Versets bíblics populars de EVASELIO A MALEKO 14

Comparteix

Nee ina ui leva: Abba, Tamai, e feala te u mea fuli kia koe, fakamamao atu ia au te ipu aeni! Kae ke aua naa fai ki toku loto, kae ke fai pe ki tou finegalo.

Koutou alaala, pea koutou faikole, ke aua naa koutou higa ki te fakahala; e malohi te laumalie, kae e vaivai te kakano.

E au ui mooni atu kia koutou, i te u potu fuli pe e fakamafola ai anai te logo lelei i te malamanei katoa, e toe fakamatala anai i ai te mea nee fai e te fafine aeni ke fakamanatu ai kia ia.

Pea nee ina ui leva kia natou: E mamahi toku laumalie o kaku ki te mate; koutou nonofo i heni, pea kotou alaala.

I te lolotoga o tanatou kai, nee too leva e Sesu he pane; i te osi o tana fakafetai, nee ina tofitofi leva ia ia, pea nee ina foaki age leva ia ia ki ana tisipulo, o ui: Koutou too, ko te mea aeni ko toku sino.

Pea nee ina too leva he ipu; pea, i te osi o tana fakafetai, nee ina foaki age leva ia ia kia natou, pea nee natou inu fuli leva ki ai. Pea nee ui leva e Sesu kia natou: Ko te mea aeni ko toku toto, ko te toto o te hai foou, ae kua liligi o tupu ko te toko lahi.

Nee ui leva e Sesu kia natou: E kotou higa fuli anai; koteuhi kua tohi: E au taai anai te tauhi ovi, pea e mavetevete anai te u ovi.

Koutou tutuu ki oluga, o olo! Koeni ia ia ae e ina fakatau au!

Pea nee ui leva e Sesu kia ia: E au ui mooni atu kia koe, i te aho nei, i te po pe aeni, ia mua o te uua tua lua o te moa tagata, e ke fakafisi tua tolu anai kia au.