Versets bíblics populars de Marcos 15

Comparteix

Che i or le, are uri i Jesús lik xsik'in chub'ixkil i tziji: (“¡Eloi, Eloi! ¿Lama sabactani?” I usuk' i tzij le keje iri ke'eloq: “¡Wajwal Dios, Wajwal Dios! ¿B'uchak inawo'tam kanoq?”)

I aj-atzil chke i achiyab' chi je yij che i ch'oj aj Roma, are xrilo chi xkam i Jesús, xub'ij: —Lik saq laj tzij i winaq le lik Rak'al i Dios —xcha.

Xaq i kortin chi o prachoch i Dios xraqch'ij pa nik'aj, xmajan li puwi, xk'is k'a chuxe'.

Xwiri i Jesús ko xsik'inik, are uri xel uk'ux.

Are tik'il ij xpe jun nim laj equm chwach ronojel uwach i jyub' ta'aj, i equm le xk'is k'a che oxib' or re uqajb'al ij.

Xwiri ma Pilato kraj taj chi kpe koywal i winaq che rumali xro'taj b'i ma Barrabás. Te'uri xutaq uya'ik ulo'xik i Jesús, xaq xujach b'i pki'ab' i winaq man kkikamsaj chwach i krus.