Versets bíblics populars de Lucas 14

Comparteix

—Ay k'a junuk ja we'nlex waxa k'ana oj ochanik jneb'umanil, jel t'ilan mas oj syajtayon ja ke'n, ke yuj ja snan stati, jach' mas oj syajtayon ja ke'n yuj ja sche'um sok ja yuntikili, mas oj syajtayon ja ke'n yuj ja smoj alijel winik ma ixuki. Ja we'nlexi, mi oj b'ob' ochanik jneb'umanil ta yuj k'a kechan we'n mas waxa k'ana oj ja yajta a b'ajex ke yuj ja ke'n.

Ay k'a ma' mi oj kuch yuj ja wokol jumasa, ma yuj mi oj sk'u'luk ja jas oj kali, mi oj b'ob' och jneb'umanil.

Yuj ja ma' jel niwan wax ya'a sb'a yuj ja tuk jumasa, jelni ch'in oj iljuka. Jaxa ma' ch'in wax ya'a sb'aji, jel niwan oj iljuk, —xchi ja Jesusi.

—Ja'yuj na'awik lek, ta yuj k'a oj ochanik jneb'umanili, t'ilan oj ch'ak a wa'wex kan spetsanil ja jas a wi'ojexi, —xchi ja Jesusi.

—Ay k'a junuk ja we'nlex wa sk'ana oj k'ul jun cha'anil ts'akab', ¿jasunka b'ajtan wa sk'u'lani? mi ma b'ajtan wax och kulan wax och k'ul pensar janek' ma oj yi'e, ti oj yil ta ay yi'oj ja tak'in janek' oj makunuki. Yuj k'a oj och ya k'e jun na'its mi ocheluk kulan b'ajtan b'a oj spensara'uk jaye tak'in oj yi'e, ja tsa'ani mi oj b'ob' ch'ak sk'u'luk, kechan ita b'a oj ya' sb'a k'ixwel. Spetsanil ja kristyano jumasa, ti oj yal'e'a: —Jelto ko'elat'ana— A nocho yi sk'u'lajel ja sna'itsi, jaxa ya'n mixa oj ch'ak tojb'uk a wuj. —Oj chi'uke.

Mas lek yuj k'a oj ja k'ul jun k'in ja tsa'ani, ja'xa loko ja ma' ajula sb'aji, ja ma'tik k'un yok sk'ab'i, ja ma' mix b'ob' b'ejyuki, sok ja ma'tik mix yila k'inali. Ja ye'nle'i, mini jas oj b'ob' ya'we a wi'a, jaxa Dyosi, jel lek oj yil'a. Ye'n oj ya'wi wa ts'akol ja yajnix sak'wi ja ma'tik lek ja jas sk'u'lane'i.

—Ja ats'ami jel ni leka, jaxa yajni wax ch'ak ja yipi, mixani lekuka, ojxa b'ob' jipxuk b'a ts'i'lel, mixani b'a oj och b'a yoj orno mi oj makunuk, mixani b'a abono mi oj makunuk, ja ma jaman ja chikini a yab' ja iti, —xchi ja Jesusi.