Versets bíblics populars de Máfìù 5

Comparteix

Mi gbɛɛ lɛ̀ɛ́ nábò dɔ kɛɛ é páni gbini à là. Kɛɛ lɛ́ɛ̀ à yà nábò yàà‐là‐pɛ̀ là, tó áà lɛ̀ fɔ̀nɔ̀ mia séĩ́ lɛ́ o kɛ́ìa bà. Zi nɔ́ doóa káa, ka tíé è lɛ̀ fɔ̀nɔ mia wɛlɛ mɔ̀, kɛɛ ó wɔ̃́ yiè séĩ́ lɛ́ kà kɛ̀ɛ gɛ̃̀, tó wáà tɔ́‐ɓɔ nɔ̀ ka Dàa lɛ́ e lɛ̀ía lɛ̀ɛ.

“Ka lɛ́ kà lɛ̀ fɔ̀nɔ kpóṹ là zèe mìà bàa. Pɛ́lɛ lɛ́ ò à dɔ tɔ̃̀ũ̀ tùluùa, à bĩ̀ĩ̀ lɛ̀ɛ́ ɓo.

“Mia lɛ́ o zò píé lɛ púlúa, zò géli lɛ o kɛ̀lɛ̀. Ƃii óò lo Wálà gɛ̃̀ɛ̃̀ɛ mɔ́ɔ̀ wɔ̃̀ mɔ̀.

“Mia lɛ́ wɔ̃́ lɛ́ Wálà à nàà à káa kɛ‐lɔ̀ diè lɛ o zò káa, zò géli lɛ o kɛ̀lɛ̀. Wálà lɛ́ɛ̀ lo o zò dàà fɛ́fɛ́ le.

Kɛɛ ḿm̀ gèe ka lɛ̀ɛ, ka dàa‐gbe lɔ̀ è kpɔ́ ka mɔ̀. Ɛ́ɛ̃́ kà sɛ̀nɛ ɓo mia lɛ́ ò ka sã̀ dɔɔ mɔ́ɔ̀ wɔ̃̀ m̀ɔ

“Mia lɛ́ pɛ wá o kɛ̀lɛ̀ o gɛ̀ɛ̀ mɔ́ɔ̀ wɔ̃̀ mɔ̀ɔ, zò géli lɛ o kɛ̀lɛ̀. Ƃii Wálà lɛ́ e lɛ̀ía, à tóò lɛ o là.

“Mia lɛ́ ò kɛ‐zì nàà kɛɛ zò‐yà‐gé é kɛ mia fĩ̀ã̀a, zò géli lɛ o kɛ̀lɛ̀. Ƃii Wálà lɛ́ɛ̀ lo o síì e gbe nì.

“Mia lɛ́ ò yà yéĩ̀zɛ̀ɛ, zò géli lɛ o kɛ̀lɛ̀. Wálà lɛ́ɛ̀ lo o zò‐yà‐wɔ̃̀ gèeè.

“Mia lɛ́ ò o sã̀ dɔ wɔ̃́ lɛ́ Wálà à nàà à káa kɛɛ̀ mɔ́ɔ̀ wɔ̃̀ mɔ̀ɔ, zò géli lɛ o kɛ̀lɛ̀. Ƃii Wálà lɛ́ e lɛ̀ía, à tóò lɛ o là.

“Mia lɛ́ ò mia yéĩ̀ kũa, zò géli lɛ o kɛ̀lɛ̀. Ƃii Wálà lɛ́ɛ̀ lo o bɛ̃̀ɛ̃ o yéĩ̀ kṹũ̀ nɔ́ kíli.

