Versets bíblics populars de Jɔ̃́ɔ́ 14

Comparteix

“Ḿ sè ɓě gìɖìǐ gbo. Ḿ mìɔùn nììn gìɖìǐɔ̀, ɖéɛ̀ ḿ nyíà ɓěɛ̀. Ḿ seɛ ɓě nyí kà ɓóɖó-kpàà nyɔ ɓě nyíà nyɔǔn gìɖìǐɛ. Ɓěǐn ɖá ɓɛ́ ɓěɛ̀ hwòɖǒ ké ɖé ɖei kpá. Ɓěǐn ɖá ɓɛ́ ɓě ké fɛ̃̀ìn.

Ké Jízɛ̀ cɛ̃ɛ ma ɔ gbo, ké ɔ ɖá, “Mɔ̄ mɔ̀ hwìèɔ̀. Mɔ̄ mɔ̀ jǎàɔ̀. Mɔ̄ mɔ̀ fɛ̀ɛ̀ɔ̀. Nyɔ ɖò se ɖé Ɓǎɔ̀ gbo muɛ ɓɛ́ìn, ɔ mùìn dyɛ ɖé ḿ mú hwɛ̀.

Ké Jízɛ̀ cɛ̃ɛ ma ɔ ɖeín-nà-nyɔ̀ ɓěɔ̀ gbo, ké ɔ ɖá, “Ɓěǐn ɖá ɓɛ́ ɓěɛ̀ hwòɖǒ ké ɖé ɖei kpá. Ɓě taɓa Gèɖèpɔ́ɔ̀ hwìɖǐǐ, ɓɛ́ ɓě ké mɔ́ún hwìɖǐǐ taɓa ɖekè.

Nyɔ-gbo-kpá-nyɔ̀ ɓɛ́ ɔ mɔ̀à Zùù Hwɛ̀ǐn-hwɛ̀ǐn ɓɛ́ ḿ Ɓǎ muà tòùn ɖé ní nyɛ́nɛ́ múɛɛ mu ɓě ɖɛ séín tɛ̀mɛ̀ìn. Ké ɔ mu ɖɛ séín ɓě ɓɛ́ ḿ ɖǎ ma ɓě gbo cɛ̃ɛ ɓě hwìɖǐi dyàùn.

“Nyɔ mɔ̀ nyɔ ɓɛ́ ɔ kpɔ̃ ɖɛ ɓě ɓɛ́ ḿ cɛ̃à kɛɛ dyi, ké ɔ nyu waa, ɔ mɔ̀ nyɔ ɖɛ̀ɓɛ̀ ḿ múɛ. Ḿ Ɓǎ mu nyɔ mɔ̀ nyɔ ɖɛ̀ɓɛ̀ ḿ múɛɛ mú ɖɛ̀ɓɛ̀ìn, ké mɔ́ún mu ɔ mú ɖɛ̀ɓɛ̀ìn ɖekè, ké ní mu ḿ mìɔùn ɔ dyí tɛ̀mɛ̀ìn.”

Ké ní mu Ɓǎɔ̀ dyi dièìn, ké ɔ mu ɓě Gbo-kpá-nyɔ̀ ɖò gbo tòùn. Ɔ mɔ̀ jǎà Zùùɔ̀, ké ɔ mu ɓě gbo nììn kánáá pū. Ɓóɖóɛ̀ nyɔ ɓě se ɔ jè dyi kpɔ̃ɔ ɓɛ́ìn, sepóɛɖé wa se ɔ dyéɛ ɓɛ́ìn, ké wa se ɔ dyí dyuò. Kɛɛ ɓě mɔ̀ùn dyuò ɔ dyí, sepóɛɖé ɔ nì ɓě gbo, ké ɔ cĩ́ ɖé ɓě mú.

Ní mu ɖɛ séín ɓɛ́ ɓě zɔ̀ ɖé ní nyɛ́nɛ́ múɛɛ nyuùn, ɓɛ́ nyɔǔn ɓě ké Gèɖèpɔ́ɔ̀ dĩ́ín-dĩ̀ìnɔ̀ dyé dyììn ɖé mɔ̄ mɔ̀à Dyúɔ̀ kɛɛ mú. Ɓě dyi ɖɛ ɖò zɔ̀ ɖé ní nyɛ́nɛ́ múín, ní muɛ nyuùn.

“Ɓě dyi ḿ mú ɖɛ̀ɓɛ̀ǐn, nìí, ɓě mu ɖɛ ɓě ɓɛ́ ḿ cɛ̃ ɓě gboɛɛ nyuùn.

Ɓí-dyù ɓáún-ɓáún nì ɖé ḿ Ɓǎ ɓíɖí-gbǒǔn, ké ḿ nì muɛń, ɓɛ́ ḿ ké ɓě bìì pá ɖò naɓaà. Ɔ seɔ́ má ná nìǐn, ḿ seɔ́ ɓě ɖɛ nìà kɛ gbo cɛ̃ɛ́ mu.

Ké ɔ jǔ ké ḿ dyi mu, ké ḿ dyi ɓě bìì pá ɖò naɓaà ní, nìí, ní mu ɖe dyiìn, ɓɛ́ ḿ ké ɓě ḿ mìɔùn gbo dyà, ɓɛ́ ɓě ké dɛ̀ ní muà nììn nyɛɛ nì ɖekè.

Hwɛ̀ ké Tɔ̀mɔ́sì cɛ̃ɛ ma ɔ gbo, ké ɔ ɖá, “Bounɓo, à se dɛ̀ m̀ nìà muɛń nyɛɛ dyuò. Nìí, xwɛ̌ à ɓɛ́ìn hwìè mu ɖéɛɛ dyuòɛ̀ kɛ́?”