Versets bíblics populars de यूहन्‍ना 6

Comparteix

येशू हुँकन कल, “अनन्‍त जीवन देना रोटी मैहे हुइटुँ। म्‍वारम विश्‍वास कैक म्‍वार चेला हुइना मनैयह कबु फे भुँख-प्‍यास नैलगहीँस।

जीवन देहुइया त पवित्र आत्‍मा जो हुइट। मनैन्‍हक शक्तिले असिन काम हुइबो-हुइबो नैकरट्‍। म्‍वार ब्‍वालल् वचन पवित्र आत्‍मसे आइल हो ओ टुँहन जीवन देठा।

नाश हुइना रोटीक लाग केल काम कर्ना नैहो, तर अनन्‍त जीवन देना रोटीक लाग काम करो। उ रोटी मै मनैयक छावा टुँहन देहम। काकरकि याकर लाग परमेश्‍वर बाबा म्‍वारम आपन छाप लगादेरख्‍ल।”

म्‍वार बाबक इच्‍छा यिह हो, कि मै छावह हेर्ना ओ म्‍वारम विश्‍वास कर्ना सबजन अनन्‍त जीवन पैहीँ, ओ अन्‍तिम दिनम मै हुँकन जियादेहम।”

येशू हुँकन कल, “परमेश्‍वरक पठाइल मनैयह विश्‍वास करपर्ठा, परमेश्‍वरक चाहना अनुसारक काम यिह हो।”

बाबा महीह देना सबजन म्‍वारठे अइहीँ, ओ म्‍वारठे अउइयन कबु फे मै नैखेदम।

सिमोन पत्रुस जवाफ देल, “हे प्रभु, हम्र क्‍याकरठे जैबी? अनन्‍त जीवन देना वचन त अप्‍नकठे बा।

स्‍वर्गसे आइल जिटीह रोटी मैहे हुइटुँ, यी रोटी खउइयन सड्‌डभर जिटीरहुइयाबाट। मै देना यी रोटी म्‍वार शरीर हो। संसारक मनै जीवन पैहीँ कैक मै आपन शरीर देहुइयाबाटुँ।”

महीह पठुइया बाबा म्‍वारठे अइना मन नैदेहट्‍सम कुई फे म्‍वारठे आए नैस्‍याकट्‍, म्‍वारठे अइना सबजहन मै अन्‍तिम दिनम जियादेहम।

परमेश्‍वरक जाट्‍टिक रोटी उह हुइट, जे स्‍वर्गसे अइठ, ओ संसारक मनैन जीवन देठ।”

अनन्‍त जीवन देना रोटी मैहे हुइटुँ।

तब येशू उ पाँचठो रोटी लेक परमेश्‍वरह धन्‍यवाद देल, ओ बैठल मनै खैहीँ कैक चेलन बाँट लगैल। मच्‍छी फे ओसहेँक बाँट लगैल। हुँक्र सबजन अघाअघा खैल। हुँक्र खाक सेक्‍ल त येशू आपन चेलन कल, “उब्रल टुक्रिटुक्रा उठाओ, एक्‍को खर्बास हुइ जिन देओ।”

चेलाहुँक्र लाऊम चिहुर्क लगभग पाँच-छ किलोमिटर दूर गैरलह। तब हुँक्र येशूह पानीक उप्रउप्र नेङ्‌ग्‍टी लाऊओर आइट देख्ल। हुँकन भारी डर लग्‍लन। तर उहाँ हुँकन कल, “मै हुइटुँ, जिन डराओ।”