“Yé mia waà lé‐kã́ kɛ ka mɔ̀, tó wáà ka sã̀ dɔ̀, e bɛ̀i, wáà nɛ̀ yɔɔ̀ yɔɔ̀ doò do kpɔ̀ ka mɔ̀ ka kɛ̀ m̀ mia nì káa mɔ́ɔ̀ wɔ̃̀ mɔ̀ɔ, zò géli lɛ ka kɛ̀lɛ̀. Ka gé è li, ɛ̃́ɛ̃́ káà géli kɛ̀. Ƃii ka fɔ́nɔ́ lɛ́ lɛ Wálà‐pàa lɛ kpànazɛ̀ɛ mɔ́ɔ̀ wɔ̃̀ mɔ̀. Zía lɛ́ wa kɛá dɔ̀‐Wálà‐lé‐là‐mìà lɛ́ o kɛ ka mɔ̀ líéa káa.

“Mia lɛ́ o kpóló‐kpɔ̀‐mɔ̀ zɛ̀ɛ, zò géli lɛ o kɛ̀lɛ̀. Ƃii óò lo sɛ́lɛ́ lɛ́ Wálà aà e wè dɔ à ká o lɛ̀ɛ sɔ̀lɔ̀ ɓoò.

“Ka lɛ́ ka kpóṹ là zèe wèĩ káa. Kɛɛ yé wèĩ aà e zì kɛ̀ nɛ́ĩ́‐nɛ̀ĩ̀‐kɔ̀ gínia, zi sùu kpɛɛ̀ lɛ́ è bɛ̀i à mɔ̀ é kɛá nɛ́ĩ́‐nɛ̀ĩ̀ zeĩ́? Ye wá pɛ‐kɛ̀á‐pɛ̀ gbɛɛ ká. Óò mɔ́ɔ̀ à dùò ɓo luú, tó mia wáà tàà à là gbaa.

À mɔ́ɔ̀ wɔ̃̀ mɔ̀ɔ, kɛɛ è nyɛ ka mɔ̀, lɛ̀ zí ye wá à ká ka Dàa lɛ́ e lɛ̀ía mɔ̀ɔ lɛ́ ɓe.

Kà à gèe nɔ́ doó ‘M̀m̀’ ɛ̃́ɛ̃́ ‘Gbàaò.’ À yé kɛ̀ ká gèe gbaa à mɛ̀ĩ́a, lɛ́ɛ̀ go gbaa Kɛ‐pɛ̀ Yɔɔ Kɛ‐mìa píé.

“Kaà à ma do kélɛ̀ wa gèe mɔ́ kélɛ̀, ‘Mi é i nyìɛ doó wìáa, ò à bɛ̃̀ɛ̃ zì doó wí. Mi é i sɔ̃́ɔ̃́ doó yɛ̀áa, ò à bɛ̃̀ɛ̃ zì doó yɛ́. Kɛɛ ḿm̀ gèe ka lɛ̀ɛ, yé mi dò aà wɔ̃́ yɔɔ kɛ i káa, yékɛ̀ ɓá dɛ̀í dà. Kɛɛ yé mi dò aà i mɛ̀ i kɔ̀ yiè kpéĩ́ mɔ̀ɔ, à yé e ziéa zɔ̃̀ɔ̃̀ à lɛ̀ɛ á mɛ̀ kíli.

I kɔ̀ yiè yí nyìɛ é kɛ̀á kɛpìà í gó Wálà píéa, i nyìɛ e kília à ɓo e kèlè yí, ɓá dùò luú. Lɛ sɛ̀ kɛ í kɔ̃́ i gbĩ‐kpàla lɛ̀ dò ká, é dieá i gbĩ‐kpàla lɛ̀ séĩ́ kɛ̀ i mɔ̀, tó wáà i dùòá tíé‐pàa là. I kɔ̀ yiè é kɛ̀á kɛpìà í gó Wálà píéa, i kɔ̀ e kília à kã́ é gó yi, ɓá dùò luú. Ƃii lɛ sɛ̀ kɛ í kɔ̃́ i dɔ‐pɛ doó ká, é dieá i gbĩ‐kpàla lɛ̀ séĩ́ kɛ̀ i mɔ̀, tó ɓáà lòá tíé‐pà là.