Versets bíblics populars de शधाणूं 2

Comparteix

पतरसै बोलअ तिन्नां लै, “आपणैं मना बदल़ा और तम्हां मांझ़ै लआ हरेक आपणैं-आपणैं पाप माफी लै मसीहा ईशूए नांओंआं दी डुबकी, तै भेटणअ तम्हां पबित्र आत्मों दान।

तेखअ तिंयां सोभ लागै शधाणूं का शिक्षा लंदै, संगती, प्रभू भोज़ा करदै और हर धैल़ै प्राथणां करदै लागी।

तिंयां सोभ भर्हुऐ पबित्र आत्मां करै, ज़ुंण बरदान पबित्र आत्मां तिन्नां लै दैनै तेते साबै लागै तिंयां होरी-होरी बोली दी गल्ला करदै।

हेरा हेरी हुई सरगा का एक ढिश बागरी ज़ेही छ़ेल़ और ज़ेऊ घरै तिंयां बेठै दै तै सह सारअ घर बज़ेर्हूअ। तिन्नां का शुझुई आगीए लुपल़ै ज़ेही ज़िभा निखल़दी और तिन्नां मांझ़ै हरेकी प्रैंदै एछदी। तिंयां सोभ भर्हुऐ पबित्र आत्मां करै, ज़ुंण बरदान पबित्र आत्मां तिन्नां लै दैनै तेते साबै लागै तिंयां होरी-होरी बोली दी गल्ला करदै।

हर धेल्लै हआ तै तिंयां मांदरै कठा और घरै-घरै प्रभू भोज़ करदी नंद और भलै मनैं खाआ तै रोटी। ता तिंयां सोभ करा तै परमेशरे स्तोती और सोभ लोग तै तिन्नां करै खुश और ज़सरअ उद्धार हआ त, तिन्नां ज़ोल़ा त हर धैल़ै प्रभू तिन्नां संघै।

परमेशर बोला इहअ ‘खिरीए धैल़ी’ हणअ इहअ, ‘मुंह दैणीं आपणीं आत्मां सोभी मणछा लै। थारी शोहरी और शोहरू करनअ मेरी गल्लो प्रच़ार और थारै ज़ुआन मणछा भाल़णैं दर्शण और प्रोढै भाल़णैं सुपनै।

तिंयां सोभ विश्वास करनै आल़ै रहा तै कठा, और तिन्नें सोभ च़िज़ा बी हआ ती कठा। तिंयां करा तै आपणीं-आपणीं ज़ैदात और समान बेच़ी-बेच़ी करै ज़ेही ज़सरी ज़रुरत हआ ती तेही बांडी।

“‘पर ज़ुंण बी प्रभूओ नांअ लए, तेऊ भेटणअ उद्धार।’ (योएल 2:28-32)

ज़ेभै प्रभूए महान और सिध्द धैल़ै एछे, तेभै हणअ सुरज़ न्हैरअ और ज़ोथ हणीं लोहू ज़ेही लाल।’