Versets bíblics populars de TDP 4

Comparteix

Walan kəni, ka á re giɛ kaa Lawa, Dɛnaa Lawa li. Bɛ̀ ká ka dinin kɔ a gamali la, ká ga li ka ka foo tumaa nɛ, ka á re yii.

A giala, kaa Lawa, Dɛnaa Lawa lɛ n makara-doɛ̃ wole lɛa. A re n gɔn boe ka-a wa, a re ka bɔ̀n biɛ wa, a lɛ kɔ kɔn la mɛn wɔ ka digolon ne á n liɛ, a yiri a die boe ka bɛ-n wa.

A giala, kaa Lawa, Dɛnaa Lawa lɛ n ka tɛ bɛ́ lɔn màn kuĩ, a sii á kaka, a lɛ koe lawa kɔsɔ ganaa wa.

Sɛnɛ, ka n dinin kũ. Ka siin mɛnɛn yɛ ka yii ni, ka n yiri koa bɛn li taãn-taãnɛ, a ka yii toa koo, ka nyan toa ka yiri bɔ ǹ nɛ wa. Ka die ka kaa nɛnyaanan laanka kaa nɔ̀ɔnɔn daraa ǹ ganaa.

Ka dɔ̃ pelo kəni, ka kũ ka yiri ni, mà Dɛnaa Lawa n Lawa lɛa lon, a din nə Lawa lɛa tán. Bɛ̀ á n bɔ a din ni, lawa kɔsɔ banban.

Sonbore ne, tɔrɔn mɛnɛn bɛ́ gigiã ka wɔ bɛ́ lɔn, ǹ mɛn a lawa nə n nyii ǹ la, ka wɔa Lawa, Dɛnaa Lawa á ke n nyii wɔ la lɔn, bɛ̀ wɔ́ a bii wɔ sii mɛn ganaa.

A biikoo din tá die, bɛ̀ bɛa siin kɛn lɛn tá ka mìi ni ǹ mɛn waáraa, ká n nɔmaa gɔ́ɔ̃ nɛ, ka á re n bɔyɛɛ ka da yǎa kaa Lawa, Dɛnaa Lawa li. Ka á re n too koe a lon bɛa biikoo li.

Ma bɛ́ gɔn waa ǹ boo mɛn pii ka nɛ, ka baran màn da bɛ li wa, ka nyan màn dɔ bɔ lɛ wa. Kaa Lawa, Dɛnaa Lawa nə n gɔn waa ma nɛ ka boon mɛnɛn nɛ, má ǹ pɛ ka nɛ, ka bɛn lɛn tamaa.