Versets bíblics populars de EVASELIO A MALEKO 13

Comparteix

E fehiainai anai koutou e te u hahai fuli, o tupu ko toku huafa, kae ko ae e kataki fualoa anai o kaku ki te fakaosi e haofaki anai.

Koutou tokaga, koutou alaala pea koutou faikole; koteuhi e mole koutou iloi pe e hau fakaa anai te aho aia.

Ka ave anai koutou o fakamaaui, aua naa kotou tuania te mea ae ka kotou palalau anai ki ai i mua, kae kotou fakaha te mea ae e tuku atu anai kia koutou i te hola totonu aia; koteuhi e mole ko koutou ae e palalau anai, kae ko te Laumalie Maonioni.

E puli anai te lagi mo te kele, kae e mole pe puli anai aku folafola.

O uhiga leva mo te aho pee ko te hola, e mole pe iloi ia ia e he tahi, pee ko te kau aselo i te lagi, pee ko te Alo, kae ko te Tamai toko tahi.

Ka kotou logo anai ki te palalaui o ni tau kua hoko, pea mo ni tau e teuteui, aua naa kotou matataku, koteuhi e tonu ke hoko te u mea aena. Kae e mole ko te aho fakamuli anai aia.

Koia, koutou alaala, koteuhi e mole kotou iloi te lakaga e liliu mai anai te pule o te fale, pee ko te afiafi, pee ko te vaelua po, pee ko te uua o te u moa, pee ko te uhu. Kotou matataku naa hau fakafokifa ia ia, o mau mai koutou e kotou momoe. Ko te mea e au fakaha kia koutou, e au fakaha ia ia ki te hahai fuli: Koutou alaala.

E malaga ake anai he puleaga o fakafehagai ki he tahi puleaga, pea mo he puleagahau o fakafehagai ki he tahi puleagahau; e i ai anai he u mafuike i te u potu kehekehe, pea e i ai anai he u hoge. Ko te kamataaga anai aia o te u mamahi fanau.

E tonu mua ke fakaha te logo lelei ki te u puleaga fuli.

Koteuhi e hau anai he kaugamalie i toku huafa, o ui: Ko au. Pea e natou kakaai anai he hahai kaugamalie.

Koutou tokaga kia koutou totonu. E ave anai koutou ki te u telepinale, pea e haha anai koutou aki ni akau i te u sinakoka; e koutou tutuu anai ia mua o ni kovana pea mo ni hau, o tupu ko au, koteuhi ke kotou fakaha te mooni kia natou.

Koteuhi e malaga anai ni kilisito lohi mo ni polofeta lohi; pea e natou fai anai ni mea fakaofolele, mo ni milakulo ke fakahehe ai te kau filifiliia, mo kapau nee feala.

Kae i te u aho aena, i te osi o te mamahi aena, e fakapouli anai te laa, pea e mole toe tuku anai e te mahina tona malama, pea e maluluku anai te u fetuu mai te lagi, pea e galulu anai te u malohi fuli o te lagi.