutuu loa i fafo, e fitifiti loa i le matapa, o pati : Aliki, Aliki, fakamavaa mai kia matou ! E tali atu loa a ia kia koutou : E leaise kau iloa pe ko koutou meifea !

E kau pati atu kia koutou, leai. Kae kapau e leaise kotou fakasemala o fetogi akoutou aga, ti e kotou mamate fuli loa ofaipe latou ana.

Ti e tali loa a ia : E kau pati atu kia koutou, e leaise kau iloa pe ko koutou meifea ; kotou fakamamao atu iate au, koutou fuli ala e fai ia le agaveli.

Na toe pati loa Sesu : E tatau mo lea le puleaga o le Atua, ti kolea ke kau fakatatau a ia ki ai ? E tatau le puleaga o le Atua mo se fa fatui sinapi leia e too e se tagata o ti ki lona oloto ; e somo a ia, o liliu ko se laakau lasi, ti e nonofo loa a manu lele o le lagi i ona laa.