Versets bíblics populars de Luka 14

Comparteix

Kapau e au se tasi kiate au, kae e leaise fakamuamua e ia au i lona tamana, mo lona tinana, mo lona avaga, mo ana fanau, mo ona fetaina, mo ona tuagaane, ti mo lona mauli totonu, ti e leaise mafai ke liliu a ia ko laku tisipulo.

Ti ko leia e leaise amo ia lona koluse o muli mai iate au, e leaise mafai ke liliu a ia ko laku tisipulo.

Talie ko leia e fia taualuga e tuku loa a ia ki lalo, ti ko leia e fakataulalo e siki loa a ia ki aluga.

Koia ko leia ia koutou e leaise fakafiti ki nea fuli ala e maua e ia, e leaise mafai ke liliu ko laku tisipulo.

Talie, ko ai ia koutou, mo kapau e loto a ia ke fau se tule, e leaise tonatona mua a ia ki lalo, o fakafuafua le puli, ti mo tio pe maua e ia se nea ke fakaoki ai a ia, Talie na oki le teki e ia o le fakatafito, ti e leaise mafai loa ke fakaoki e ia a ia, ti e gologolo loa kiate ia latou fuli ala e tio loa ki ai, o pati : Kua kamata laga e le tagata lena, kae na leaise mafai e ia lona fakaoki !

Kae, ka ke fai se kaitasi, fakaafe le kau mativa, mo le kau maimoa, mo le kau kito, mo le kau kivi. Ti e ke manuia loa, talie e leaise mafai ke lotou totogi atu a ia kiate koe. E totogi atu loa a ia e le Atua kiate koe i le toe tuuake a le kau agatonu.

Ko le patai ko se nea malie ; kae kapau e puli lona konakona, ti e toe fakakonakona loa a ia kilea ? E leaise toe malie a ia ki le kele, pe ki le fakagako o le kele ; e ti a ia ki fafo. Ko leia e maua ia ni taliga ke fakalogo, ke logo.