Versets bíblics populars de Lucas 8

Comparteix

Ja inat ko b'a lekil lu'umi, ja lajan sok ja ma'tik wax yab' ja yab'al ja Dyosi, wa sk'u'ane sok spetsanil sk'ujole'. Toj aye, sok jel tsamal ja jas wa sk'ulane'i.

Ja inat ko b'a yoj k'i'ixi ja wa slaja ja ma wax yab' ja yab'al ja Dyosi, yuj ja mix ya'a sb'aje b'a ja oj tukb'esjuke yuj ja yab'al ja Dyosi, kechan ja jex cham sk'ujole jastal jel oj sta'e ja stak'ine b'a oj sk'u'luk ja jas wa sk'anawe ja ye'nle'i.

Ja inat ko b'a yoj toni, ja wa slaja ja ma jel lek wax yab' ja yab'al ja Dyosi. Yuj ja mix yabye sb'eji, yajni wax jak ja swokole'i, ti wax ya'wekan sk'u'ajel ja Dyosi.

Tsa'an ti yal yab' ja sneb'umani: —Ja we'nlexi, mixa k'u'anonex ja ke'n. Jaxa ye'nle'i wa'nxta k'itk'unuke xiwel, yuj ja cham k'ujoli, ti wax yala sb'aje'a: ¿machunkiluk ja winik it ja wax k'u'aji yuj ja jastal wa'n snikjel sb'aj ja ja' sok ja ik'i?

Ja inat ko b'a yoj b'eji, ja wa slaja ja ma wax yab' ja yab'al ja Dyosi, yajni wax jak ja tan pukuji wax a'ji ch'ay sk'ujole, b'a jach' mixa oj sk'u'uke, sok mixani oj sta' ja skoltajele it wa sk'apa ja Dyosi.

Yuj ja spetsanil ja jas nak'an ayi, ojni chiknajuka, sok spetsanil ja jas wax nak'xi, ojni ch'ak na'xuka.

Yajni mixax b'ob' snak' sb'aj ja ixuk jawi, jel wa'n xiwel wa'nxta k'itk'unuk ti waj ko' mek'an ja b'a sti' sat ja Jesusi, cho yal yab' spetsanil ja ma' tey tiwi, ja sb'ej ja lom syamayi ja sk'u' ja Jesusi, yuj ja wego tojb'i. Ja Jesusi, ti yal yab' ja ixuki

Yajni wa'nxa b'ejyel ja sbarco'e b'a yoj ja'i, ti och wayuk ja Jesusi, Junta ch'ay k'ujol jak jun tsatsal ik' ja b'a yoj paman ja'i, wa'nxa ochel ya'lel ja sbarco'e'i. Jaxa sneb'uman jumasa jelxa wa'ne xiwel, yuj ja lajan sok ojxa ib'el ja'axuke'i, ja'yuj ti syujkese ja Jesusi: —Je'uman, Je'uman, oj ib'el ja'axukotik—. Ti k'e ja Jesusi, skomo ja ik' sok ja ja'i, yal yab' a lamxuk. Lamxini'a; laman kani.