Versets bíblics populars de TDP 5

Comparteix

N díi laanka n náa guguru kɔ, ka masɛ Dɛnaa Lawa, kaa Lawa lɛ pɛ má laa ka ganaa lɔn, màn mɛn bɛ́ toɛ n nyin sasa yɛ, n yii-nyɛɛ dɔ yɛ gána kɛ nɛ, kaa Lawa, Dɛnaa Lawa n koe ka la.

Kaa Lawa, Dɛnaa Lawa màn mɛn tumaa pɛ ka nɛ á laa, ka kɔ bɛ lɛ pepere, màn mɛn bɛ́ toɛ, ka yii goã koo, kaa wɔ boo la a bǐɛ̃ kɔ, ka nyin sasa yɛ gána kɛ nɛ, ká n die sii ka baa kaa wɔ lɛa.

Ka baran n kuməə bɛa lawan kɛn lɛn yɔrɔ-a, ka ǹ guguru kɔ wa. A giala, masɛ din Dɛnaa Lawa n kaa Lawa lɛa. Maa lɛ koe ka lawa kɔsɔ guguru kɔ wa. Bɛ̀ min sii la masɛ la, ma á dɔlɔ boe a nɛnyaanan ganaa, a nɔ̀ɔnɔn nɛ, yǎa a woe doe a nɔ̀ɔ fulupaa ganaa. Sɛnɛ, min mɛnɛn bɛ́ masɛ narɛ, ǹ nə masɛ a gɔn waa ǹ boon kɛn tamaɛ, man maa bǐɛ̃ kɛ zɛnɛɛ bɛn tɔrɔ duu gigiã nɛ.

Ka baran màn nyìn zɛnaa ka bɛ baa kaa lawa lɛa wa. Mànan mɛnɛn bɛ́ lon, ǹ mɛnɛn bɛ́ tán la, ka ǹ mɛnɛn dɔn bɛ́ mu li tán, a nyan bɛ kɔn nyìn baa wa.

Máa ka baran lawa kɔsɔ guguru kɔ masɛ kio wa

Ka baran kaa Lawa, Dɛnaa Lawa tɔ bii sii kooron ganaa wa. A giala, bɛ̀ min mɛn masɛ tɔ bii sii kooron ganaa, masɛ a bɛa dɛnaa kɛ toɛ dɔlɔ baã wa.

Sɛnɛ, toa bɛ̀ bɛa foo lɛ miã nə ǹ lon biikoo tumaa li, ǹ nə́ nyɛ́ɛ biɛ masɛ nɛ, ǹ nə́ masɛ a landa boon kɛn tumaa tamaɛ, ǹ dinin laanka ǹ nɛnyaanan yii-nyɛɛ a lɛa yǎa duduu.

Ka *susu ǹ pii tamaa, ka bɛ koa a gɔrɔn Lawa a lɛa, ka kaa Lawa, Dɛnaa Lawa goã á pɛ á laa ka ganaa lɔn.

N yii baran bɔ min kɔsɔ gɔn màn kɔn li wa. A nyan bɔ a lɔ li wa, a kion ne, a wuru ni, a bɛ̀rɛgiĩ ni, a bɛ̀rɛlɔ nɛ, a dii ni, a dundun ni, n yii nyan bɔ bɛ kɔn li wa.»

N baran naarɛbaa zɛnaa wa.

N baran soɛ da min la wa.

N baran gɛ̀ dɛ wa.

N baran wurumu baa wa.

Ka n yiri koa a nɛ, mà ka n ká goã bɛ̀rɛn lɛa Ezipti gána nɛ. Kaa Lawa, Dɛnaa Lawa lɛ na á sii kakan zɛnaa, á ka waa ka pàã nɛ á soo ka nɛ. Bɛ lɛ na á toa masɛ Dɛnaa, kaa Lawa lɛ laa ka ganaa, máa yǎa ka susu ǹ pii koɛ.

Ka dí nya lɛawaa sɔrɔ gɔ́ɔ̃ nɛ, ka kaa sii tumaa zɛnaa bɛ lɛ gɔ́ɔ̃ nɛ. Sɛnɛ, a lɛawaa sɔbaabaa ǹ wɔ ke, bɛ n masɛ Dɛnaa Lawa, kaa Lawa lɛ a susu ǹ pii lɛa. Ka baran dí kɔn nya bɛa pinaa kɛ lɛ-n wa: ka dinin ni, kaa nɛgiĩn ni, kaa nɛlɔn nɛ, kaa bɛ̀rɛgiĩn ni, kaa bɛ̀rɛlɔn nɛ. Kaa diin ni, kaa dundunun ni, kaa tɔɔn tumaa, ǹ kɔn baran dí nya wa, haalɛ gùlin mɛnɛn dɔn bɛ́ giã-n kaa kiwin ni. Ka zɛnaa miɛ̃ màn mɛn bɛ́ toɛ, kaa bɛ̀rɛlɔn laanka kaa bɛ̀rɛgiĩn nə n susu ka ka dɔn wɔ bɛ́ lɔn.

«Masɛ din Dɛnaa Lawa lɛ n kaa Lawa lɛa. Ma din ni má ka waa má ka bɔ bɛ̀rɛbaa nɛ Ezipti gána nɛ.