Versets bíblics populars de लुका 23

Comparteix

तेखअ बोलअ ईशू, “हे बाप्पू, इना कर माफ, किल्हैकि इना का निं थोघै कि ईंयां किज़ू करदै आसा लागै दै?” संघा तिन्नैं सपाही बांडै आप्पू मांझ़ै परच़ी पाई करै तेऊए झिकल़ै। (1 पतरस 3:9याशायाह 53:12भज़न 22:18)

ईशू बोलअ तेऊ लै, “हुंह खोज़ा ताखा सत्त कि तूह हणअ आझ़ ई मुंह संघै स्वर्गे।”

तेखअ बोलअ तेऊ, हे ईशू, “ज़ेभै तूह आपणैं राज़ एछे, तेभै डाहै मेरअ बी खैल।”

तेखअ बोलअ ईशू ज़ोरै लैल़ पाई इहअ, “हे बाप्पू, मंऐं सभाल़ी आपणीं आत्मां तेरै हाथै।” इहअ बोली करै शोटै तेखअ ईशू प्राण।

ज़ांऊं तिंयां तेसा ज़ैगा पुजै, ज़िधा लै खोपल़ीए ज़ैगा बोला, ता तिन्नैं तिधी तिंयां बूरै कामां करनै आल़ै दूई डाकू बी एक दैहणै और एक बाऊंऐं क्रूसा दी छ़डाऊऐ।

दपहरा पोर्ही चिऊथै पहरै तैणीं रहअ तेऊ देशै घोर न्हैरअ हई और उडै तैणीं रही ज़ेही राच पल़ी। सुरज़ डुबअ और परमेशरे मांदरै लाअ द परदअ धेल़्हुअ प्रैंदा का थाल्लै तैणीं दूई बाखा लै। (आमोस 8:9इब्रानी 10:19)

एकी सुबैदारै तेऊ सम्हनै तिधी ज़ुंण हुअ तेता भाल़ी करै की परमेशरे ज़ै-ज़ैकार और बोलअ, “ज़रूर अह मणछ त धर्मीं।”