Versets bíblics populars de यूहन्‍ना 4

Comparteix

परमेश्‍वर आत्‍मा हुइट। उहओर्से उहाँक आराधना कर्ना मनै उहाँक आत्‍मक अगुवाइ सहित सत्‍यताम आराधना करपर्ठा।”

तर परमेश्‍वर बाबह सत्‍य-सत्‍य हिसाबले आराधना करुइयन परमेश्‍वरक आत्‍मक अगुवाइ सहित सत्‍यताम आराधना कर्ना समय अइटीबा, ओ वास्‍तवम उ समय आब हो। वास्‍तवम परमेश्‍वर बाबा अस्‍तह आराधना कर्ना मनैन खोज्‍ठ।

तर म्‍वार देहल पानी पिउइयह फेदोस्र कबु फे प्‍यास नैलगहीँस। काकरकि म्‍वार देहल पानी वाकरम बहटी रना पानीक मूल होजउइया बाटस, ओ ओहीह अनन्‍त जीवन देहहीँस।”

येशू हुँकहीन कल, “यदि टुँ परमेश्‍वरक वरदान ओ टुँहीनसे पानी मङ्‌ना व्‍यक्तिह चिह्‍न्‍टो कलसे, टुँ ओहीसे मङ्‌ग्‍ने रलहो, ओ ऊ टुँहीन जीवित पानी देने रह।”

येशू हुँकन कल, “म्‍वार खैना चिज त महीह पठुइयक आज्ञापालन कर्ना ओ उहाँक काम पूरा कर्ना हो।

उ जन्‍नीमनैया कली, “हजुर, अप्‍नकठे पानी भर्ना बाल्‍टी त नैहो, ओ कुवाँ फे बर्का गहिँर बा। तब अप्‍न कहाँसे उ जीवित पानी अन्‍बी?

उ जन्‍नीमनैया उहाँह कली, “महीह थाहाँ बा, ख्रीष्‍ट कैजिना मसीह अउइयाबाट। उहाँ अइहीँ त हमन सब बात बुझादेहीँ।” येशू हुँकहीन कल, “मै, जे टुँहीनसे बात बट्‌वाइटुँ, उह त हुइटुँ।”

“आओ, ओ एकठो मनैयह हेरो! उहाँ म्‍वार करल सब काम महीह कैदेल। कहोँ उहाँ जो ख्रीष्‍ट त नैहुइट?”