Versets bíblics populars de Marcos 14

Comparteix

Xub'ij: “Ta, yet ronojel is kattiki che, chinawesaj chupam i k'ax chi nab'e chinwach, xwiri are ti to' pacha kwaj yin; are cha'ana pacha i kawaj yet”. Keje ile xub'ij i Jesús che uqajaw.

Lik chixk'ask'atoq xaq chitz'onoj itob'al che i Dios man keje ile kixtzaq ti chupam i tzaqsab'al. Saq laj tzij, yix lik kiwaj utz'onoxik che i Dios, xwiri ich'akul lik nti ucho'ab'.

Lik saq laj tzij kinb'ij chiwe, wach xu'an ixoqi lik kkuxtax ni chila xaipa kb'ix wi utz laj tzij k'ak' re i Dios chwach ronojel i jyub' ta'aj —keje ile xub'ij i Jesús.

Rumali xub'ij chke: —Kinna jun b'is pwanima chi laj kinkam rumal. Chixkanaj kan chi, xaq chixk'ask'atoq —xcha i Jesús chke.

Tz'aqat are ketijin chwa'im, i Jesús xuk'am pan jun wa re trigo, xutioxij che i Dios, te'uri xupiro xaq xuya chke utijoxelab', xub'ij: —Chichapa i wa re trigo ri; iri are inch'akul.

Te'uri xuk'am pan i tu'b'al uwa'al uva muqb'am, xutioxij che i Dios, te'uri xuya chke, are uri konojel xkitu'u.—Iri are inkik'el chi kyijb'aw i k'ak' trat ru' i Dios, chi xaq kturuw na re tob'al kiwach konojel i winaq.

I Jesús xub'ij chke: —Iwonojel yix ksach ni ukub'ib'al ik'ux chwe man keje ile kub'ij uwuj i Dios: Kinkamsaj ni ajyu'ul chij, are uri konojel i chij kekicher nu b'ik.

Chixwalijoq, jo'; man ya knaqajab' i jun chi kinjachaw pki'ab' ajch'oj chwij —keje ile xub'ij i Jesús chke.

Are uri i Jesús xula' uwach che ma Pedro: —Lik saq laj tzij kinb'ij chawe, che i a'ab'i, are k'amaja kch'aw ukamul i teren oxmul kawuwaj ni inwach.