Versets bíblics populars de शधाणूं 1

Comparteix

“पर ज़ेभै पबित्र आत्मां तम्हां दी एछे, तेभै भेटणीं तम्हां शगती; तेखअ खोज़णअ तम्हां लोगा मेरै बारै येरुशलेम नगरी और सारै यहूदा लाक्कै और सामरी लाक्कै और सारी पृथूई दी हर ज़ैगा।”

प्रभू ईशू बोलअ तिन्नां लै, “तेसा ऋता और तेऊ ज़मानें बारै थोघ हणें निं तम्हां किछ़ै ज़रुरत आथी तिन्नां गल्लो थोघ और हक आसा सिधअ बाप्पू परमेशरा का कि तिंयां गल्ला केभै हणीं।

ज़ेभै सह तिन्नां सेटा त, तेऊ दैनअ तिन्नां लै इहअ हुकम, “येरुशलेम नगरी निं छ़ाडी, पर मेरै बाप्पू परमेशरे तेसा करारा पूरी हणैं तैणीं रहै एसा ई नगरी न्हैल़ै लागी, ज़ेते बारै मंऐं तम्हां का पैहलै ई आसा खोज़अ द। (लुका 24:49) “किल्हैकि युहन्ना ता दैनी पाणीं दी डुबकी; पर परमेशरा दैणीं तम्हां लै पबित्र आत्मां दी डुबकी।” (मत्ती 3:11)

क्रूसा दी दुख ज़िरी ज़ान दैणैं का बाद रहअ ईशू च़ाल़्ही धैल़ै तैणीं शधाणूं संघै बगती-बगती तिन्नां सेटा डेऊंदअ और तिन्नां लै परमेशरो राज़ एछणें बारै खोज़दअ लागी। तेऊ की अह गल्ल कई पाक्कै सबूत रहैऊई प्रगट कि सह हुअ मरी करै भी ज़िऊंदअ।

इना गल्ला बोली करै नाठअ प्रभू तिन्नां सम्हनै उझै स्वर्गा लै और बादल़ै च़ोरअ सह तिन्नें आछी का दूर। (भज़न 47:5)

प्रभू डेऊंदी बारी तै तिंयां सोभ लागै दै सरगा बाखा लै भाल़ै, और दूई स्वर्ग दूत शेतै झिकल़ै बान्हैं दै तिन्नां सेटा लै आऐ और खल़्हुऐ। तिन्नैं स्वर्ग दूतै बोलअ तिन्नां लै, “हे गलीली मणछो, तम्हैं इधी खल़्हुई करै किल्है आसा लागै दै सरगा बाखा लै भाल़ै? अह ई ईशू ज़ुंण परमेशरै तम्हां सेटा का स्वर्गा लै च़कअ, ज़िहअ करै तम्हैं अह स्वर्गा लै डेऊंदअ भाल़अ, तिहअ ई एछणअ अह बापस फिरी।” (1 थिस्सलुनी 4:16)